Последна прочитана книга и кратка критика

Последна прочитана книга

Непобедиво срце - Мир Јам

Класично љубовно романче. Сценарио за шпанска серија
Прво се многу учтиви еден кон друг и не сакаат да си признаат дека се сакаат, тој премногу горд, таа премногу амбициозна .. Посебно последните страници ме тераа да правам ваква фацка =
Толку слатки, медени зборови на едно место .. Се исто - Нино мој, Миомира моја ..

Се на се - добра книга

 

Последна прочитана книга

Снеговите на Климентина Евин - Горјан Петревски

Како што кажав во Моментално читам - не ме привлекуваат ваков тип на книги
Многу нешта не ми се допаднаа.
Горјан Петревски секогаш своите главни ликови ги претставува скоро совршени, секогаш најдобри, најценети, прерано израснати и тако даље.

Ќе го ставам наредното во spoiler заради оние што не ја читале книгата - да не го дознаат крајот

Спојлер

Некако, таа блискот меѓу бабата Јаан и Климентина не ми се допаѓаше. Климентина неколку пати ме изнервира со тоа нејзино упорно инаетење кога се работи за мајка и и татко и. Премногу филозофирања за темата љубов со баба и исто ми одеше на живци. Потоа, паметната Ива Жива со нејзините духовити изрази. Толку многу пати се спомнуваше:
Дали сеуште сум дете? Јас сум сеуште дете. Таа е сеуште дете.
Па, фала богу дека е дете кога има 13 години.
Еве, крајот на книга ми се допадна зашто конечно сфати дека таа љубов е невозможна.
И, овој професорот кобајаги многу му бил важнен моралот, а после што направи .. Нц нц

Малку ми е и срам, се чувствувам како само јас да не сум одушевена од првата љубов и тие болки и размислувања за него и само за него.
Книга ќе ја препорачам на една познаничка/другарка која верувам ќе биде одушевена.
Таа верува во сето тоа. Има еден куп љубовни тетратки, пати по дечко и ..

 

Последна прочитана книга

Ја завршив Белата Кралица- Филипа Грегори. Ја препорачувам на сите кои сакаат историски книги, а посебно на оние кои се импресионирани од замрасената англиска историја.Јас сум фасцинирана од неа и се трудам на секој можен начин да научам нешто повеќе, па затоа и книгата ми беше прекрасна. Само совет за оние кои планираат да ја читаат да си запишуваат имињата и кој што е бидејки ќе се загубат во лозата толку исти имиња има што веднаш забораваш кој е и што е. Цела книга се вртат Ричард, Хенри, Елизабет, Едвард... први втори трети, брат, вујко, чичко, син, крал, гроф, војвода...и каша попара, се губиш на крај.

 

Последна прочитана книга

Секако дека треба Јас го гледав филмот, другата Болејн девојка , па потоа го гледав Елизабета Златно доба, и уште неможам да сватам кој од каде потекнува , ама решена сум да научам

 

Последна прочитана книга

Молчи,Молчи - Бека Фицпатрик.Прекрасна книга.Едвај чекам да го прочитам и вториот дел.

 

Последна прочитана книга

Романтичната љубов не беше дел од планот на Хора Греј.Никогаш не и беа привлечни момчињата од нејзиното училиште, без разлика колку нејзината другарка Ви. и ги туркаше во нејзината прегратка.Се додека не се појави Печ во нејзиниот живот.Со неговиот продорен поглед и насмевка.Печ ја привлекува Нора и покрај тоа што разумот и кажува нешто друго.По неколкуте стравични средби,Нора повеќе не е сигурна кому да му верува.Печ се појавува секаде каде што таа оди, и се чини дека знае се за неа.Повеќе дури и од нејзините најдобри другарки.Не знае што да прав.Дали да му се предаде или да избега трчајќи.И кога се обидува да најде одговор на некои прашања, таа ја открива вознемирувачката вистина.Сега таа се наоѓа среде една древна битка меѓу бесмртните и оние кои се паднати- и, кога се работи за бирање страна,погрешниот избор би ја чинело Нора нејзиниот живот.
Љубовен роман за 16 годишната Нора Греј и Печ Сипријано (кој е паднат ангел). Мене лично многу ме привлекуваат книги со вакви содржини.

 

Последна прочитана книга

Пурпурен Хибискус - Чимаманда Н. Адичи

Не знам од каде да почнам.
Не знам кој пофален и убав збор прв да го напишам а воедно книгата да не загуби на убавината.
Толку воодушевувачка книга со толку емоции. Бескрајна убавина на зборот.

