Помош за лекување на Ивана Павлеска

Донирано!

Да се надеваме дека побрзо ќе оздрави

 

Недела, 23.10 во Охрид, 19:00, во киното ќе има хуманитарен концерт (од играорна). Кој сака може да присустува.

 

Повторно ми се случува истото, сега сакав да донирам, се јавив и бројот не постои а од оне вртам.Стварно незнам зошто вака, каква врска има од оне на т-мобиле па да не може да се врти

 

Од секој оператор е правило да доделат број за донации зашто од еден на друг оператор не може да се изврши донирање. Кој ли би знаел која е логиката, зашто нели да е наградна игра - ако сакаш и од говорница можеш да се јавиш.

При тоа, за истиов случај со девојчето, мака си виде кутрото со одобрување на броеви.
Од T-mobile е даден број дури вчера, а со судни маки од VIP е доделен денес ‎- 077 143 413. За број од мрежата на One ќе информирам кога истиот ќе го добие.
Ако не ви е тешко, прикачете го во информациите за темата.

 

Добив информација дека вечерва во „Арена“ во Мислешево (Струшко) ќе има хуманитарна забава, за Ивана...
Сите кои се од тој крај и кои би можеле да присуствуваат би било добро да отидат...
Вашите 100денари можеби ќе го спасат нејзиниот живот

 

Донирано!
Донирајте и Вие!

 

Јавувајте се луѓе.
Кој колку има нека даде.
И онака секојдневно фрламе пари за разни глупости.
Заедно сме посилни.
Денес е за Ивана, утре не дај Боже, може да е за некој ваш/наш близок.
Хуманоста нам ни останува.
Да донираме со отворено срце.

 

Што побрзо да оздрави

 

Се организираа неколку хуманитарни забави низ Струга. Ете и концертот на „Македонка“ во Охрид. Ама колку е тоа доволно?
Јас донирав, бев на концертот, оставив и во кутијата, на забавите низ Струга на кои можев отидов.
Тоа беа 500-600 денари кои ќе отидеа за глупости.
Ама, се додека не се донира некоја поголема парична сума, овие донации од по 100 денари не помагаат многу.
А има луѓе низ земјава кои можат да дадат поголеми суми, само се работи за хуманост тука...а не секој ја има во себе.
Сепак, линиите се се уште отворени, донирајте!

 

Се сложувам. Секој ќе даде колку има, ама пак ситни пари се тоа. Треба некој што има повеќе (бизнисмени, итн.) да дадат поголема сума наеднаш. Ама таквите никогаш за ништо не давале!

 

Леле девојчево го знам, го запознав на клиниката за хематологија . Не можеле да најдат донор на коскена срж, па се лечела со некои лекарства од странство, мислеле дека успешно е излечена, и после скоро 3 години ова Донирајте луѓе, кој колку може!

 

Донирајте колку што можете.
Во вакви моменти секоја помош е добродојдена.
Сите заедно ќе и помогнеме на Ивана.

 

Бидејки до сега немам донирано,а сакам да донирам би ве замолила да ми објасните како се донира преку телефон,јас сум од ОNE и незнам што треба да направам преку јавување или...?
од напред благодарам

 

Наводно можело да се донира од Оне на Вип, и тоа на оригиналниот број, заедно со префиксот 077 143 413.

 

А ако завртам од странски број дали ќе се донираат парите?

 

Не верувам Љубам....Мислам дека мора број од истиот оператор да биде...

 

Ох важи ќе и пишам на мајка ми да го стори тоа во мое име, благодарам..

 

Донирано од моја страна без проблем, од мрежата на т-мобиле.

 

Ви благодарам од се срце! Ова многу ми значи... Многу ми е жал што не бев во тек кога сте ја отвориле темава ама имав проблеми со видот, како последица на терапиите. Но мило ми е сега што можам лично да ви се заблагодарам.
Најискрено се изненадив од хуманоста како на поедниците така и на фирми, организации, цркви, џамии, комитети, мас медиумите... Цела Струга и Охрид беа дигнати на нозе, беа организирани многу забави и концерти низ двата града, ми внесоа толкав оптимизам, што ми дадоа на знаење, дека стварно им значам...малку би биле 7 дена да пишувам кој се ми помогнал, како финансиски така и психички.
Морам да ги споменам моето семејство и пријателите кои ни во еден момент не дозволија да почувствувам дека нема за што да се борам, и докажаа дека премногу им значам.
Примив определена доза на Арсен3оксид и заклучно со 16 декември сум веќе дома...добра сум и малку по малку се враќам во нормала, почнувам од почеток... Утврдена ми е комплетна ремисија и се надевам се ќе биди во ред.
Броевите за донација се затворени. Склучените договори со Т-Мобиле и ВИП завршија. Фала му на Господ и на хуманите луѓе, кои ми помогнаа во најлошите моменти од мојот живот. Благодарение на нив го живеам мојот трет живот.
Оние кои ме познаваат, знаат колкав борец сум била и ќе бидам!
Болеста е непредвидлива, но не и непобедлива!