Што купувате кога одите на мекици кај близок роднина, или кај познаник-пријател? Дали постои некој обичај за самиот ден? Кој всушност треба да ги прави мекиците кога е второ,трето... дете? Секогаш носам бонбоњера и вино, практикувам и честитка, а за поблиските приредувам нешто поинтересно. Пред точно 3 години кога дечко ми стана чичо кога се породи жената на брат му, наместо бонбоњера го направив ова, чоколадца со 21 различна кукличка (бидејќи е родена на 21.12, и на лентата пишуваше It's a girl ) Еве неколку сликички (ги имам сите куклички сликано посебно):
Сега од телефон ги префрлив сликте, еве лани во декември, што однесов за мекици Букет со бонбони И штрк плишана играчка со хелиум балони
Леле...Snow-Queen, од каде го најде штркот ?? Многу ми се допаѓа а и јас треба да одам на лулајка уште малку, а плус бебенцето ќе биде машко таман како што пишува на штркот Фала однапред
Јас кога одам на мекици кај блиски носам торта, радосница и цвеќе. Додека ако не ми се многу блиски бонбониера
Јас знам дека на мекици одат исклучиво жени, барем така правевме порано, а сега и мажи, сите на куп, па прослави по кафани, музика, малтене свадба , мене ненормално ме живцира ова помодарство, и дури ми се одмилуваат мекиците. Инаку кога одиме, носиме благо и цвеќе, евентуално некое привезоче златно ако ни е поблизок бебушот или од оние убави радосници. Еднаш по моја иницијатива, врамив слика од бебето штотуку сликано после раѓањето, во една многу слатка рамка. Лани на внуката од мојата најдобра другарка, навистина немав поим што и како, се роди на 23 декември, и за мекиците и' однесов еден огромен лампион за елката и честитка во форма на цвет, а внатре напишав посветена песничка за бебето.
Јас па откаго памтам мекици знам дека сме оделе цела фамилија, сите заедно и мајка ми и татко ми. Сега на мекици ако не` поканат, пак одиме сите заедно, со мене се и маж ми и ќерка ми. Ги сакам овие прослави, некако ми се најмили и баш тогаш ми се најслатки мекиците. Да, личат на свадби, ама па убаво е. Оние кои чекаат гости по ресторани не ги осудувам, туку напротив баш им е добра идеја со оглед на тоа дека дома не ти се прави гужва, ниту пак пушница (во ресторани не се пуши, а дома се` ќе ти се шчури, 3 дена нема да можеш да излуфтираш). Сепак секој си прави како и каде што сака, но и нормално колку му е длабок џебот. Еве баш пред некој ден со мм дискутиравме каде (во кое ресторанче) би правеле мекици, со оглед на тоа дека куќава и не ни е толку голема, кругот на пријатели ни е зголемен, а плус имаме и мало дете кое не би сакале да спие во затруена (не доволно излуфтирана) соба.....ама ќе видиме, има време, може ќе оди кај моите.....сепак ќе видиме и со финансии до кај сме, што сме.....ај малку забегав од темава Што се однесува до поклони секогаш носиме благо (бонбониера) обавезно, а ако се работи за ептен блиски тогаш и цвеќе за бабите па и некој пијалок за дедовците, а радосници и др. поклони сум носела кога сум одела ма повојница, а не на мекици. Инаку ми се допаѓаат идеиве и сликичкиве на СноуКвин и во иднина може и ќе и украдам некоја
На мекици не сум била добри 5-6 години дури и не се сеќавам што сум носела. Со ова модерново време маж ми е по мекиците а тој носи обично вино и благо
Досега сум носела бонбоњера и вино за машките.Некогаш и цвеќе. Пред некој месец,за другарка ми,роди девојче однесов бонбоњера,цвеќе и розево перниче за бебчето ,случајно го најдов и сите го бендисаа
Вечер сме на мекици, јас мислам секако да носиме вино за таткото, од тука добив идеја наместо бонбониера и цвеќе да купам бонбониера во форма на букет. Е сега ме интересира за бебчето дали се носи нешто сега и што? Инаку да напоменам дека ние сме кумови на бебчето.
Поклон имаме спремено ама за повојница, само се двоумам некои викаат дека за бебето не се носи ништо на мекици некои викаат дека се носи. Сепак може да земам Радосница или некоја поголема плишана играчка.
Одлична идеа. Ние за мекици собравме доста играчки, а за повојница претежно алишта(среќа сите се за 1 година, мразам кога носат поголеми , а и едно комплетче од баба ми за 6 години ). Радосница е навистина одличен подарок. Ние не добивме, па се мислам да си купиме една, имам видено во Веро
Читам кума си....се` е индивидуално, за нашите мекици нашите кумови само благо донеле, а на повојница си донесоа тоа што си сакаа за бебето. А некои други гости покрај благо имаа донесено плишани играчки. Како си сакаш, нема правило.
Јас за мекиците не добив ништо. Освен од мајка ми алиштенца. Сепак мислам дека кум треба да однесе нешто. Еве Радосница е добра идеја. Но би можела и подлога за играње, пресоблекување, кадичка и сл.
Знам дека темата е само за прослави и подароци, но не можев да најдам посоодветно место да прашам од каде порачавте мекици, од која фирма, пошто има некои што се многу мрсни, исто битна ми е и цената пошто мене здравје би ми требале околу 300
Гледам во секој крај различни обичаи за мекици. Во нашиот крај ги дават свекрвата и мајката на невестата. Одат само жени, поклон не се носи освен благо (симболично), а на маса има мекици, локум, шеќер и сирење. Родилката воопшто не е засегнета со тоа, бабите си ги канат гостите.
Кога одиме на мекици носиме бонбониера. Кога се породив, маж ми дома викаше гости за мекици. На маса го имаше стандардното - сирење, салама и пијалоци. Ги викна најблиските. Од нив доби бонбнониери. Според мене, на мекици треба да се викнат најблиските. Забележувам дека има и такви што не прават мекици.
За мекици кај нас се носи нешто како цвеќе, бомбоњера. После 40дена се оди на гости кај бебето (повојница) и тогаш се носат подароци за бебчето, најчесто облека и играчки и нешто конкретно што им треба на родителите. Ја морам сега да промрчам тука малце. Што се дешава со модава у последно време да се праат мекици у кафана? Па мора посебно датум леле леле, детево ќе наполни една година луѓево не можат мекици да направат од што се кафаните зафатени, пошто нели треба да се истакнат кој у која кафана ќе праи и што ќе почасти. Мекиците се праат кај мајката на мажот после 1-2 од кога жена му ќе се породи. Има мекици, сиренце, нешто саламкасто и за пиење. Одиш да честиташ, да видиш некоја слика од бебчето и тоа е се. Не знам ја шо им стана на луѓево со кафаниве и славјето! Не дека не е за славење, него ми нема поента кафанското во ситуацијава.
