ТЕМА: Сликарство

[Phyramide]

Ах колку им се восхитувам на сликарите. Талент кој за мене секогаш ќе биде симбол на нешто што не е од нашата планета. Барем јас така ги сфаќам сликарите и оние кои поседуваат невиден талент да земат четка во рака и да направат ремек-дело. Плус која релаксација мора да е тоа за нив.

Пораснав со мама сликар, и четките ми беа ко добро утро и добар ден а богами и добра вечер, но бидејќи не наследив од никој од мојата фамилија талент (дедо ми исто бил сликар) наследив барем љубов кон сликаното дело. И никогаш не пропуштам кога сум некаде а видам интересна изложба да одам да ја посетам.

Бидејќи боите ми се еден вид на визуелен фетиш и навистина обожавам да посматрам до детали како е цртана некоја слика, најмногу ми се допаѓаат експресионистичките и пост-експресионистичките дела. Кандински ми е навистина еден од најомилените. Се заљубив во неговите дела изложени во Georges Pompidou и во музејот на модерната и современата уметност во Стразбур. Кој колоритет!

Скриен текст: покажи

Франц Марк исто така го обожавам.

Скриен текст: покажи

Импресионизмот исто така ме плени со својата едноставност а сепак убавина. Во дневната имам закачено дури многу неинвентивно две реплики на Моне. Признавам, ама што да правам кога ми се убави



Која убавина! Да ги земеш боите и да создадеш нешто вакво. Восхит! До срж!

За другите автори друг пат затоа што сепак, модерната уметност е она што го обожавам пред се друго.

[LivingGlam]

Рембрант отсекогаш ми бил омилен.
Има нешто мрачно но прекрасно во неговите слики, како да ме проголтуваат, ја замислувам приказната на секоја личност чиј портрет го изработил. Неговата биографија е фасцинантна, и не би можело да биде поинаку со таков гениј.

Скриен текст: покажи

[Phyramide]

Рембрант е Бог!

Но иако не сакам мрачни дела, погледни горе - колку и да е мрачен, секогаш она што е во центарот на вниманието на сликата го става под светлина ерго трите личности горе на сликата
Интересен концепт на сликање имал.

[Gordana10]

Рембрант е Бог!

Но иако не сакам мрачни дела, погледни горе - колку и да е мрачен, секогаш она што е во центарот на вниманието на сликата го става под светлина ерго трите личности горе на сликата
Интересен концепт на сликање имал.

Преубави се делата на Рембрант, посебно ми се допаѓа сликата „ Ноќна стража “, за која што веќе е кажано, поставување на фигурите под светлината, а со тоа истакнувајки ги во прв план, за разлика од позадината во не толку темна просторија, тоа е и целта на неговите дела. Сепак работел под влијание на Микеланџело де Караваџо, па оттаму и Рембрант го достигнува врвот во своите слики, светло - сенка, според мене феноменални се сликите негови, но и на неговите претходници, можеби завршно со Рембрант, после веќе отпаѓа малку квалитетот на уметноста, но не целосно, а рамноправно на уметноста на Рембрант и неговите претходници.Според мене

[Magnolija]

Рембрант ми е еден од омилените.

[TeddyS]

-Живко Поповски - Цветин

Можеби не е Пикасо, али навистина ми претставува огромно задоволство да ги гледам неговите цветови

Ете баш би сакала да станам сликарка некој ден,но..сите добро знаеме дека ретко на кој му тргнала работата како уметник во Македонија. Мислам дека имам талент, засега ме привлекуваат портрети , ..само тоа цртам подобро кажано
Чудно, откако го прочитав постот на Пирамида се замислив. Добро бе, толку ли мене само ме влече цртањето,ама ич немам никакво коренче од фамилијава за тоа, моиве се антиталенти за цртање.


Аm I adopted ?

[Theodora]

Кога е сликарството во прашање јас сум вљубеник во ренесансните дела, барокот и романтизмот.

Модерната уметност со сета должна почит не ми се котира многу високо посебно минимализмот, модернизмот и останатите - изми каде во фокусот на сликата се некои геометриски фигурчиња или не знам од кого беше - Бел квадрат на бела основа , разбирам јас дека во игра е идејното изразување на авторот ама сепак мене Мондријан или Кле и натаму ми личи на нешто што го насликало некое основче.

Затоа пак делата на Ел Греко, Рафаел, Тицијан, Тинторето, Ботичели, Рембрант, Караваџо, Рубенс, Веласкез, Делакроа, Гоја за мене се уметност во вистинскиот смисол на зборот - толкава умешност на создавање ликови и предмети налик на вистински т.е. фотографски прикази со толку добро доловени фацијални експресии, совршена игра на светлината и сенките, разиграност на боите (некои користат помрачна или побледикава палета, па по ова прашање фаворит ми е Караваџо толку живи и разиграни бои), толку добро детално изработени позадини, едноставно целосна посветеност и здивоодземачки ефекти, нешто што е скоро невозможно да се реплицира, тоа е вистински сликарски гениј и талент, барем за мене.

Ги почитувам и импресионистите нивните дела зрачат некоја свежина и оптимизам, згора на се‘ од мали обоени точкички и цртички да создадеш така совршени пејзажи е навистина восхитувачко.

Едит - Ќе заборавев да споменам едно исклучително дело Мунковиот - Врисок.

[Magnolija]

Веќе одамна се трудам да му дадам шанса на Салвадор Дали. Мислам, секоја чест, човекот бил мн. талентиран, но сепак не ме воодушевува.

Јас сакам мистичност и сакам духовно да се поврзам со сликата. Немам омилен правец во сликарството, јас си имам други критериуми

Еве на пример, оваа на Моне ме остава без зборови. Колку е само длабока...

[La.Reina.Del.Sur]

Го сакам сликарството ама многу... Тие таленти, тиа чуства што се изразени... Немам зборови...
Е сега во постов сакам да издвојам една за мене многу драга личност... Човек на кој никогаш не му беше доста од моите пребарувања околу сликањето на моите портрети, човек кој има заслужено многу и кој го почитувам премногу, зошто нели го заслужил тоа... Е овде не се работи ниту за Моне, ниту за Ботичели ниту пак за Франц Марк и тако далје...Тука се работи за еден човек кој можеби повеќе од половината не го знаат или пак останатиот дел му се восхитуваат исто како и јас. Во времето на Тито нацртал преку 450 поштенски маркици и има реализирано многу самостојни и заеднички изложби... Се работи за Димитрија Чудов.
Во продолжение мало делче од неговата последна изложба на која присуствував. Се работи за слики т.е. икони изработени од негова страна по барање на некој свештеник или што ли беше таму не се сеќавам...