ТЕМА: Не го сакам татко ми

[The.Complicated]

Да почнам со фактот дека имав психички проблеми, се самоповредував и бев на работ на самоубивство, и се заради татко ми.
Едноставно, не чувствувам љубов кон него...Се чувствувам како најмалтретираното дете на планетава..
Моја приказна е долга. Сите што го знаат татко ми, колку и да се блиски со него, не го сметаат ни за другар, пријател, а полошо ни како син, ни како сопруг. Мислам дека е најтешкиот човек на планетава. Болен перфекционист, ситничар, себичен, премногу штедлив, троличен, алхохоличар, љубоморен, се само дел од особините што му следат. Израснат е во сиромашна фамилија, без правец во животот. Единствена причина за да го постигне тоа што е денес од страна на финасијата и професијата е мајка ми. Му помогнала за се, нејзините родители му пружиле се, а тој не е благодарен и секојдневно ја малтретира мајка ми и и љубомори. Два пати има кренато рака на неа, а мене ме тепа брутално и без причина. Поради илјада случки, зборови што ни ги има кажано, за сите тие навреди што ги собирав во себе, морав едноставно да експолодирам..Низ солзи му кажав дека не го сакам, дека вујко ми и вујна ми ги сакам повеќе од него, дека сите го мразат, и му кажав дека дека никој и ништо нема да ме натера да го засакам како татко, ниту да го сменам моето мислење. Мајка ми се плаши од самиот развод, иако ме сака безвременски.
Мојата животна цел е цел живот да го јадат и уништуваат овие зборови, но чисто се сомневам во тоа, бидејќи е болно самоуверен и не слуша ништо од никој..а најмалку од едно дете од 14 години.
Се надевам дека некој има време да го прочита ова и да ми помогне..

[Ketrhine]

Aко е таков тешко дека животната цел ќе ти се исполни , гледај најди си друга цел да се отргниш од него и да имаш смирен живот . незнам и мајка ти зошто се плаши од развод , тоа е мн нормално во таква ситуација . со нејзиното плашење го уништува и твојот живот .

[Reaper666]

девојче ..премало си за да ги трпиш овие работи .. ова е страшно .. седни и разговарај со мајка ти ..кажи и дека сакаш да живееш а не да се малтретираш .. мајка е и те сака.. сигурно ке сака да ти помогне и да го остави тој човек (прости што вака го нарекувам "човек" ама мислам дека не вреди да го наречам "татко ти") или во краен случај пријави .. :S
навистина ми е жал .. се надевам дека ќе успеете да го решите овај проблем заедно со твојата мајка ..

[The.Complicated]

Благодарам за поддршката.
За разводот, многу пати има мајка ми размислувано, но сепак како секое семејство финансиски зависиме од него, и се плаши да не останиме на стаклени нозе после разводот. Имаат секојдневни кавги, и секоја кавга завршува со заканата " Ќе поднесам барање за развод, неможам да живеам вака ". Но, знам дека мајка ми, колку и лош човек да е, таа го сака. Во фамилијава, сум единствената која му се спротиставила, сите се плашат. И после еден ден повторно ќе се смират, ќе влијае неколку саати добра атмосфера, ќе отиде по кафани, ќе се испијани, или ќе се изнервра на работа, и следува пеколот.

[Heidi]

Девојче почни да се фокусираш на други работи. Излегувај, дружи се, тренирај нешто, учи, биди зафатена во поголем дел од денот, нека ти бидат мислите на друго место. Не те родиле родителите за да се грижиш ти за нив, туку они за тебе. Добро што ја имаш мајка ти да ти помогне и да ги поминувате тешките работи заедно, да те утеши. Лесно е ние форумкиве сега да ти кажеме да и кажеш на мајка ти да се разведат ама не е така лесно тоа, тешка одлука е, особено што финансиски зависите од татко ти. Но, биди и подршка на мајка ти, во смисла ако помисли на такво нешто да ја подржиш и да и кажеш дека можеби тоа е најправилна одлука.

И не се секирај, ниедно семејство не е совршено, сите имаат проблеми. Но помисли дека ти ќе имаш еден ден семејство, што ти ќе го создадеш и хармонија која ти ќе ја створиш по дома. Сега си мала и немаш некое влијание, затоа, не се нервирај, избегнувај го татко ти и не се оптеретувај со тоа дали он ќе сфати дека греши или не. Живеј си ги животот, на почеток на младоста си, те очекуваат многу убави моменти!

