На повеќето од нас секојдневно ни се потребни состави со најразлична тема, семинарски... За да не му ја мислиме постојано, да споледуваме едни со други наши дела и да си помогнеме.. Еве нешто од мене Ви ја откривам смислата на животот Животот е премиера, нема реприза. Тој е премногу краток, заминува в миг, затоа живеј го својот живот и бори се за своите цели. Животот нè учи на грешките, да не тагуваме по изгубеното, да не жалиме за спомените. Животот е еден и единствен. Понекогаш е суров и тежок, полн со предизвици и искушенија. Непредвидени ситуации во кои сме учесници, неми сведоци или обични смртници. Животот е како прочитан роман, но со голема разлика, во романот можеш да се вратиш на најубавата страница, а во животот не можеш да се вратиш на најубавиот ден.Животот нè учи да го сакаме она што го имаме, а не она по кое мечтаеме. Да живееме реално и вистинито, да ја откриеме смислата на животот низ среќа и радост... таа е целта на секој човек. Животот е убав со убави доживувања, со искрени другарувања со радост и смеа. Треба да се радуваме на животот и на новото изгрејсонце. За некој смислата на животот е вечна борба меѓу доброто и злото, војната и мирот, болеста и здравјето, радоста и несреќата. За мене смислата на животот е да бидеме секогаш гордо исправени пред секоја препрека, насмеани и полни со љубов. Да се живее, значи да се постои. Да се радуваш на успесите, да не тагуваш многу по несреќите и да бидеш оптимист. Живејќи треба да им помагаме на блиските, да делиме љубов и добрина и да очекуваме таа да ни биде возвратена.Да се бориш за своите идеали, да имаш своја цел во животот – таа е смислата на животот. Со сета своја сила треба да се бориме за животот да ни биде убав. Не треба да се препуштаме на судбината и да се помириме со неуспесите.Треба да бидеме трпеливи и упорни. Верувам во судбинското, но сакам да ја изменам судбината кон подобар и посреќен живот. Во ваквата борба е мојата смислата на животот. Животот е премногу краток за да бидеш сит, искористи го секој миг, годините се само бројки. Не сонувај го животот, живеј го својот сон . СО ОГЛЕД НА ТОА ШТО СЕ БЛИЖИ ПРАЗНИКОТ 8 СЕПТЕМВРИ,БИ МОЖЕЛЕ И НА ТАА ТЕМА ДА ПИШУВАТЕ,ВАШИТЕ РАЗМИСЛУВАЊА ЗА 20 ГОДИНИ НЕЗАВИСНА МАКЕДОНИЈА
Ѓи чувам сите состави што ги пишувам (секогаш за во секој случај) но незнам кај сум ги ставила,кога ќе ги најдам ќе ви ги пишам
Феминки ми треба есеј на тема ,,Култура во комуникацијата помеѓу луѓето". Доколку имате ваков сличен состав или сте во можност да ми помогнете, ве молам пишете ми.
Девојки ми треба воведен дел за љубов, до 50 збора, но не ми смета ако има повеќе или помалце.. Ако можете пишете ми во ЛП. Немам никаква инспирација за пишување
Еј ајде ако имате некој состав за екологија или пак на тема книгата непресушен извор која го напојува човештвото..такво нешто. фала однапред
1. Клетници - човекот на дното на општеството (клетниците во романот) 2. Странствувањето на Чајлд Харолд - главните одлики на романтизмот во поемата 3. Страданијата на младиот Вертер - Вертеровата чувственост и неговата позиција на неснаоѓање во светот, а самоубиството е само конечен чин во серијата неправедности - границите меѓу човековата љубовност и бесплотната љубов меѓу мажот и жената Xeлппп...Ако има некој што има некоја од темите ве молам во ЛП..
Знае ли некој состав за детската фантазија? фала однапред можеш да напишиш: Љубовта не е нешто со кое се раѓаме, таа се раѓа и развива во текот на целиот живот. Таа едно од ретките нешта за кое се верува дека е неопходно за живот. На љубовта не треба да се штеди. колку повеќе љубов даваме толку повеќе љубов добиваме, на љубовта не треба да се гледа како на извор кој не може да пресуши, за секоја љубов за која не сме сонувале доволно долго и не сме мечтаеле доволно силно може да се распрсне како меур да сапуница...
