ТЕМА: Детето - ЕДИНЧЕ

[Trendafilka]

... или како што милувам да ги наречам Single децата во семејството!

Јас сум единствено дете, никогаш не сум посакала ниту брат, ниту сестра. Нормално, кога е едно дете во прашање, целата грижа, љубов, внимание оди токму кај него, па често слушам коментари дека сме разгалени до небеса, арогантни, скржави, себични...

Кој од вас форумџики е дете ЕДИНЕЦ и какво е вашето мислење? Какво се мислењата нормално и на останатите? Се чувствува разлика секако, дали е подобро детето да расте со барем уште едно покрај него? Дали тоа го прави подобра личност?
Овие прашања неминовно ми доаѓаат, бидејќи предрасуди од типот дека детето единче по дифолт мора да е разгалено, суетно, себично и не знае да се снајде и социјализира уште од малечко, па таквите "лузни" го следат и во подоцнежните години, барем мене лично ми се смешни и апсурдни.

[Annath]

Искрено, сметам дека е подобро да бидат повеќе деца во семејството, ама ако од било кои причини родителите можат да имаат само едно дете, тогаш во ред (само не оправдувам кога ќе речат дека им е доволно едно дете, некако тоа ми е многу себично). Јас лично, не сум единче. Имам брат, постар од мене пет години, и знам дека нема да ми беше исто без него, бидејќи ми беше пример кога растевме, а потоа кога дојдов на факултет во сосем нов град, непозната средина многу ми помогна на почетокот - нели за тоа е тој тука?
Но не сметам дека детето единче е разгалено, саможиво, егоцентрично - тоа пред се зависи од начинот на воспитување - тука родителите ја имаат главната улога. Лично познавам деца единци кои се супер, воопшто не се разгалени, себични и егоцентрични, а има и деца кои не се сами во семејството, а сепак се до немајкаде разгалени, мамини и татини мази на кои им е дозволено се што ќе им падне на памет. Ама тоа веројатно доаѓа со новото време и начинот на живот - на родителот му е полесно да му даде на детето се што ќе побара само да го остави на мира, и после детето ќе се научи дека во животот може да добива се што сака без проблем. И без разлика дали се единци или имаат браќа/сестри, не оправдувам такво воспитување (а не знам јас каков родител ќе бидам).

Можеби малку забегав од темата

[she-17]

во поголемиот број случаи кога детето е единче го добива целото внимание од родителите, сето она што го заработуваат оди за едното дете и можеби некогаш влијае тоа да го направи детето поразгалено и посебично..но немора да значи. мојата најдобра другарка нема браќа ни сестри. како мала воопшто не добивала внимание од страна на мајка и бидејќи таа учела за магистер а татко и работел и уште работи од утро до вечер..таа вели дека не почувствувала потреба од брат или сестра но мојот однос со неа мене ми го покажува спротивното. премногу сме блиски, се си кажуваме и по цеееел ден сме заедно(летото мислам дека повеќе бев кај неа отколку кај мене дома)..можеби сепак и треба некој.и на секого му треба друштво.

инаку за тоа дека единчињата се послаби,понеснаодливи и понеиздржливи потполно не се согласувам. тие баш така сами научиле да живеат, да се борат за сопствените ставови и да не прифаќаат ништо освен нивната одлука

[Go-Girl]

само можам да кажам дека нема ништо поубаво од тоа да имаш брат/сестра....не би можела и не би сакала да сум дете едиче, гледам има околу мене многу такви и точно е дека имаат поинакви размислувања и ставови, некои работи неможат да се научат од никој друг туку само од соживотот со некој близок како брат или сестра.....да имаат и многу предности што се сами, но според мене има повеќе недостаток која се наоѓаш во таква ситуација
има разгалени деца, без разлика дали е едно, две или три.....се зависи од начинот на кој родителите го воспитале, е сега понекогаш и тоа ако е едно дете има влијание во т.н. разгалување

кога еден ден јас ќе имам семејство не би сакала да имам само 1 дете...но не се знае што не чека во иднина

[Shelea]

Можеби ќе звучам и јас полна со предрасуди или не знам како, но... Искуството кое го имам со познаници, пријатели, луѓе - единци, ми зборува дека, на овој или оној начин, помалку или повеќе - да, разгалени се, себични, каприциозни и на моменти неподносливи.
НО! Тоа не ги прави полоши од останатите, фала богу, едноставно се така навикнати, научени. Ми се случило низ разговор со некој, да го проценам дали е единец, само поради барањата и ставовите што ги има за извесни работи Има и луѓе кои ги имаат истиве особини, а не се единци, да се разбереме! Јасно е тоа, секако, но поголема ми е веројатноста единците да бидат такви какви што околината едноставно ги прави - тие се центарот на вниманието, не мора да делат, за нив се планира и се живее. Не се виновни што се сами, нормално. Разбирам дека се случува да не можат партнерите да имаат деца, и кога ќе добијат едно, му се тресат, што се вели. Имам неколку братучеди, единици, и сите се на различен начин воспитувани, но и сите се на различен начин разгалени
Не би сакала да сум единица, имам сестра и знам што се’ ми значи и ќе ми значи да имам некој толку близок до себе, секогаш.
Кога ќе бидам родител, се надевам на повеќе од едно дете. Жал би ми било да е само. Но, зависи од факторот - здравје, финансии. Сепак, ставот ми е дека би сакала повеќе деца.

[done]

јас сум дете единец и слободно можам да кажам дека не сме себични, разгалени, суетни (нормално со ретки исклучоци). како прво јас сум научена на самотија, немам ни брат ни сестра и ми е ок, мислам дека сега не би поднела да имам брат или сестра оти не сум навикната на таа ситуација и не би ја издржала(а едно време многу сакав да имам помала сестричка, ама брзо ми помина таа желба ), навикната сум дома сама да се борам за мојот став и знам брзо сама да си донесувам одлуки и сама да си ги сносам последиците од тие одлуки, а разгалувањето доага од родителите, секое дете единец е галено од цела фамилија, само да не се помине таа граница. а кога ми треба друштво тука се другарките , сепак има многу предности кога е едно дете, но има и недостатоци,а јас би сакала да имам две деца

[slavica999]

Jas sum dete edinec, ne bi kazala deka sum razgalena no kako sto kazaa prethodnite ne bi podnela da imam brat ili sestra. Valjda e toa normalno deka taka sum porasnala. Za drustvo sekogas se tuka prijatelite i ne sum pocustvuvala nekoja potreba za brat ili sestra. Eve sega imam edno dete mada maz mi saka uste edno ama jas...dali e toa ok ili nedostatok kaj mene pojma nemam...

[annnni]

разгалени се, себични, каприциозни и на моменти неподносливи.

И јас мислам дека е така....сега не сакам некој да се лути ама тоа е мое мислење...

[snake]

и јас сум дете единче и воопшто нер сум разгалена имам другарки кои се повеќе деца во фамилија и тие се повеќе разгалењни одколку јас мислам дека тоа со разгаленоста и себичноста зависи од воспитувањето на родителите

[Lilit]

Единка сум,но излегувам од сите стереотипи.
Имам карактеристики на најстаро дете во семејство во кое има 10 деца.
Ниту разгалена,ниту захтевна,ниту хировита,ниту себична,ниту умислена,ниту самобендисана...само тврдоглава.
Благодарам на мама и тато за тоа.