Барав и видов дека нешто вакво нема. Дали одите вие, дали одат на детски фестивали или па учествува вашето дете? Посетете го Дом на АРМ има убави концерти за деца еднаш месечно и многу е убаво.
Мојата сестра учествуваше на тра ла ла фестивал за деца во Битола. Претходно беше на аудиција, потоа и напишаа песна за учество. Интересно е за нивна возраст и кога ги гледав сите како играат и пеат си викав алал да им е на децата, толку се опуштени и воопшто не им е срам
Јас сум го носела и на златно славејче и на поточињаИ да ве прашам дали некој знае зошто веќе нема супер ѕвезда?
Ај да ви влетам, можи не е за ова тема. Пред некој ден ми излезе статус за Златно Славејче, не бил фестивалот како порано, пеење во живо со хор и слично. И ме натера да размислам, дали детските фестивали се посетувани како порано. Ние повозрасните не пратиме можи, ама дали со дечките одите, дали има хитови како порано шо ги знаат децата (Боби, Наташа, Никола, Марионка од "наше време"). Сепак познати пејачи/ки почнале од таму. Ние шо сме од подалеку немавме шанса во детството да одиме баш на Славејче, ама во Битола пример имаше неколку познати фестивали за деца, сега не постојат. А не' носеа од училиште, ехее по 100 претстави имаше. Па на родендени се пуштаа песните, сите ги знаевме. Немам околу мене мали деца, па не знам како стојат сега работите, а ме фати носталгија. Ги има песничките од оваа година, поинтересни и од Макфест се.
@Ugly Duckling внука ми ги знае баш овие од наше време, што ги наброја. Од последниве години не знае ниту една. Многу повеќе имаше тогаш, и уште ги знам. Си ги пееме со неа заедно. Тоа време мислам дека никогаш нема да се повтори.
Имам братучетка што е второ одделение и нивниот учител ги носи во кино, театар, на фестивали, базари, на пикник..секаде. инаку, оваа година гледав сториња од родители што си ги носеа децата мислам дека одат доста, а дали се слушани песничките тоа не знам. ***Гледаат дајте музика најмногу дечињата а се препеани старите од "наше време" .
@Ugly Duckling посетени се и денес,бар Златно Славејче,ама помалку хитови има за разлика од порано кога ги знаевме напамет со ред.Инаку ќерка ми е 2,5 год и ги слуша сите ретро,од мое време(рани ‘90ти)едвај ги најдов со ептен лоша снимка,но јас ѝ ги пеам. “Мајмун јадел попара” и “Чичко чевлар “ ѝ се омилени. Сигурно се постари од тебе
Има и сега хитови Златно Славејче: Кап, кап; Зајче без опавче итн... И посетени се доста. Со ќерка ми на три престави сме биле до сега и сите беа фул. Штета што Супер Sвезда одамна е згасната. Сум ги носела внуките на престави и имаа навистина голем број хитови.
Мојава здравје од школо ќе ги носат во декември на Златно славејче.Лани бевме на Поточиња на отворено, а претходните две години немаше заради ковидот ништо. Претходно, се мислев, но беше помала, не би седела повеќе од час, па одеше на мини претстави од типот на Биби и Боби. Инаку, има некои хитчиња од Поточиња од пред неколку години, барем тоа што ние сме слушале по дома, а сеуште актуелни и оние кои ти ги наброја.
Да се надоврзам на муабетот за "Златно Славејче" - во принцип не сакам многу да критикувам и сум благодарна што барем уште се одржува, но за жал, има простор за критика. Прво, оваа година славејчињата не го отворија фестивалот со традиционалната песна за Скопје "Градот убав", што е за осуда, сепак фестивалот е посветен на нашиот град и затоа и се одржува на 13 ноември. Второ, песничките се со низок квалитет, штанцани на компјутер и сите наликуваа една на друга. Кореографијата на дечињата од хорчето е истата години наназад, две-три исти движења на сите песнички се повторуваат и се остава впечаток на сувопарен и некреативен настан. Трето, аман со Вива сокчиња, разбирам и спонзорство и се, ама песничката од рекламата за сокчињата го доминира цел фестивал, на почеток, меѓу секоја песничка и на крај, цело време ечи, децата на крај си ја пеат рекламата и ништо не им останува во сеќавање и од така потпросечните песнички. Се надевам дека фестивалот ќе го превземат вистински креативни луѓе, одговорни организатори и талентирани музичари и ќе го вратат на она ниво да биде празник за очи и уши и преубаво сеќавање за децата од новите генерации.
Не знам на која претстава си била, но јас колку што памтам го отворија фестивалот со Градот убав, а го затворија со За сите деца. Дел од критиката е издржана, но и овој фестивал како и се друго е рефлексија на времето и условите во кои живееме. Квалитетот на музичари и композитори е тој, а секако и работата со деца не е лесна. Колку пари толку музика. И ти напомена дека среќа што воопшто се одржува фестивалот барем да има нови песни кои на македонски ќе ги слушаат дечињата, за промена од англиските на кои се навикнати.
Ние бевме на Златно славејче годинава, преполно беше. Инаку во градинка им пуштаат постари песни, многу ретко некоја нова.