ТЕМА: Рецепти за бебешка храна

[slavica999]

не се алергени, туку само можат да предизвикаат реакција на организмот,

Да, само дупето им биде црвено како на мајмунче. На мојот и ден денес може понекогаш да му се појави црвенило кон дупето ама 1 ден се мачкаме со павловичева интензивно и потоа нема гајле (тој претерува може да изјаде 4-5 портокали и 4-5 мандарини, 1 лимон и затоа го кријам овошјето од него или го ставам на недостапни места. Можеби сум единствена која дава овошје со мерка. Истото тоа може да се случи и од др. овошје кое има јака овошна киселина ако се претера).
Јас би да давам по малку, затоа што од бебе се учи на такви вкусови и создава навика за овошје.

[koritsaki]

не се алергени, туку само можат да предизвикаат реакција на организмот,

Да, само дупето им биде црвено како на мајмунче. На мојот и ден денес може понекогаш да му се појави црвенило кон дупето ама 1 ден се мачкаме со павловичева интензивно и потоа нема гајле (тој претерува може да изјаде 4-5 портокали и 4-5 мандарини, 1 лимон и затоа го кријам овошјето од него или го ставам на недостапни места. Можеби сум единствена која дава овошје со мерка. Истото тоа може да се случи и од др. овошје кое има јака овошна киселина ако се претера).
Јас би да давам по малку, затоа што од бебе се учи на такви вкусови и создава навика за овошје.

славица се согласувам со твојот пост. и керка ми сака да јаде многу такво овошје но на бебе пред 1 година не треба да се дава бидејки прави проблеми , се зацрвенува кожата. а овде педијатриве даваат уште од 6-ти месец

[d.Darla]

Колку ливчиња спанаќ се доволни за еден оброк (+ морков + кисело млеко)?

[Annath]

По барање на мама Божица ќе пишам некои рецепти за бебиња од 6-8 месеци.

Каша од јаболко со ориз
2 лажици ориз добро се мие и се вари во вода. Откако ќе се свари, се цеди, па се додава едно рендано јаболко во смесата и се чека да зоврие. По желба, може да се стави малку цимет. Може да се направи со било кое овошје (круша, праска, кајсија, слива).


Каша од спанаќ
Се чистат неколку ливчиња спанаќ, се отстрануваат дршките и се мијат убаво. Се попарува со врела вода да отстои малку, а потоа се цеди и се вари со малку вода на тивок оган. Се додаваат 1-2 кафени лажички измиен и исчистен ориз (може и мелен, ама поубав е обичен ориз) и се вари. Кога ќе се свари се додава едно лажиче путер и малку мајчино/ад млеко.

Каша од тиква
Тиквата се мие, лупи и сече на мали коцки, се вари убаво, се пасира и се меша со мајчино или ад млеко. Може да се додадат безглутенски житарки по желба.

Каша од морков и тиквичка
Морковот и половина тиквичка се мијат убаво, се чистат и се сецкаат. Се варат во малку вода на умерена температура, па се пасираат. Ако кашата е многу густа, се додава водата во која се вареле, се мешаат со едно лажиче несолен путер.

Чорба со зеленчук
Еден морков, пола тиквичка, малку корен од целер се сецкаат и се варат заедно со една лажичка ориз. Кога се наполу сварени, се додаваат неколку листови спанаќ и лист од целер. На крајот се става лажичка ситно сечкан магдонос. Се пасира, се додава една лажица кисело млеко и од водата во која се варел зеленчукот.

Овошен јогурт со овесни снегулки
Се миксира банана, една праска/јаболко/неколку вишни/круша (второто овошје е по избор), со една лажица овесни снегулки и чаша јогурт или кисело млеко. Се остава малку да постои да се згусне од овесните снегулки.

Каша од брокула
100г брокула се мие и се вари неколку минути (да омекне убаво), се пасира и се додава малку кисело млеко, а може и жолчка (1/8 жолчка околу 7 месец).