Пребарав, но немаше некоја тема за боречки вештини како аикидо и карате, па направив една. Ме интересира што мислите воопшто за боречките вештини, дали ви се допаѓаат, за што помагаат, дали сте по нив? Дали некој од форумов наш практикува карате или аикидо? Како му оди, дали му се допаѓаат резултатите, за што е добро и што вклучуваат тренинзите. Запознаена сум и со карате и аикидо, но со аикидо повеќе зашто вујко ми има црн појас. Знам само дека аикидо е со виткање, нозе, раце и зглобови, т.е ако сакаш можеш да скршиш коска. А каратето нешто удирање со нозе повеќето. Сепак, ме интересира вашето мислење, тренира ли некој? Можеби ќе се запишам и на аикидо, зашто мајка ми не сака да ме пушти на бокс, па може на ова ќе ме пушти..
Еве јас можам да ти кажам за карате. Веќе неколку години активно се занимавам со карате,сум идела на најразлични натпревари и првенства. Ако се искривуваш,ќе ти помогне каратето затоа што секогаш треба да имаш прави ставови. Каратето не е спорт,тоа е вештина. Не е само удирање со нозете,туку подеднакво како и со нозете така и со рацете се прават движења. Супер е кога си премногу нервозен,ќе отидеш на карате и ќе си ја потрошиш енергијата максимално,дома ќе си ко пајче Епа ете,тоа е моето мислење.Можеби малку долго,но се трудев да помогнам
Хахах, не бе нема везе и онака сакав да слушнам нечие мислење. И другарка ми иде на карате ама таа ништо не ни кажува Извини ако сум досадна, само едно прашање, одиш на натпревари ако сакаш, или онака клубот си организира? Ама не за оние натпревари во градот, туку да речеме на првенства, Балканско и слично? Не сваќам баш ни јас..
Епа види сеа,неможе они да ме праќаат а ја да си плаќам Сум била и на светско и на европско,државно...На државното обавезно се иде,а за другите ако сакаш +избираат поединци кои имаат стипендија или кои мора да идат(овде се подразбираат големи успеси)
Аикидо е модерна јапонска боречка вештина што се одликува со широки, прецизни и моќни движења, кои се изведуваат со потполна концентрација и смиреност. Истовремено е и високо ефективна и потполно ненасилна. Во превод значи „Дисциплина за хармонизирање на енергијата“. Аикидо техниките се изградени врз принцип на искористување на силата на напаѓачот. Тоа значи дека на нападот не се одговара со судир или директни пресретнувања (блокови, удари и сл.), туку со избегнувачки движења. Аикидото е специфично затоа што оној што вежба аикидо ќе биде вешт не само да се одбрани, туку притоа и да не го повреди напаѓачот. Карате е јапонска боречка вештина која ги користи сите делови на телото со цел за самоодбрана. Каратето содржи повеке стиливи како што се Wado-Ryu(kai),Shotokan,Kenpo... Ударите во каратето се превземени од кинескиот бокс (кунг фу). Одлучете сами : http://www.youtube.com/watch?v=J_K6LOFBBCc
Па вујко ми е мајстор по аикидо.. и секад си ги испробува вежбите на мене хахаха И секогаш влучуваат виткање на раце. -.- Ми рече дека аикидото е всушност, ако употребиш доволно сила можеш да скршиш коска, а и тоа е поентата да го фатиш на пример напаѓачот да му ги свиткаш рацете, да го легнеш на земја за да неможе да мрда и слично... Каратето некако ми е поедноставно бар колку што глеам. Аикидото поинтересен спорт ми е, иако топ фаворит ми е бокс и што и да биде не се откажувам од него.
Мислам дека може тука да се зборува и за капуера, афро-бразилска борбена вештина, бидејќи донекаде е слична на каратето и аикидото. Инаку, се сомневам дека кај нас има курсеви по капуера, бидејќи не верувам дека има лиценцирани инструктори - веројатно ќе треба во странство да се обучуваат, па дури потоа кај нас да работат. Инаку, и мене ме интересираше оваа вештина еден период, ама бидејќи кај нас нема инструктори... Капуера е афро-бразилска уметност со комбинирани елементи од боречки вештини, музика и танц. Била создадена во Бразил од страна на робовите донесени од Африка, особено од оние од денешна Ангола некаде после 16-тиот век. Се развила во областа Куиломбо дос Палмерас, која се наоѓа во Бразилската држава Алагоас и имала големо влијание над Афро-Бразилските генерации, била застапена и во државите Баија, Пернамбуко, и во Рио Де Жанеиро. Учесниците во ходата или кругот, свират на музичките инструменти ( како што е Биримбао), пеат, и прават спаринг по парови во центарот на кругот.Спарингот го карактеризираат флуидна акробатска игра, финти, и екстензивно употребување на замавнувања, удари со нозе и удари со глава. Поретко се употребуваат техники кои вклучуваат удари со лакти, шлаканици, боксови. Историчарите се поделени на оние што веруваат дека таа е директен потомок на Африканските боречки стилови и на оние кои веруваат дека е уникатен Бразилски танц дестилиран од различни Африкански и Бразилски влијанија. Едно популарно објаснување тврди дека тоа е Африкански боречки стил кој бил развиен во Бразил, поставена од поборникот Салвано, кој кажал-,,Капуерата не може да постои без црниот човек, но нејзиното родно место е Бразил”. Ако сакате повеќе да дознаете за капуерата, прочитајте овде, иако Википедија баш и не е релевантен извор на информации за било што, сепак, тука може колку толку да се информирате за оваа вештина.