Спојлер

Плачев на размислувањето на таткото.
Плачев на попустливоста на мајката.
Плачев на пропуштените моменти на Камибили и Јаја.
Плачев и за папа-нукву.
И за бедниот живот на тетка Ифеома, Амака, Обиора и Чима.
И за прстот на Јаја и за неговата љубов кон цвеќињата.
И за љубовта на Камбили.

Плачев за се живо и диво.
Не знам дали ја оправдувам постапката на мајката. Не знам дали Камбили и Јаја навистина издржале таков напор, таков живот. Не знам дали таткото верник и дедото безбожник некогаш се сакале.

Но, знам дека и симнувам капа на Чимаманда

 

Последна прочитана книга

Дафне од Џастин Пикарди

Не знам како можев да се мислам дали да ја читам.
Ја прочитав во еден здив, убав стил на пишување, уште поубава приказна.

Дафне е писателка на 50 годишна возраст која измачувана од секојдневните брачни и семејни проблеми , одлучува да започне книга за Бранвел Бронте, брат на познатите сестри Бронте. Се впушта во потарга по изгубените ракописи, за кои верува дека се фалсификат со постпис на Емили, а всушност се на Бранвел.
Паралелно тече приказната за една млада девојка во Лондон, тазе но несреќно венчана, која ја спрема својата десертација на тема Дафне.

Ја препорачувам за сите љубителки на романтичарските новели, за оние кои сакаат мисетерија и оние кои се добро запознаени со творештвото на Бронте.

 

Последна прочитана книга



Ќерката на мојата најдобра пријателка - Дороти Кумсон

Ја прочитав во еден здив, не можев да ја оставам книгата додека не го дознав крајот.
Прекрасна книга, за секојдневниот живот, за пријателството, за неверството, за простувањето..

Камрин и Адела се најдобри пријателки, живеат заедно и не се двојат една од друга. Камрин има шест годишна врска и токму неколку дена пред свадбата, дознава дека нејзиниот свршеник и нејзината најдобра другарка спиеле заедно.
Од тогаш таа прекинува секаков контакт со нив, се додека после две години на нејзиниот роденден и стигнува честитка од бившата пријателка во која пишува дека е пред умирање..
Камрин оди да ја посети Адела во болница и и ветува на својата пријателка дека после нејзината смрт ќе ја посвои нејзината ќерка и ќе ја чува како свое дете.
Но таа исто така дознава дека ќерката на Адела е всушност ќерка на нејзиниот бивши свршеник..
Па следуваат многу заплети, стресни ситуации, тага и солзи, но исто така и љубов..

Ви ја препорачувам да ја прочитате

 

Последна прочитана книга

Прекрасна книга и мене многу ми се допадна

 

Последна прочитана книга

Трчај дома.Прекрасна,тажна и со многу емоции.

 

Последна прочитана книга

Aманда Квик-Реката знае,им ја препорачувам на сите обожаватели на АК

 

Последна прочитана книга

Големата вода - Живко Чинго

 

Последна прочитана книга

Парите се отепувачка - Ристо Крле

 

Последна прочитана книга

Вероника реши да умре - Пауло Коелјо

 

Последна прочитана книга

Никаде без ќерка ми - Бети Махмуди



Само што ја дочитав и сум под многу јаки импресии од книгава, се згрозив од страдањата и маките што ги има преживеано оваа Американска жена во далечната земја Иран каде што општествените норми и однесувања на луѓето се неразбирливи и несфатливи за модерниот и современ свет.

Бети е мажена за Ирачанец кој долги години живее во Америка и имаат прекрасен брак, но љубовната идила згаснува и нивниот живот се менува од корен, кога тргнуваат на две неделна посета на Иран. Двете недели прераснуваат во месеци, па поминува и цела година откако Бети и нејзината 5годишна ќерка се држени како заложници во домашен затвор.
Тие двете мора да ги трпат понижувањата, навредите, заканите и физичките силни удари од човекот кој порано бил нивно семејство, но сега е само еден огорчен Ирачанец кој ужасно ги мрази Американците. Во книгата се опишани секојдневните драматични случки од нивните животи и траумите со кои се соочуваат.
За среќа, на крај силната и храбра Бети успева заедно со својата ќерка да избега од лудиот сопруг и со многу тешкотии, страв и ризик пристигнува на Турска територија, од каде што Американската амбасада и помага безбедно да пристигне во Америка кај своето семејство.

Книгата е многу драматична, женска приказна раскажана од срцето на една храбра мајка и измамена сопруга. Ви ја препорачувам на сите, сигурна сум дека ќе ви се допадне.

 

Последна прочитана книга

Оливиа Џулс и премногу бујната фантазија од писателката на дневникот Бриџит Џонс-Хелен Фиелдинг.
Одлична книга, мене премногу ми се допадна, не ја оставив додека не ја прочитав