Кино, театар, опера и балет

Колку често одите? Која претстава ви оставила посебен впечаток и ме интересира вашето општо мислење за сите овие институции во нашата држава.

Последниве неколку години во кино одам поретко (што би рекол другар ми - не е више шема да носиш девојка у кино) и се' некако завршувам во тие "кутиите" во Рамстор. Најчесто одам кога има премиера на некој филм, а се' уште нема dvdrip снимка на нет.
Посебно сакам балет и со оглед на условите, сметам дека МОБ нуди доста квалитетна програма. Се изнасмеав пред некој месец кога не можеше да се најде ќорава карта за Шехерезада, а пред 4 и нешто години кога бевме со колешка да ја гледаме, беше буквално полупразно.
Во врска со театарот, многу ми е жал што пустиот Драмски во Карпош ми е стварно далеку и ајде поблиску до Центар, ама последните неколку претстави толку ме разочараа, не знам што да кажам. Единствено Госпоѓа Министерка беше некое благо освежување и Сашко Коцев е одличен актер од помладата генерација актери.
Посебно сум разочарана од поставата на Буре Барут, непосредно пред 10 годишниот јубилеј на прикажување. Кастингот беше ужасен, глумата никаква, сценографијата бедна, милион дечиња, имав чувство дека сме во игротека, а не во театар. Жално.

Повелете девојки, Вашите мислења.

 

Охрид на оваа тема има огромна минуска!

Денеска во 19 часот беше претставата „Умри машки“ и многу сум среќна што ја гледав. Плус - актерите како глумеа - закон!
Ама толку... сега претстава.. за 5 месеци.. онака случајно.

 

Порано одев мноооогу во кино и театар, па после немав време, и сега пак се враќам во форма

Буре Барут е претстава со која мојата генерација порасна. Јас ја имам гледано барем 10 пати, ако не и повеќе. Не знам сега каква е, и со кои актери, јас ја имав гледано на почеток, уште Игор Џамбазов кога играше. Скоро ја гледав Госпоѓа Министерка, ок беше.

Во кино не сум била одамна тука, ама затоа во странство не пропуштам за изгледам некој 3Д или ајмакс филм.

Балет многу сакам, а на опера немам навика да одам, само неколку пати сум била.
Ама затоа филхармонија... екстаза!

 

Последен пат на театар, пред неколку месеци. Жално! На Сомнително лице бев. Супер впечатоци имам од таа претстава, и жал ми е што се некако немам време да отидам да видам што ново се нуди на репертоар.
Во кино бев на Аватар исто, значи пред неколку месеци, и сфаќам дека кино културата кај нас се уште е на најниско можно ниво. И не ме изненадува тоа, проста маса секогаш ќе дрдори на мобилни додека филмот трае, луѓе ќе коментираат гласно. Да си грицнеш од газот од мака

 

порано одев многу на кино... ама ова торентиве на интернет ми ја расипаа навиката.

ама затоа на театар си одам редовно. Драмски ми се прираснати на срце, сите претстави ги имам гледано, а во очекување на новите, си ги репризирам старите нема ништо подобро од собрано друштво, претстава и после на пијачка за раскажување на импресиите по претставата...

 

Вечерва бев во МНТ на Тупаница полна со љубов. Доста интересна претстава. Иначе во последно време почесто одам на театар, има многу интересни претстави и имаме прекрасни глумци. Секоја чест за нив, секогаш заслужено го добиваат аплаузот од публиката.

 

Во Театар бев предходната недела,искрено се разочарав.Претставата беше на мнгоу ниско ниво,сакале нешто да направат и се потрудиле меѓутоа не излегло се како што планирале.Можеби беше моја грешката што избрав погрешна претстава,меѓутоа знам дека преемногу ми беше здодевно.
Во кино последен пат бев кога се прикажуваше документарецот за Тоше.Немам посебна навика да одам во кино.Како помала одев многу,меѓутоа дојде друго време и секој филм може да се симне од интернет.Чувството не е исто кога го гледаш дома и во кино,меѓутоа тоа е.
На балет и опера не сум била никогаш,а се надевам дека ќе отидам и се надевам дека нема да ми биде здодевно.

 

Бев скоро на претставата " Болва во уво " .. кој не ја гледал да ја гледа обавезно !! јас прснав од смеа
И да .. многу се нервирам од бучавата .. зборат на сред претстава до мене .. на мобилен .. довикуваат на актерите !! божее ... а во Рамстор го гледав Паранормална активност и Бруно ...

 

Ех, како обожавам театар и идам на театар скоро секогаш кога ќе ми се пружи прилика. Кино исто е супер, ама во кино гледам филм само ако сметам дека вреди да се гледа во кино. Сепак, далеку повеќе ценам глума во живо (театар), отколку само да гледам во некое платно. На балет и опера не сум била со години, затоа што не ме привлекуваат нешто посебно. Меѓутоа, сакам концерти со класична или традиционална музика.