девојки еве од сигурен извор ве известувам дека набрзо ќе се отвори клуб за капоеира со инструктор бразилец, штом ги завршиме сите подготовки ќе ве известам доколку сте заинтересирани, бидејќи газдата е странец треба некој период за виза и сите процедури па се надевам дека максимум за 2 месеца ќе се отвори. ако некој е заинтересиран ќе му пишам лп поздрав
Добро е да се вежба но нели е подобро да се гледа од страна други каде што вежбаат или го практикуваат.Гледајте си филм или на јутуб со ЏЕТ ЛИ или пак СТИВЕН СИГАЛ добри Кун-фу и Таквондо мајстори.
јас одам на карате и можам слободно да ви кажам дека многу помага , и е многу интересно би ти препорачала и ти да пробаш , доколку сакаш мислам , затоа што ќе има каде да ја истрошиш вишок енергијата и ке добиеш облини [ ако ги немаш**] позз
Баш вчера почнав да вежбам аикидо. Мислам не од што вежбав, го научив само основното движење и една вежба. Мада и таа не ја научив како што треба.. Сега, не сакам ова да звучи како реклама, ама ако некој е заинтересиран да тренира аикидо нека ми пише ЛП.
тренирав карате долго време и стигнав до пред земање на црн појас и се откажав...Балетот го ставив на прво место и се откажав од сите други спортови вештини па дури и од каратето...но да знаете тоа што го научив нема никогаш да го заборавам, каратето не е само обична боречка вештина, туку нешто посебно што не се опишува со зборови... Сепак сум среќна што балетот ми е на прво место бидејќи ме исполнува максимално, со балетот го почуствував она кое нема име -сепак феминки не ја правите мојата грешка ако ништо друго барем не се откажувајте пред земање на црн појас :/
Јас имам одено на аикидо и го имам само првиот појас земено. Супер е аикидото, многу добро за женски, зашто се учат техники како да се одпбраниш при напад, на пр. ако те грабне некој одпозади, ако ти ги фати рацете итн. Убаво е кога ќе отидеш и максимално ја истрошиш целата енергија, зашто сепак не трае тренингот кратко, пола час ние само се загревавме, а и на крајот пола час правевме вежби. Супер е и јас би продолжила доколку клубот не се растуреше.
^ Секси, ако сеуште си заинтересирана да тренираш аикидо, пиши ми по ЛП. Инаку да, добро е ама треба да се учи долго време, мислам 6 години за да ги земеш сите појаси. А ти имаш жолт земено, така? Знам за загревањето, долго трае а и така треба да биде, треба цело тело убаво да се раздвижи за после да го издржи целиот тренинг. Сум била на семинар по аикидо, интересно е , не викам не ама сепак не е тоа мој спорт. И онака сум многу еластична и имам многу еластични зглобови па лесно можам нешто да си свиткам. Сепак, за да знаеш добро аикидо треба да тренираш долго време за да ги увежбаш техниките и да знаеш да ги примениш. А ти на што одеше, реален аикидо или традиционално аикидо? Јас инаку зборувам за реалното аикидо. Би можела да научам некои техники од аикидо да ми се најдат понатаму во животот, но сепак јас си останувам приврзана со боксот.
Каратето е многу здрава работа,но не терба да се сфати само како тепање , како што го бие статус изминативе Х години на македонсково тло. Ако најдеш вистински учител да те воведе во целата филозофија,тогаш е во ред. Елиминира бес,нервози,анксиозност,мускулите се зајакнуваат,психата е порелаксирана,дава чувство како да си направил/а нешто корисно (што е 100% вистина). Тренирав 11 години,имав привилегија да учествувам на најразлични натпревари и да се закитам со многу медали...Но (ете го големото НО),морав да изберам помеѓу карате и учење и ете ме,ем мајстор ем бубалица. И цел живот ќе се каам за тоа,ми влезе под кожа. Ми недостасуваат редовните тренинзи и натпреварите,посебно она чувство кога ти ја свират химната и ти се дуеш ко балон,ќе пукнеш од гордост.А и медалите-плус. Да цркнам!
Каратето за мене е живот.Тренирам 6 години и можам да кажам дека каратето е она што ме исполнува и го сакам најмногу.Се зајакнува цело тело,се градиш и физички и психички,создаваш карактер. Но за да успеам,сум жртвувала многу.Тренирам по 2 пати дневно,се хранам здраво,не пијам газирани сокови.Инаку ако си со цврст карактер и ако сакаш да победиш,можеш. За учество на Балкански,медитерански,европски и светски првенства,прво треба да се докажеш на државно и да влезеш во репрезентација.Ете баш сега сум во подготовки за медитеранско и балканско првенство. Подетално за тоа зошто да вежбате карате прочитајте тука. http://notformen.mk/zdravje-i-fitnes/sp ... arate.html
Многу ми е мило кога ќе прочитам ваков пост од девојка . Секоја чест за мотивацијата и желбата да тренираш борбен спорт затоа што се такви многу малку . Само внимавај со тек на годините да не се претренираш затоа што повеќето девојки се откажуваат до 18- сеттата година и многу ќе ми биде мило ако кај тебе тоа не се случи и каратето стане дел од твојот живот. Каратето дава прекрасна фигура и градба на телото и плус огромна самодоверба .