ТЕМА: Направи сам (Гардероба,накит...)

[O.l.i.v.a]

[color=#FF80BF]Дали сте пробале да си направите сами фустанче, маичка, некој додаток?

Иако во денешно време нема што неможе да се најде по бутициве, па и по доста пристапни цени..мада ретко кој е задоволен со снабденоста кај нас во Македонијава, па често се оди во соседни Солун, Белград, Софија..па и подалеку зависно од можностите.
Па дали сте помислиле да си ги скратите маките и да ископирате некој добар модел, или пак ако сте покреативни да создадете своја креација..Дали воопшто имате и користите машина за шиење?....И мислите ли дека вреди напорот, па и парите (зависно од материјалот) што сте ги вложиле?

Па еве некои поинтересни примери







Што се однесува до накит..едно време беше тренд па сите по дома си праевме (па и јас- неколку делумно успешни обиди ), а некои од повештите дури и си правеа бизнис, па ги продаваа.
Па ако и вие сте дел од оваа група споделете го своето искуство, како ви идеше, дали самостојно и рачно направениот накит е поисплатлив од купечкиот?

Еве и некои добри идеи за аксесоари или додатоци по нашки

[starfish]

Јас сум голем обожавател на “направи сам„ работите.
Знам сама да правам и облека и накит. Во облека сум почетник, ама сега за сега напредувам. Имам направено неколку сукњичи , а повеќе фустанчиња, и можат да се носат(значи не се ептен промашај)
Ама имам и доста материјали уништено со некои обиди. И затоа често ја викам мајка ми да ми асистира.
Сепак не се трудам толку многу како со накитот.
За накит сум особено запалена и има веќе 4 години како сама си правам накит, од прстени до ланќчиња.
Материјали набавувам во неколкуте продавнички во Скопје наменети за тоа,а не се многу. Искрено гледано, нема некој ќар од тоа, ако гледаш повеќе да ги правиш за свој мерак. Јас си правам зошто сакам да си носам свој и уникатен накит, особено обетки. Понекогаш материјалите ме чинат повеќе одколку да одам да си ги купам сличните. Плус тука имаш и работа доволно. Ама ако те бива резултатите се повеќе од одлични.
Исто така, последно нешто што направив беше живнување на едни досадни штикли. Им додадов машнички и бисери и сега со мерак си ги носам.

Па тоа би било тоа.
Следен пат кога ќе имам повеќе време, ќе прикачам и неколку корисни видеа за тие што сакаат да се обидат сами нешто да направат.

[glamour-lady]

често знам да си направам сама накит.. за облека не сум пробала зш сигурно ќе ја уништам..
за матурата си направив екстра убетки.. ептен ми одговараа на фустанот.. сите мислеа дека заедно со фустанот сум ги купила

[gossip-girl]

уфф... дефинитивно, мањак сум )))
имам мноооогу накит, сите ланчиња, алки,прстени си ги правам сама. Ми се има десено да си купам нешто веќе направено, но мора да му најдам маана и да си го преправам онака како што јас сакам
Облека во последно време почнав да правам сама, стари маички обично, исечи додади и оп нова гардероба. Мерак ми е кога носам нешто што го имам само јас, па и + сама сум си го направила мх мх
starfish сакав да те прашам од каде купуваш матреријали за накит ? Јас знам само две продавнички во Скопјево, на Зоил едната и кај Кинг Бургер другата Во вторава дефинитивно има повеќе избор, но ако знаеш уште некоја, кажи ми ако не е тајна
Благодарам

[Fearless]

Многу сакам креативни и педантни луѓе вакви работи што можат да прават. И многу сакам да гледам како се прават овие работи, и ги поздравувам сите девојки кои сами си прават накит, или облека. Мене дефинитивно не ме бива, премногу сум несмасна, и немам нерви за вакви работи да правам. А колку убаво изгледаше фустанчето за излегување девојката што го направи, и шнолата за коса. Јас само купени, и да не се по мој вкус, кога не ме бива такви ги носам.

[irenna]

Порано колку сум шиела, плетела...си се чудам сега како сум имала нерви да сошијам палтенце или пантолини. Па едно време плетев , направив 2 метра долг шал и ракавички како греачи за раце со отворени прти. Сега некако немам инспирација , ни време , ни нерви. Ај може ке ме спотера пак некој бран на креативност па ќе изненадам со нешто .

[lolitaa]

Накит си правам сама веќе некое време,ме релаксира тоа,а и стварно има голем избор на монистри и други такви работи кај нас,еве ако сакате едноставна идеја плус за облека:ако имате класични маици на кратки ракави што не ги носите или ви се здосадиле,сами ако знаете,или однесете ги на шнајдер,исечете ги ракавите и направете ја како топ може со ластик ако е поширока,па од материјалот да направите машна да ја ставите на половина,може и да ја насликате ако е еднобојна и да ја извезете со монистри...јас имам такви направено неколку стварно многу убаво делуваат,фармерки стари ако сакате да изгледаат поинтересни(ако сте таков тип)оваа година беа многу модерни искинати,може со скалпер да ги заресите не премногу и супер да изгледаат,има марами бели се купуваат и бои за платно па си правам преубави марами делуваат многу убаво и нежно,правам еден куп вакви работи по дома...ме релаксира некако

[O.l.i.v.a]

starfish, од каде купуваш материјали за облека, има ли некоја друга опција освен битпазар или пазар воопшто?

[starfish]

starfish, од каде купуваш материјали за облека, има ли некоја друга опција освен битпазар или пазар воопшто?

Има има, јас живеам во Аеродром и си купувам од Скопјанка материјали. Има МАТЕКС тука, ама нема некој голем избор. Во чаршија има поголем Матекс, а има и многу продавници за материјали, па избор има колку ти душа сака. Јас имам многу и од мајка ми, што и останале, зошто и таа како млада има доста шиено.

А за накит , тие се продавниците.
И јас тие ги знам. Штета што толку слабо ги има....

[strangewoman]

Порано колку сум шиела, плетела...си се чудам сега како сум имала нерви да сошијам палтенце или пантолини. Па едно време плетев , направив 2 метра долг шал и ракавички како греачи за раце со отворени прти. Сега некако немам инспирација , ни време , ни нерви. Ај може ке ме спотера пак некој бран на креативност па ќе изненадам со нешто .

Леле јас како сакам шал долг Ај да ти дадам конци сплети ми еден
Инаку ништо не знам сама да направам. Како прво немам машина за шиење,материјали не знам кај има тука и така