Ајде на оваа тема да споделиме уште по некое искуство-дали некогаш сте работеле за време на летото? Доколку да, каде сте работеле, сте биле или не задоволни, задоволството од првата плата, и сл. И дали ова лето планирате да поработите некаде, или лето си е лето-за одмарање ?
Јас од сеумнаесет години па наваму сите лета сум работела. Ај ваљда ова ќе земам одмор. Инаку не гледам зошто да седиш да дремеш цело лето, ако си млад, здрав и способен за работа. (Освен ако твоите не се loaded, па нема потреба да си ја мачиш душичката. Иако јас цврсто верувам во паролата работата го краси човекот.
Јас работев едно лето додека студирав.Работев во фабрика за шешири и бев пакер,иначе ми стана многу интересно па сакав да работам и другото лето ама немаше потреба од работници А платата...па солидна беше
Кога матурирав тоа лето прв пат се вработив како келнерка. Леле колку ми беше тешко. Сите мои врсници излезени и си се забавуваат, а јас останував до сабајле, за некои си 400 денари дневница. Многу лошо се чувствував. Издржав два месеци и потоа со другарките отидовме на одмор, а што е најважно сама си заработив за одморот. Убаво беше чувството дека прв пат си створил нешто, се чувствував независна, возрасна... Сепак, наредните лета не го пвторив тоа искуство
Почнав да работам преку лето на 16 години (втора за трета година), келнерка на една плажа до Гранит хотелот. Местото беше многу опуштено, газдите супер фини и секој работен ден беше закон. Работев со мојата најверна другарка и затоа уште повеќе ми беше супер. Оттука се здобив со искуство, а и среќна бев што сама си заработував. Следното лето пак најдовме работа со другарката, на плажата Немо, и пак можам да се пофалам дека работата беше супер, убави дневинци и ептен (позитивно) забегани газди Секој ден беше partyy =)) Oва лето, за жал, пак требаше да си работиме со другарката на Немо плажата, ама времево... знаете - да не се повторувам. Одвај чекам да почнам! П.С. Работата на лето е супер за оние кои сметаат дека лошо и нерационално го користат летниот распуст. На лето најмногу се прават пари, а и исто секогаш има работа. Плус се здобивате со работно искуство и работите работа која можеби потака во животот никогаш нема да ја работите - убаво е да се осознае тежината на различни работи П.С.С. Од работата никогаш не треба да се срами!
Јас од мои 16 години работам како шанкерка во кафич. Додека траеше учебната година само за викенди, а сега преку лето секој ден. Се согласувам дека од работа нема срамота, за шанкерките или келнерките кај нас како помало место баш и се нема пофални зборови, ама мене ми ич не ми е гајле, си ги заработувам парите, ниту крадам, ниту правам нешто безобразно. Плус тоа, имањето сопствени пари, да не чекаш се од родителите на тие години, носат преубаво чувство.
Ах блазе им на тие од туристичко место. Таму работа преку летото лесно се наоѓа. Туку што да правиме ние од помалите гратчиња . Многу сакам да работам преку лето, ова денгубење ме задушува. Имам работено неколку пати уште откако завршив 3та средно, ама ова лето некако тешко со пронаоѓањето работа. Инаку од твои заработени пари нема поубаво чувство, а и нема зошто некој да се срами, уште подобро треба да се гордее со тоа!
Минатото лето со дечко ми работавме во еден кафич на плажа-тој шанкер, јас келнерка. Газдите не ни се погодија. Мала дневница, гледање на криво, работа во 2 смени (а требаше во една)... Да го имав овој памет што го имам сега, ни 2 дена не седев таму. Ајде што си го упропастив летото, сепак на тоа гледам како искуство во животот. Не би ја работела повторно таа работа, пренапорно е и лошо платено (зависи каде). Не можев ни здрав режим на живот да си водам. Од време на време со дечко ми се потсетуваме на тие денови и искрено ми паѓа дури и смешно како можевме да го издржиме сето тоа. Ова лето јас ќе работам во поликлиниката на татко ми, каде се надевам, ќе стекнам искуство што понатаму ќе ми треба во животот (деловни работи, медицински ангажмани, интервенции, лекови, упути...) а дечко ми заврши курс за спасители на вода, па ќе биде пак на плажа
леле само јас колку сама да работам преку лето, ама за жал морам да работам без придонеси и са со закониве не можам да најдам никаде работа ...
Работев летото коа завршив прва година , во една фабрика скоро сите другарки работевме И супер беше добри пари заработивме, често знаевме да одиме прекунорма и да имаме поголема дневница .Затоа често имавме проблеми со жените кои велеа дека помалку треба да не платат , малечки сме биле Наместо тие да се засрамат што повеќе работиме од нив , и криви не извадија.Инаку фабриката беше за преработка на зеленчук. За жал овие две години не работат , па неможам да одам пак .Барам нешто работа за преку летово ама тешко ништо неможам да најдам Незнам веќе каде не сум прашала .Со оглед на тоа дека живеам во помал град , потешко се наоѓа нешто за разлика од Ск , Охрид итн ....АмА тоа е тоа
Не сум работела преку лето. Секоја година викам ќе почнам ама ништо. Ама обавезно догодина одам во Америка па и ќе прошетам и ќе заработам нешто (јес да знам дека што и да заработам ќе потрошам одма таму на shop-shopping)!!
Летово се пријавив во една агенција каде што бараа луѓе за работа.... испратив CV и чекав да ми се јават, но за жал многу се разочарав кога видов дека си ги напикаа најблиските на работа - така е кај нас во Прилеп... ако имаш пријатели “вредиш“, ако не те газат Но, решив да не се откажам од потрагата по работа и пак се пријавив на еден оглас...но и од таму никаков одговор не добив... сега си седам така, се досадувам...
Девојки јас видов во центар ( Скопје) во една продавница за чорапи и долен веш бараат продавачка, не само за летово туку и за подолго. Е сега не верувам дека има некоја добра плата, ама пријавуваат. Која ќе осатане летово во Скопје може таму да утепа некој месец, не е тешка работа и плус некоја паричка во џеб. Продавницата е во пролазот до Мекдоналдс.
Јас моментално работам , и ке работам некаде до крајот на август, чувам едно дете ке биде сега 3 одд. Супер ми е. Го чувам кај нив дома имам тотална слобода. А и зошто да киснам дома по цели денови и да се досадувам кога можам да заработам некој денар. Работам од 18 години, откако матурирав одма почнав. И сега на 22 години имам искуство на повеке работни места.
јас работев минатото лето,но оваа не можам. Сакав да ве прашам дали некој знае ,ако ме вработат некаде дали ќе можам да зимам стипендија?
Сакам да работам, да. Малолетна сум но сакам да си имам свои пари и да си ги трошам за тоа што јас сакам. Ми даваат и моите не се жалам, но тие ми се за во школо за доручек и за кафенце. Толку можам да си дозволам.
Да, работев ова лето во Америка , како касиер . Супер задоволна сум , заработив нешто , прошетав. Ова лето заминувам пак. Во мојот град нема шанси да најдам работа, а да се досадувам 4 месеци и да барам пари од моите но уеј А за работа во текот на учебната година велам НЕ бидеќји сакам целосно да се посветам на факсот
Минатото лето прв пат работев Во салон за мебел како продавачка и супер ми беше. Добра плата, а лесна работа-по цел ден седев на компјутер. 2 месеци работев бидејќи планирав друго нешто за август, ама не излезе така. Во секој случај, искуство плус за мене беше.