 

Секогаш кога имам барем малку слободно време, обавезно морам да го потрошам на едно од овие нешта. Добар начин, да се одмориш од градските гужви и проблеми. Мозокот ти е на пасење, едноставно кажано.
Посебно балеттот ми причинува некое задоволство. Толку грациозност, толку женственост, кај девојките секако, како ги искажуваат емоциите со дела. Интересно.
Од театарскиве претстави, скоро сум разочарана од нив, но сепак, знае да се најде и некоја добра, на која ќе се свиткаш од смеење.
За киното, немам нешто посебно за кажување, освен дека често сум таму. Милениум-Рамстор, Рамстор-Милениум
На оперска претстава, досега не сум била. А и не верувам дека во скоро време ќе отидам, не ме привлекува тоа Аааа Оооо. Но сепак, ако имам можност ќе отидам и таму, па ќе ги напишам моите импресии. Но сепак јас си стојам на моето, дека нема да ми се допадне.

 

Сакам да одам на кино,театари опера но нажалост тоа е многу ретко.Живеам во мал град каде што не се сеќавам кога последен пат е имало филм во кино, а да не зборувам за останатото.Пред некој ден имаше претстава,влезот беше слободен,но и покрај тоа имаше малку луѓе.Луѓето кај нас едноставно немаат навика да одат затоа што веќе одамна изумреле тие вредности во нашата средина и се ретки оние кои навистина ги ценат.Жалосно но тоа е вистината.

 

На опера и балет не сум била никогаш.
На театар последно пред... два месеци негде. Повеќе од два месеци. Драмската секција од моето средно правеа претстава, конкретно Викенд на мртовци. Се пресмеав Супер ја имаа сработено.
На кино последно на Аватар...

 

Баш среќа што ја најдов темава, сакав да прочитам ваше мислење,за кино и театар.
На опера и балет не сум била никогаш,а на кино само неколку пати,повеќе сакам дома да погледнам некое филмче.Ама затоа театарот ми е слабост.Не сум некој редовен посетител,ама секогаш кога ќе најдам време и имам услови одам.Најчесто го посетувам драмски,а еве ќе издвојам неколку претстави што ми оставиле силен впечаток: Кинегонда во карлаленд,Граница а најмногу ми се допадна 2012-Последните македонци,тоа е и последната претстава што ја гледав ама сега од први секако ќе одам да ја погледнам уште еднаш
А да не ја заборавам Демонот од дебар мало

 

Многу мие жал што живеам во место каде што културните случувања се на многу незавидно ниво.Поточно кажано ниво нула.На опера и балет не сум била.Кино - и да сакаш кај нас не се прикажува ништо.На театар одев секогаш кога имаше претстави и претежно беа од ученици од средното училиште,но беа феноменални.Сум се смеела како луда.
Жално е што кај нас нема никаква заинтересираност за вакви случувања.

 

Обожавам да одам на театар. Ги имам сите претстави гледано од репертоарот на МНТ и Драмски, некои дури си ги гледам и по неколку пати. Дома ме зафркаваат викаат како дел од столчињата сум. Обавезно ме има.

Најдобро сработена престава е Мара Сад и глумците се супер, носат многу енергија ,живост на сцената. Исто и Сомнително лице беше добра, ама сега со Александар Микич е сто пати подобра отколку со Џамбазов.

Штета што летен период нема претстави,а тогаш сум најслободна и највеќе ми се оди.

На кино одам многу ретко последно што гледав беше Аватар. И можам да кажам дека квалитетно ги потрошив тие неколку саати.

Искрено, на опера сум била неколку пати и не сум фасцинирана не сум музикален тип и некако не уживам премногу во сето тоа.

 

Во кино одам,но не често.Во театар како мала имам одено скоро секоја недела,но сега не се сеќавам кога последен пат сум била.На опера и балет бев зимото со една другарка.Имаше 2 карти и решивме со другаркава да одиме и ќе го паметиме тоа одење.Се изнасмеавме тој ден.

 

Кино,Театар,Опера и Балет

На кино ретко, скоро ич. Театар обожавам и одам кога имам време. Едвај чекам да почне новата сезона На опера не сум била, а на балет 1 и тоа во Антички во Охрид и ми се допадна

 

Мислам дека на вакви места се поретко се оди.
Јас одам понекогаш во кино или театар,ретко на жалост.Обожавам балет и имам отидено на неколку претстави.Опера не ми е по мерак,па затоа до сега не сум била.

 

Сум била на театар, опера и кино. И најмногу уживам на опера. Ми се ежи кожата од гласовите. И оној кој ги исмејува, е само простак што појма нема од животот, а далеку од музика и уметност.
Мислам едно е да не ги слушаш, а друго е да ги исмејуваш кога не се ни разбираш.