ТЕМА: Џигери

[A.d.e.l.a]

здраво
на многумина џигерите им се омилено месо па гледав да не случајно има тема но не најдов . јас го обожувам белиот свински џигер правен на велешки начин ( на секоја свадба е како топло предјадење) па би сакала овие дена да си направам дома. дали некоја од вас го знае рецептот? пишувајте и за други рецепти со џигери . поздрав и се надевам дека има некоја велешанка меѓу феминките и ке го сподели со нас рецептот

[wolf4e]

Aко се секавам добро дома ги правевме некако со пржен кромид,заедно промешани

[slavica999]

Пилешки џигер

Изрендам 3-4 главици кромид, 3-4 моркови, малку масло, сол и вегета и пропржам додека да омекнат. Налевам вода и ги ставам џигерите и оставам да крчка така. Пред да испари водата целосно, ставам пола чаша бело вино. На крај ги пропржувам џигерите и ако имам ставал 2-3 лаж павлака и ситно сецкан магданос, иако и без павлака се многу вкусни.

Свински џигер

Рендам 2-3 главици кромид кои ги пропржувам додека да омекнат, налевам вода, го ставам исецканиот џигер, сол, вегета, 1 лаж сенф. Кога ќе испари водата ги пропржувам.
Вака ми се највкусни, без никакви сосови и додатоци.

[Annath]

Многу сакам да јадам џигер, секаков. Без разлика што е лабораторија на организмот, вкусен ми е. А испечен во фолија во рерна... мх, мх, мх - прсти да си излижеш. Откако се омажив и не го јадам толку често - само кога сум дома кај моите. Овде никој не јаде џигер, а да готвам само за мене - не ми е слатко.

Совет: секогаш пред да почнеш да го готвиш џигерот, остави го некое време да отстои во пресно млеко. Така ќе биде посочен и нема да се суши, посебно ако го пржиш. И најбитно, не го соли пред да го готвиш, туку солта или мешаните зачини додавај ги на крајот на готвењето.

Јас обично го готвам со многу кромид. Неколку главици кромид крупно исечкани му се додаваат на пропржениот џигер, додавам суви лути пиперки (супер одат со џигерот), малку салца (домашен доматен сос), откако убаво ќе се испржат додавам зачини, вода и оставам да искрчка убаво, т.е да испари водата.

Добар апетит!

Се надевам дека нема врска што го бараш велешкиот специјалитет, и ова е супер

[AIT]

Пилеѓкиот џигер јас го динстам со морков и кромид и така ми е највкусен ,а свински или телешки го пржам и после му ставам оцет ,лук и магдонос одозгора.

[A.d.e.l.a]

се може девојчиња да има само кромид никако . овој велешкиот како што порано ми кажуваа ( ама заборавив) беше исецкан па варен и на крај со врело масло потурен само што незнам точно како треба . инаку да ви кажам повкусно нешто немам пробано . можеби некоја велешанка ке не прочита па ке каже.

пилешкиот џигер го правам најчесто вака

ги варам џигерите во подлабок сад со вода сол и малце масло . откако ке се подварат убаво додавам печурки (ако се живи претходно ги подварувам) доддавам и масло и така се заедно се пржи потоа додавам црн пипер и на крај пред да се извадат ги промешувам со кечап . многу се ровки и убави .

[lepa.milena]

Јас пилешкиот го правам со пропржување на кромид, печурки, домат, а многу често наместо домат ставам кечап (така е попикантно), ги додавам зачините, па џигерот и сето тоа го динстам.
Претходно го мијам џигерот, и во посебно тавче ќе го пропржам без масло, за да излезе течноста одвнатре (крвта), потоа го процедуам. И после се како што напишав претходно

[marama]

Пилешкиот не ми е убав , па не го ни готвиме. Свинскиот го пржиме со свинска маст и со зејтин. Додаваме и вода, па си крчка, при крај на пржењето ставаме сол. На страна пржиме праз и на крај кога двете се готови ги мешаме.

[ines.h]

И јас сакам да знам како го прават тој велешкиот ..... ај нека пиши некоја да касниме малце

[Mayyya]

Највкусен џигер, ама наајвкусен има во Љуц. Па со кригла пивце - мераци.
И јас го подготвувам на сличен начин кога спремаме скара. Телешки џигер се сече на многу тенки листови и се пече на скара. Во маслинов зејтин се става многу магданос, лукче, сол и многу малку оцет и џигерот се потопува во смесата. И можам да кажам дека може да му парира на џигерот во Љуц.