ТЕМА: Макарони

[tigerlady]

Овој начин ми е дефинитивен фаворит.

Макароните се варат и се ставаат во тавче. Им се додава павлака, зачини и се што сакате или по мене се што има во фрижидер и може да се искомбинира. Последниот пат јас им ставив печеница, домати, маслинки и сирење. Одозгора се ренда кашкавал, може било каков ама мене ми е најубаво со овчи дава супер шмек. И одозгора тајната состојка, кршени ореви. Се става да се запече, додека кашкавалот не порумени околу 15 мин. и после се ужива.

[Shelea]

Еве ја денешната моја измишљотина со макарони, за ручек:

Потребно ви е:
1 пакување макарони
сувомеснато месо (јас имав малку пушена сланина, некој свински врат и останат малку кулен)
главица кромид
доматно пире (ако е од тегличка, доволни ви се 5 лажици, а ќе го разредите со вода при пржењето)
пармезан
масло, бибер, сол, оригано.

Поедноставно здравје! Сварете ги макароните и оставете ги топли во тенџерето.
На тивок оган пржете го кромидот додека не стане мек и стаклест, и додајте му го сечканото сувомеснато, на ситни коцкички. Мешајте додека не почнат да прскаат и крцкаат мевцата. Налејте доматно пире, малку вода, бибер, сол и оригано и оставете да крчка 10тина минути на тивок оган.
Потоа потурете на макароните и наросете пармезан.
Бон апетит.

[Elenuskaa]

Ја вака ги првам ги варам, и ги цедам ставам во ѓезве зејтин да зоврие и откако зејтинот е готов ќе ги попарам макароните. Секогаш ги јадам рзлично со томатели, со сирењр, зависи од тоа што имам во моментот дома...
иначе знам и откако ќе ги сварам да ставам дел од нив во табичка и одозгора рендано сирење, потоа пак си повторувам и ги печам додека не зацрвент...
и на крајот нај убавиот дел.. ГИ ЈАДАМ

[stylishh]

НАЈ омилено јадење,ммммм ги обожавам,најмногу печени со сирење павлака и јајца ,прво варени па печени

[ivanshe]

Еев од мене рецепт за правење макарони со сос карбонара, всушност можат и шпагети да бидат или таљатели или фарфале тоа е по ваш вкус.

Потребни состојки:
сланина
печурки ( по можност свежи)
хопла (солена)
кари зачин
вегета
пармезан

Ги сечкате печурките и сланината и ги ставате да се запржат на масло ( јас обично ја ставам прво сланината зашто печурките пуштаат вода, па подоцна и печурките ги додавам). А заборавив пожелно е пред да се стават, печурките да се посолат со сол. Пржите така 10 минути од прилика па потоа ја додавате хоплата и мешате, хоплата ке почне постепено да се згуснува, ставете половина лажичка сол, вегета и кари по вкус. За 5 до 10 мин тргнете го сосот од огин, некои ставаат јајце на крај во сосот но јас не практикувам. Вака подготвениот сос го ставаме врз веќе подготвените макарони, по желба ставете си пармезан и уживате

[Makide]

Вака јас си правам макарони и мене многу ми се вкусни

- 500 грама макарони,
- 1-2 моркови
- лук
- босилек пола лажичка
-сол
- зејтин,
макароните се варат и се цедат, потоа во тенџере ставаме зејтин го ставаме лукот пропржуваме колку да го пушти мирирсот, потоа го додаваме морковот го пржиме додека не омекне, потоа во тенџерето ги додаваме макароните и ставаме малку сол и босилек, се пропржува малку и се трга од оган, доколку сака некој може да си достави уште нешто не мене и вака ми се добри,

Уште еден мој рецепт

- 500 грама макарони,
- 1 главица кромид,
- томатело или друг сос од домати
-бибер,
-сол,
- малку шеќер,
-оригано или босилек,
- зејтин

макароните се варат и се цедат, потоа во тенџере се става зејтин, се става кромидот се пржи колку да омекне, потоа се додава томатело или доматен сос, се става бибер, сол, малку шеќер, оригано или босилек, сето тоа се остава да се вари, кога ќе се згусне колку густината да биде за сос се трга од оган и во тенџерето се додаваат макароните и се меша сето и може да се послужи,

Еве еден рецепт го имам направено 2-3 пати многу е калоричен па го избегнувам

- 1 пакетче макарони,
- лук,
- 1 морков,
- путер,
- 200-300 грама пилешко бело месо,
- 200 грама кашкавал,
- 250 мл павлака
- сол
- босилек

макароните се варат се цедат, потоа во тенџере се става путерот да се растопи, се пропржува лукот за да пушти мирис и се додава морковот се пржи малку и се додава месото, се пржи и се додава сол, босилекот, откако ќе се испржи месото се додава павлаката откако ќе се добие хомогена смеса се додаваат макароните и се меша, потоа го ставаме ренданиот кашкавал и се меша додека не се стопи кашкавалот и не се добие хомогена смеса ,

Пријатно јадење, да кажам и ова е моето најомилено јадење а го правам на илјада начини поточно комбинирам тоа што имам во моментот кога ги приготвувам.

[macence85]

Макарони со шримп и брокула

Овој начин ми е најбрз и наједноставен, а изгледа многу убаво особено ако ви доагаат гости. Значи ги варам макароните посебно, ги цедам и мијам да не се залепат. Во посебно тавче потпржувам на маслиново масло ситно сецкано лукче, кој колку сака може да си стави, и ги додавам брокулите, ситно исецкани, но без никакво варење претходно, им додвам малку вегета и црн пипер. Ги пржам кратко колку да омекнат и таа смеса ја додавам кај макароните. Шримпчињата исцистени од опашките, зависи какви ќе купите, некои се веќе исчистени, но некои не, ги пржам исто на малку маслиново масло околу 5 минутки и им додавам малку бело вино, околу едно филчанче за кафе. Им додавам сол и оригано. Кога виното ќе изврие ги додавам и шримповите кај макароните и брокулата и сето тоа го мешам. Внимавајте само да не претерате со варењето на шримпот оти може да стане тегав. На оваа смеса му додавам пармезан и воала.. Изгледа многу убаво а и на вкус е многу лесно и свежо.

[Mermaid90]

Обожавам да јадам макарони и најчесто ги правам вака-сварени и исцедени макарони ги ставам во истото тенџерче во кое што се варени и додавам исецкана салама/шунка (по ваш избор) ,исецкан кашкавал,сиренце и 2 живи јајца.Сето тоа се меша околу 2-3 мин.на јак огин.Овие исецканите работи си ставате колку сакате по ваша желба.
А да напоменам дека јас си ставам по 1 јајце,наместо 2 (мислам дека се многу).

Ги научив од другарка ми и прв пат ги јадев кај неа и накрај кога се најадов ми кажа дека има живо јајце,да знаев немаше да ги јадам а сега ми се омилени

[IviA]

На многу начини ги правам макароните ...значи варени со туна , со зеленчуци , со доматен сос, шунка , кашкавал ,кечап и мајонез ...... печени со сирење , имам правено и манџа со макарони и компир , руска салата исто

[Snow-Queen]

Обожавам макарони, ги сакам со се, и секакви