Да се зборува на сите јазици,да се кажува со илијадници зборови е премалку за да се искаже чувството љубов. Не постои ни едно нешто што може да ја опише љубовта.Се е толку убаво додека љубовта е возвратена,но кога не е тоа е како над тебе да се срушил целиот свет.Се затвораш во себе и ништо нема да бида како што било порано.Постојано ќе си тажен,нема нешто што може да те развесели.Баш тоа ми се случува мене.Се чувствувам како да сум во затворена просторија,сама меѓу четири ѕида.Колку и да ме тешат и да ми кажуваат убави работи ништо нема да ме развесели.Чувството кога ќе помислам дека сака друга е толку неубаво,никогаш повеќе нема да биде мој,него му е убаво си го живее животот не се грижи дали некоја го сака или не.Јас,а што јас? Личност која на секој две минуттки помислува на него.Го сакам премногу,но изгледа ќе треба да се помирам со тоа и да сфатам дека животот оди понатаму.Кога го пишувам ова,солзи го обливаат моето лице,кога ќе го видам помислувам дека сме заедно ..но за жал тоа е ден пресладок сон од кој треба да се разбудам и да погледнам напред кон реалноста.Се се случува еднаш во животот.Колку и да се трудиш,одново и одново никогаш нема да го имаш тоа чувство како да си Три Метри Над Небото.Тоа е тажната страна на љубовта,а јас една будала која искрено сака и залудно се надева!:/
некој од вас знае состав за костантин миладинов и неговата поезија, за лермонтов и неговото дело евгениј онегин и за сердарот и григор прличев?
За Константин Миладинов тука а за сите останати писмени, состави и сл. ќе најдете многу тука, има за разни теми и од разни години
Неколку реченици за дарежливост, ама да бидат иронични. Есејот ми е напишан отприлика, ми фалат неколку реченици за да е комплетен. За утре ми треба, а никако не ми текнува. Секоја помош е добредојдена, пошто стварно немам инспирација.
Луѓе задутре правам писмена на 2 теми: 1) Рафаел де Валентин-богат без право на богатство, вљубен без право не љубов, живее без право на живот 2)Федора и Полина-два различни света, два различни сензибилитета И двете се теми од Шагринска коша, а јас не знам како да почнам. Ве молам помагајте кој може!!
Еве ти солиден почеток (инаку го преземав од сајтот „Сакам книги“) Фатална ноќ на незадоволство, револт и ретроспекција... млад, надежен интелект носи одлука да изврши самоубиство. Непосредно по одлуката, едно магично парче кожа станува негова амајлија, му носи низа бенифиции низ животот, но крие една страшна компензација... Живот на лукс ниво, благородни случувања, богат културен живот, но и полноќни посети од една бездушна жена, за сметка на наивната афекција од страна на Полина... Будење. Со секоја желба, шагринската кожа се крати, што е метафорички симбол на животот на Рафаел... умирање, на рацете на Полина. Балзак, преку шагринот (франц. chagrine - тага) ги третира предностите од доброто до злото, од хармонијата до моќта, од рајот до пеколот - сервирајќи универзална поента... несомнено, животот е најскапоценото нешто што го поседуваме.
Еј ајде ако имате некој состав за тема книгата непресушен извор која го напојува човештво ве молам ми треба брзо
Сакам, за да бидам сакана простувам, за да ми простуваат. Говорам, за да знаат за мене, творам, за да останам запаметена, слушам, за да почувствувам дека постојам. Никогаш ништо нема да научам, никогаш никој нема да ме запамети, никој нема да знае дека сум постоела. Се ќе мине со времето. Еден ден кога моите коски ќе гнијат длабоко, кога ќе се присетат и тагуваат за се она што го пропуштиле во животот, некој, некаде, ќе пишува за себе, за животот, за смислата на битното и небитното, ќе пишува уа денот кога и тој ќе се изгуби со времето и ќе остане само една нишка од немиот простор, од глувото време. Нишка за која никој никогаш нема да се сети дека била дел од општото, дел од овој свет. еве место состав песна
Не би да мудрувам,ама ако на вакви општи теми не знаете да напишете состав, јас незнам како ќе полагате матура. Темава е толку проста и едноставна што не ти треба ништо посебно,освен мала креативност. Да беше за некое дело, па да не си имала време да го прочиташ ајде де,ама за вакви глупости да барате состав. Anyway, мала помош ако сакаш сама да го напишеш. Во воведниот дел пишувај општо за книгата, поврзи ја со мудроста на човештвото, со историјата дрн дрн јариња. Потоа пополека навлегувај во главниот дел, за што ќе зборуваш конкретно. И понатаму, пишувај конкретно зошто книгата е тој непресушен извор, зошто е потребно луѓето да читаат книги. На крај, заврши го составот со твој заклучок и субјективно мислење, што е за тебе книгата, како ја гледаш ти книгата. И ова верувај е многу поголема помош, отколку готов состав.
