ТЕМА: Производи за лице од кои сте задоволни, а од кои не сте

[lily-prune]

Дали некогаш ви се случило да купите некој производ кој е многу скап, а сепак кога сте го испробале ве разочарал од ефектот кој сте го очекувале или пак сте купиле некое карминче за смешна сума а ве воодушевило повеке од оние скапите? Мислам дека нема ваква тема разлистував и дека овде може да споделиме од што сте задоволни, а од што не.Дали е некоја пудра,коректор,сенка или некоја крема,тоник за лице а со тоа може да помогнеме на некоја од нас при изборот на некоја козметика.Ако не е содветна оваа тема може слободно да ја заклучите.Поздрав.

[aNy-to]

Од сенките на авон не сум задоволна, џабе си ги дадов парите. Премногу се суви, навистина не очекував таков квалитет, ама ај за памет.

[Trendafilka]

Производите на Miss Sporty - пудрата и маскарата. И двете ми се вода.
Ниту тоа е пудра, ниту маскарата личи на нешто. Сеедно што се евтини, за мене воопшто не се квалитетни.
Кремата за лице за мрсна и комбинирана кожа од Гарние на база на билки воопшто не ми се допадна.
За некои 60-70 ден. ја имате бугарската Здраве, крем за проблематична кожа на кој може да му позавидат голем број други од позвучни брендови.
Задоволна сум премногу од маскарата 3D на Голден Роуз и кармините од истата фирма.
Цените се пристојни, а квалитетот е супер за тие пари.
Задоволна сум од сенките на Карло ди Рома, може да ги пронајдете во Бјути Шоп.
Од друга страна, не сум задоволна од сенките на Авон. Разочарана сосем.
Руменилото на Гош е преубаво и вреди за секое денарче.
Додатоци од типот на вештачки трепки и нокти би ве советувала да си ги купувате од пазар, зашто апсолутно нема некоја разлика со тие кои ги наплаќаат десетократно во парфимериите.

[GeorGinnA]

Од маскарата на Vision Oriflame,јас си закачив инфекција на очите,дерман не ми идеше.Затоа еден долг период јас не ги ни отворам нивните каталози со производи за осакатување,единствено им ги признавам тоалетните води,шминката им е катастрофа.

Моливчето за очи (креон) од Golden Rose,од 17 год не сум го променила(не моливчето ами фирмата ) задоволна сум и тоа за ефтини пари.Секоја чест!

[OrdinaryGirl]

Задоволна сум од кремата за стапалата од Авон. Има пријатен мирис и ми ги омекнува петите. Исто така сум задоволна од спрејот Gliss на Schwarzkopf, обавезно ставам од него на косата после миење. Ви ја препорачувам и течната пудра на Max Factor и сите производи на Nivea - од нив сум презадоволна!

Баш пред некој ден џиткосав една крема за лице од Авон од мед и бадеми мислам дека беше. Толку многу тешко мириса, што не можев да ја поднесам кога ќе ја ставев. Другарка ми ми ја препорача и камената пудра на Catherine Arley, таа со две нијанси. Арно ама, таа да ти била со некакви светкавци и има некаков чуден состав. Погрда пудра амин.

[Srekicka]

Од маскарата Гош (со две бои што е) ич не сум задоволна, за една недела се суши, а белата маскара ми ги прави трепките како тесто и неможам никако да ги исчистам после.
Задовона сум од тушот на Голден Роуз, а и маскарите не се лоши, освен водоотпорната, пошо е како вода и нема врска дека не остава црно.
Тоник со години не користам, затоа што користам влажни марамчиња на Бекутан и сум презадоволна, а пудра задолжително Менхетен - антибактериска, таа највеќе ми одговара на кожата.
Крема за лице користам Нивеа најобичната, а сенки и руменило строго од пазар.
Исто морам да ги пофалам лентите за црнки на Нивеа...се живо вадат.

[LivingGlam]

Ако ја спомнам пак ќе се изнервирам, ама мора да ве предупредам: Ова сра*е ме уништи:

Кoжата ми се направи цела со суви дамки, како лишаи. Веднаш престанав да ја користам, но уште не можам да ја опоравам кожата од штетата. Па и да не ми направеше така на лицево - кремов не дава здрав сјај како што пишува на него, туку има СВЕТКИ внатре. Големи грозни светки што можеби би биле добри само на совршена кожа без никаква мана. Најлошо изгледа делот под носот откако ќе се намачка - како измрсулавена.
Пу бре.

