Бојата го открива твојот карактер
Црвена
Ова е боја на сила, здравје и виталност. Ја сакаат агресивните, импулсивните, страстните лица, но и оние што не се такви, а би сакале да бидат. Амбициозни сте и брзо заземате страни и ставови. Оптимисти сте и не ја сакате монотонијата. Немирни сте и често необјективни кога сакате другите да ги обвинувате за своите грешки. Отворени сте и го сакате животот.
Жолта
Ова е боја на среќа, мудрост и фантазија. Вие сте авантурист и секогаш барате нешто што ќе ве исполни. Имате смисла за хумор, но и за склучување добри зделки. Брзо мислите и добро знаете што сакате. Понекогаш одговорноста не ви е најсилна страна, односно повеќе сакате да тргнете во акција, отколку да бидете одговорни.
Розова
Оваа боја симболизира љубов и привлечност без многу страст. Тоа се мајчински типови на луѓе кои сакаат заштита и сигурен живот. Сакате да ве сакаат и да се чувствувате сигурни, па затоа изгледате кршливо. Шармантни сте и нежни.
Виолетова
Вистински индивидуалец сте, чувствителни и досетливи, креативни со голема желба да бидете поинакви од другите. Уметничка душа сте, темпераментни, а кога не ве разбираат станувате саркастични. Толерантни сте и лесно стекнувате авторитет или се искачувате на мошне висока позиција.
Портокалова
Ова е боја на луксузот и уживањето. Вие ги сакате луѓето и дружењето. Но често ги драматизирате работите за да ве забележат другите. Понекогаш сте непостојани, но секогаш сте за компромис. Вие сте љубопитни, немате страв и имате немирен дух.
Зелена
Ова е боја на хармонија и рамнотежа. Зелената симболизира надеж, нов почеток и мир и ја сакаат нежните и искрени личности. Сакате да се дружите, секогаш сте искрени, но сепак мирот ви е најважен. Многу сте скромни и трпеливи, па понекогаш другите ве искористуваат. Многу сте цивилизирани.
Сина
Вие сочувствувате со сите, но исто така сте доста конзервативни и имате чувство за одговорност. Трпеливи сте, чувствителни и добро се контролирате. Сакате да ве ценат поради цврстиот карактер и мудроста. Верни сте, но знаете да бидете и претерано сомничави.
Црна
Сакате да изгледате мистериозно и не сакате да го покажувате своето вистинско лице. Често едно сакате, но друго правите, па сте растргнати на две страни и станувате робови на неостварените идеали.
Бела
Белата е симбол на чистота, наивност и невиност. Желба ви е да сте совршени и се стремите кон тоа. Посакувате едноставен живот.
