ТЕМА: Што се смени откако станавте родител?

[Snow-Queen]

Што се смени кај вас откако станавте родител?
Нагло се сменија некои работи,или пак постепено...
Бевте среќни или разочарани во одреден дел...
Колку всушност ве смени чинот кога станавте родител?

[DeMelo]

Со оглед на тоа дека деновите можеби и часовите и минутите се бројат до денот кога ке го добијам моето прво чедо делумно и кратко ке дадам одговор, али мисалм дека не сум далеку од вистината.
Животот буквално ке се смени во секоја можна точка, секој можен поглед.
Се што предходно ни било примарно ке ни стане секундарно.
Едниствена важна работа ке биде здравјето и среката на нашето дете и како да го изнесеме на правиот пат низ животот.
Ке биде тешко, али ке ни причинува најголемо задовлоство.
Покомплетно резиме за неколку години.

[slavica999]

Кога го носиш 9 мес. бебушот знаеш дека го сакаш ама не ти е јасно што. Штом прв пат ќе го земеш во свои раце веднаш се раѓа и родителската љубов т.е мајчинството.
Самото родителство носи некои поголеми одговорности. Детето е на првото место а потоа ти. Е тука баш некои родители прават голема грешка како да само тие имаат деца и ги запоставуваат своите мажи и настануваат проблеми. Тука треба да има некој си баланс меѓу дете и сопруг. Не правиш се за детето, туку за семејството и себичноста треба да се заборави.
Станав почувствителна и поемотивна. Верувам дека кај сите постои некој си мал период на прилагодување на нов член во семејството и додека е мало друг ритам на живот. Среќен си во секој поглед. И најголемата нервоза која некогаш те вади од такт ја смирува таа мала насмевка на лицето на детето. Е тоа е волшебство или тренинг на нерви кој ти го прави детето .
Понекогаш колку и да се нервирам и да го карам една прегратка ме освојува која знам дека е чиста и искрена. Интересни глумци се и точно знаат кога и каде е слаба точка на родителот.
Мислам дека родителството па и бракот како чин не ме смени. Можеби дотера некои финеси во мојот карактер. Јас сум таква каква што сум со мои принципи и навики. Понекогаш можеби приќутувам за некои работи, но тоа не значи дека не гледам или не ме интересира.
Тешка е улогата на секој родител. Секој се труди на свој начин да биде добар родител. Од кило месо треба да го исчуваш и изведеш на прав пат во животот. Тоа само по себе носи и некои одрекнувања и поднесување на жртви од страна на родител. Но, тие се наша гордост и не би рекла дека за нив живееме, ќе звучи многу себично и нефер. Доволно е да ме направи горд родител и да биде подобар од мене.
Здравје, животот е пред мене и што е во рамки на мои сили ќе се потрудам да бидам најдобра мајка. Понекогаш и ние самите ,,забегуваме,, па од многу трудење остануваме ,,трудни,, се зезам, знаеме и невозможното да го напрвиме возможно или да се изгубиме во реалноста.
Сепак не е страшно колку што е опасно , мала шала. Тоа е благослов кој секој го посакува

[flowergarden]

Неспорно е дека животот на мајките најмногу се менува. Е сега мене ме интересира од поискусните, колку вашите мажи/татковците се имаат променето. Дали омекнуваат или си остануваат баш исти?

[MSkorpionka]

Ако претходно од мене не можеше да се слушне ниту еден збор во деминутив, сега сум лигушка на која секој збор и завршува со -че. Само со малата тоа нормално, инаку пред остали свет уште се држам...
Те разнежнува детето ненормално многу, колку и да си бил камен претходно ќе се најдеш често во ситуации со солзи во очите додека го гледаш едноставно како си игра или си зборува со играчките...

Не мислам веќе првенствено за себе. Бев по малку себична, претежно гледав мене да ми е се' подмирено па после може да дојдат на ред другите. Сега можам да си скратам од се' само да е таа задоволена.
Одговорност. Не дека ја немав оваа карактеристика и порано, но со дете добива друго и поголемо значење.
Страв. Поголем страв од тоа -да не и се случи нешто, сум немала никогаш ниту за себе, ниту за било кој друг близок...

[Ariel]

Се смени животот

Кај мене лично, во крарактерот мислам дека немаше некоја драстична промена. Не мислам дека станав поодговорна, затоа што станав одговорна кога почнав да работам, и искрено - за мене тогаш многу повеќе работи се сменија отколку кога станав мајка.

До душа да, и одговорност, но главно при изборот на работа - веќе не ми беше најважно да работам работа во која уживам, туку работа од која добро ќе заработувам за да можам да му овозможам на семејството пристоен живот. Ако порано менував работа кога ќе ми текне, откако станав мајка почнав да премерувам по сто пати - како мојата одлука ќе се одрази на другите членови од семејството, пред се децата. Ми се намалија храброста и независноста.

[Nine25]

Се се смени Дефинитивно во сите изнесени ставови и мислења погоре се пронаоѓам.Одговорноста спрема детето спрема семејството домот ми е преголема Дефинитивно децата ми се на преден план НО мораме да најдеме време и за нас со сопругот. Многу сум почувствителна поемотивна по среќна порадосна Сега слободното време ни го диктираат децата често пати се случува да не одиме некаде каде што сме сакале затоа што сме заспале сме биле настинати сме имале температура и ред други работи Децата многу го менуваат животот нормално на подобро

[Eleonorastrumica]

Кај мене многу се смени од кога станав родител не мислев дека толку многу ќе се борам со сите само тој да е добар,имав многу домашни проблеми поврзани со него,но им реков на сите дека мене што сакаат може да ми прават ама за детето животот го давам и за него не простувам што му прават зошто јас знам како сум го носела 9 месеца низ какви се маки заради старите сум минела и сега детето истото ми го минеше но се пресечев и реков сакам моето дете да има среќно детство без проблеми и без наметнувања од други зошто тоа за ништо не е виновно,го сакам повеќе од себе посебно кога ќе ми се насмевне денот ми го прави најубав иако некогаш не ми е убаво или имам различни проблеми,тој е светлоста на мојот живот