Пред извесен период почнав да ја користам оваа крема за околу очи:
, презадоволна сум.
Кремот за туширање: не мириса убаво (како обичен сапун), но тоа е зашто е поприроден од другите. Кожата после туширање ми беше неверојатно мека и нежна, дури и млеко за тело не нанесував додека го користев. Сега планирам да ја порачам и кремата за лице, има многу задоволни жени што ја користат, па ќе ја пробам.

Омилена маскара ми е - едноставно не се споредува со ништо. Се почастив со неа за дипломска и единствена лоша работа е што е многу скапа за маскара (зашто побрзо се фрлаат), па не можам пак да си ја купам.

Од козметиката на Zepter сум најзадоволна, и таа козметика е незаменлива. Шминка има поубава, но препаративна козметика не. Само се многу лошо организирани и еднаш ги чекав повеќе од месец за да ми ја пуштат порачката од Скопје, па и од нив се откажав, но не можам да ги преболам.
Пак ќе се навратам на темава.

Едит: Тренди, баш ме интересира како си задоволна од тие сапунчињата со сунѓерче на Рефан. Може едно излагање? (да знам дали да земам)

[Trendafilka]

Убави се.
Баш сакав да ги пишам, цената е околу 60-70 ден. претпоставувам зборуваме за истите, со сунѓерче на нив.
Се прави пилинг на кожата, ја омекнува на грубите делови и убаво мирисаат.
Целата бања ми мириса од нив.
Мислев дека брзо ќе се потроши, ама еве скоро три недели како го имам и при крај е, дури сега.
Ќе пробам некој друг мирис и ќе пишам пак.
Задоволна сум.

[Phyramide]

Општо не сум задоволна од повеќето од производите на L'Oréal, дали мене не ми се погодиле или што е работава, не знам.
Почнувајќи од Елзев шампоните кои тотално ми ја упропастија кожата на главата едно време, со красти и други гадотии. Потоа исто маскарите им се ужас, ми ги исполепија трепките, се сушат премногу брзо. Па и нивните креми за лице. А јас имам сува и чуствителна кожа, по се изгледа не се правени за мојата кожа.
Единствено нешто што е добро од нив се фарбите за коса, со нив сум презадоволна, се друго ми е за во канта. Ако треба да му верувам на нивниот слоган Parce que vous le valez bien отидов со самодоверба ако треба толку „многу“ да вредам

Верна сум и на Нивеа - креми за лице, тоник и млеко за чистење на лицето и најновата серија на Angel star која ми е едноставно прекрасна и мириса како пролет и лето во едно.

Задоволна сум со Bourjois геловите за туширање. Gosh сенките се незаменливи. И кога сум кај маскарите тука сум многу деликатна, нема маскара која ја немам испробано ама ништо не е така добро како Diorshow, Chanel Inimitable и секако Lancome Hypnose. Скапи се ама издржуваат долго и што е најбитно, убави ми ги прават трепките и не ми ги слепуваат.

Исто за коса си најдов на интернет интересни производи од Tigi и премногу сум задоволна. За виткана коса ми одговара.


И за крај најдобра марка за мене е Бекутанот! Класика си е класика

[starfish]

Па , еве ќе почнам со оние производи кои сум ги користела последниов период, да не биде многу долг постов.
Јаде прво со гелот за туширање, путерот за тело и кремата за лице од Ziaja од какао. Не можам да ви објаснам колку сум задоволна од сите три, комплет. Преубави ми се, преубаво негуваат и преубаво мирисаат.


Исто како и Трендафилка и јас ги сакам сенките од CarloDiRoma, се покажаа и повеќе од одлични за тие пари. СУпер се единечните, но и оние кои се како 4 во едно. Други призводи од Beauty Shop, кои ми се супер, се козметичките производи на Pure. Малку поскапи ама одлични.
Во последно време таму си пазарувам козметка, од причина што Avon ми се покажаа како очајно неквалитетни и шкарт.
Добри се и маските и пилинзите за лице од Zepter.
За коса ми се одговараат сите производи од Schwarzkopf, а генерално не сум задоволна од производите за коса од Nivea.


Патем, сакам да го пробам тоа кремчето Здраве. Во последно време кожата ми е помрсна од порано. Можам да го најдам во сите аптеки, така?