Дали знаете рецепт за приготвување на сос за доритос чипси, како што е со кечап или со сирење..њааам не можам да му одолеам..
Наједноставна варијанта ти е следнава: Истураш во голема рамна чинија Доритос зелениот. Рендаш тврд кашкавал врз него, попрскуваш со оригано и во микробранова 2 минути. По желба можеш и да додадеш кечап пред да загреваш. Друга опција ти е со гвакамоле. Ти треба 1 плод авокадо, 1 свеж домат, капка маслиново масло и три четири капки табаско сос. Сево ова во блендер, да стане кремаво, и се служи со Доритосот. Трета опција ти е со сос од павлака. 1 павлака ја миксаш со оригано, 1 лажица сенф, кари, рузмарин и сушен магдонос. Најдобро оди со Доритосот од сирење, портокаловиот.
Веќе го прашав прашањето во друга тема ама како што гледам не ми одговорил никој. Знае некој освен во Веро (или пак Рамстор, ако има) каде го има ова и колку чини?
Гледав баш вакви сосови (во иста тегличка) ама не ми текнува дали беа Доритос, не приметив, ама мислам дека на нив пишуваше Начос, имаше со вкус на кашкавал, скара и салса, и беа околу 50-60 денари. Во Рамстор значи со сигурност ги гледав пред некој ден затоа што сакав да купам, ама не можев да се одлучам кој вкус, па си реков , следен пат .
Jас го имам јадено ова, вкусно е, ко топен кашкавал крем-сир нешто ама не знам дали го има кај нас Mислам дека можеш да си го направиш со оние тост кашкавали што се, во најлонче.. во микро растопи ги па нешто слично ќе добиеш
инаку јас да ви кажам еден рецепт... се става млеко да се стопли, не кој знае колку ама од око ќе си видите, и се додава од овој кашкавал што ви зборам, со најлон, тост кашкавал(откако млекото ќе зоврие) и сечкана сланина, предходно пропржена, ама на мааали коцкички се меша се тоа, треба да биде течно, како каша со пржени компири иде феноменално, мене дечко ми секогаш ми готви вака треба да излезе ко на сликава, а ние сланината на коцкички од горе си ја ставаме!
Јас имам еден универзален рецепт за црвен сос..Оди баш со се (месо, чипс, тестенини...) И многу едноставно се подготвува, ви треба Домата (или доматен сок) јас си користам од зимницата 1 чаша бело вино 1 лажичка шеќер 1 лажичка сенф и 1 лажичка кечап и зачини ( јас ставам кари, црн бибер,вегета оригано и мааалку чили) Ја ставате доматата во тавче на рингла и ја мешате за да испари т.е да остане само месестиот дел кога ке испари додавате кечапот сенфот и шеќерот мешате таман се спои смесата му го додавате и виното и го намалвате шпоретот ...пред да го тргнете од оган додајте ги сите зачини и најдобро е да го почекате да се олади за да дозгусни
Spoiler Дури и 10 пати поубаво е од доритос сирењето што го јадев. зависно колку сакаш, ќе си ставиш млеко, кога ќе зоврие, едно по едно од овој тост кашкавал ќе ставаш и ќе мешаш дур не се растопи.и после ново парче и се така земи си 2 паќетчиња вакви! многу е убаво со пржени компири, абре мераци
Ме погоди темава , обично се давам во начос со ваков cheese сос во мексикански ресторан и многу често си правам дома. Порано мислев дека се прави со топење на кашкавалот директно во рерна со се чипсот, но така чипсот загоруваше додека да се стопи убаво кашкавалот и после одма ќе се излади, ќе се здрви и ништо од специјалитетот. Сепак поентата била во топењето на кашкавалот во млекце за да се добие баш тоа што треба, јас го сакам погуст па му додавам и една лажица брашно (убаво се меша со загреаното млеко) пред да го додадам кашкавалот. Кога ќе се стопи кашкавалот..спремно е за поливање или мацкање кој како сака Не сум пробала со пржени компири до сега, се настрвив за утре мммм...
зависи колку сакаш да направиш.. пробај со една чаша прво, еве и брашни можело да се стави, јас не знаев. и после ќе си мешаш од кашкавалов Hе ми текнува искрено мерката, ама не беше кој знае колку млеко, нема шанса да го утнеш, зашто треба да се става кашкавал се додека не стане кашасто
Eдна шоља млеко, една лажица брашно и едно пакетче од 120 гр. кашкавал и по желба сол. Кога ќе се загрее млекото се става брашното, се меша и малку се згуснува. После тоа парче по парче се додава кашкавалот и се меша додека не се стопи.
А може да се направи со обичен кашкавал, кравји на пример, можеби ајдамер или мора со оној тост-кашкавал што го има спомнато Лудото некоја страничка поназад? Ми изгледа вкусно, морам да пробам.
По рецептите на интернет сум сретнала дека се спомнува чедар кашкавал, а единствено така спакуван во кесички сум го сретнала. Како и да е треба да е помек кашкавал, а тие тост кашкавалчињата се најмеки.
Јас денес го пробав рецептот, одличен беше, јас го правев од око, една чаша млеко, и 2 пакетчиња цели од малечките тост кашкавали, ми излеле многу, ама 4 персони бевме се утепавме од јадење Закон е!!!!
Лелелелеле ми се јадеееее! Одамна сакав нешто вакво да пробам, секад гледав вакви ствари јадат на американскиве шоуа и јас си викав што е толку интересно. Верувајте, сега е касно, али утре дефинитивно ќе направамм!!
ЈАс да кажам дека не мора кашкавалот да е баш таков тост во најлончиња што е. Јас го правев и со Ајдамер (оној со дупчињата што е) и убаво ми излезе.
Не знам експериментирај O Можеш само кечам да му ставиш.. а мислам има и со домата некој рецепт ако знае некој нека кажи