[Mama90]

Мило девојче тоа е навистина голем и сериозен проблем. Ти си уште многу млада, твојот карактер сеуште се развива, не е нормално да растеш и да се развиваш во такви околности. Мисли малку на себе во иднина ке се омажиш, ке имаш деца, за да ги одгледуваш децата треба да бидеш психички и физички здрава. Очигледно твојата ситуација е сериозна. Обиди се смирено да разговараш со татко ти кога ке е смирен и трезен, кажи му дека многу те плаши неговото однесување... Ако не успее и тоа тогаш размислете со мајка ти можеби ке биде најдобро да пријавите семејно насилство... А и разводот во вакви ситуации понекогаш е неизбежен. Имаш ли брат или сестра?
Те гушкам и ти посакувам многу среќа

[HeelsLover]

Девојче па ти мораш да го смениш татко ти во друг човек , разговарајте за оваа работа а иначе многу ми е жал за тебе паметно,фино девојче со таков татко

[Ann.94]

И јас можам да кажам дека, не го сакам. Имам преживеано ваков период, но тоа беше пред околу 8 години. Ваквите луѓе барем јас мислам дека не се менуваат. Пред мои очи се случуваа ужасни работи кои нема да ги заборавам. Да имаше барем тронка човечност немаше да дозволи јас и брат ми да имаме такво детство, и сега да растеме без татко. Дури без срам тој беше оној што сакаше да заминеме од куќата. Тоа и се случи, се спакуваа најважните работи и заминавме да живееме кај баба ми и дедо ми. Започнавме нов живот овде, тешко беше на почетокот но полека полека работите си доаѓаат на место. Сега живеам со мајка ми и брат ми мирен живот. Единствен контакт со него беше само да ни честита роденден преку телефон, но сега веќе ни тогаш не се јавува. Мајка ми е душа од жена. Многу пати ми има кажано ако сакам дека можам да го посетам кога сакам. Но јас не сакам.

Прв пат се отворам на форумов. Не откривав многу работи за себе, но кога го видов проблемов не можев да не се искажам. Всушност овој дел од мојот живот го знаат само моите најблиски.

Девојче, знам како се чувствуваш, но морате да превземете нешто. Или да се обидете да разговарате со него убаво и да сфати што прави, дури и ако се согласи на стручна помош, или преселете се кај некои блиски роднини кои се спремни да помогнат. Со такво малтретирање не се живее.

[WildCherry]

Секој почеток е тежок девојче али мора да ставите крај и да го почнете тој почеток кај шо небитна улога ке игра тој “татко ти“ ...

И искрено во право си што го мрзиш, и ја го мрзам мојов али со таа разлика што он дури сега се свестува шо глупост направил, али тоа е нека пати сега ... Што сеел тоа ке жнее .!.

Една раб од искуствово мое ке ти кажам, дека се се враќа, ко што мои последни 19години ја не сум била битна за татко ми, сега од нигде никаде му станав битна, АЛИ ОН мене НЕ ми е битен. Така и кај татко ти. Памети ми ги зборовите, ке го акне него кармата и ке му текне на тебе и твои зборови.

Ја би искрено, да сум на твое место да седнам и да зборнам со мајка ми и да и предложам да си заминеме од таа куќа... За финансии вие не зависите од него,вие чекате на него и негова милост. Мајка ти ке најде работа, ама и ке најде мир и за тебе и за сите околу неа.

За почеток ете заминете кај баба ви дедо ви, вујковците што ги имаш, или најдите гарсоњера некаде , кај и да е , само колку за почеток додека не најдете решение и не застанете на нозе.
предложи и го ова. Побитен е мирот и твоите живци.

Дури и прави муабет со твои блиски роднини. Нека запре овој пекол . Прави муабет со сите што ги рачунаш блиски, изнајдете решение, иако си премногу мала, али мора ова да запре ,зашо последиците ТИ ке ги трпиш никој друг.

Нека направат муабет и со мајка ти ко возрасни ваши луѓе.

[BlackSwan5]

Не знам што да ти кажам а да не се повторам со останатите.
Но едно е јасно,мора да се стави на таа тортура крај.Во спротивно ќе биде се полошо и полошо.Мајка ти треба да го напушти затоа што таков човек не се менува.Не е должна да го трпи неговото физичко и психичко малтретирање.А ниту пак ти не си должна на 14 години да се самоповредуваш поради него.Во овие години треба да бидеш безгрижна а не да се нервираш.Жално е што постојат многу такви семејни проблеми а децата се оние кои најмногу страдаат.

Само биди храбра и се надевам дека ќе се среди ситуацијата.