Нешто од умче, што се најде, тоа се стави . Важно на сите му се допадна и не остана ништо од него . Посна пита од кори со спанаќ и праз Потребно: 1/2 кг. кори, 125 мл. обична вода, 125мл. минерална газирана вода, 1 лаж. шеќер, 1 лаж. сол, 125 мл. масло, коцка пресен квасец, 3 лаж. брашно, 500гр. спанаќ, 1 корен праз. Подготовка: Во еден сад се става обичната вода, квасецот, шеќерот и брашното. Убаво се меша и се остава да нарасне на топло (од прилика 15 минути). Потоа во него се става минералната вода, маслото и лаж. сол. Филот... Спанаќот се обарува, се цеди со рака и се сецка ситно. Празот се сецка и се пржи. Потоа се посолува по вкус и се мешаат заедно. Секоја кора се премачкува со смесата и се става од филот се додека не се употребат сите кори. Горе може да се стави сусам за декорација и вкус. Се пече околу 30 минути на 200 степени. *** Јас користев кори за баклава, па бидејќи се тие многу тенки ставав по 2, ги премачкував со смесата и ставав фил. Сликче .
Ај и јас да ви пишам еден рецепт, ќе го правам деновиве за кумата за слава, туку два ќе ви пишам, еден солен и еден благ Посни триаголници од компир Во зависност од корите кои ги имате, односно колку кори имате толку количина на зарзават избирате, па така за пол кило кори отприлика 3 главици кромид исецкани ни ситно ни крупно, средно и околу 6 главици компир, рендани на крупното на рендето. Прво кромидот се пропржува да светне, тоа е изразот на мајка ми за киромид пржење, значи да омекне малку, да не е препржен, ама да не е ни жив. Потоа се додава и ренданиот компир, се меша многу и бргу бидејќи компирот се лепи на тавчето, со шпакла убаво ќе стругате по тавчето, ставете ако треба и повеќе масло. Откако ќе се испржи убаво, тоа ќе замириса појако, се додаваат зачините, по вкус, јас ќе ставам сол, вегета, мајоран, рузмарин и микс папра, е сеа наместо обична сол ќе ставам шарена сол, таа ми е поароматична. Корите за баклава ги редите по три една врз друга, измеѓу со масло попрскани, или растопен маргарин уште поубаво, ги сечете на ленти отприлика ширина колку 10 см, ќе излезат 4-5 ленти, зависи колкави ќе ги сечете. Во едниот ќош ставете од филот ама така побогатко, предиплете го во вид на триаголник и продолжете да виткате до крај, на крајот ставете малку од зејтинот или маргаринот за да се залепи и во тавче намрсено наредете со последното свиткано парче надоле. Додека не се потрошат намирниците виткајте триаголничиња. На крај завршувате со попрскан маргарин или зејтин и кисела вода мешавина и ако сте љубители на сусам, додајте препречен сусам, лудница од вкус. Самите ќе си добијат вкус на бурек со месо, што од зачините, што од кромидот, а грамче месо нема внатре. Не сум сто посто сигурна за количината на кромидот и компирот така да земете во резерва, најдобро би било да си имате отповеќе кори, за да не ви заостане зарзават, да не мрзнете или да не трчате во продавница по кори Бомбици од локум и сусам 200 гр сусам, 200 гр локум до 100 грама чоколадо за готвење (може ама и не мора) Се пропржува сусамот на тивко, со постојано мешање за да не изгори, добрива убава златеста боја и тогаш се додава локумот исецкан на ситни коцки, на 8 отприлика, се меша додека не се соедини, некаде пред крај се додава и искршената чоколада да се растопи заедно со локумот, може и да се валкаат бомбиците во чоколадата изрендана или истругана со ноже, па да изгледа поефективно. Прекрасни и прелесни, а посни
Општи прашања Moжеш да јадеш салати,компир,овошје,ориз,маслинки,мармалад... Мајками кога постеше ова го јадеше..се надевам дека ти помогнав.
Општи прашања оваа недела се пости без зејтин ,така да можеш да јадеш локум и ѓеврек,леб и мармалад,печен компир само со сол,зеленчук,овошје ...
Еве некои благи што се сто посто посни: Медени срциња, Дорина чоколадо ледена коцка, Бајадера, рум штангла, едно црвено чоколадо што е во кам 200 гр мислам само го има во тоа пакување превкусно е и посно. Баклавата е исто така посна, потоа едно црно чоколадо 75% какао што пишува на него. Превкусно е и посно. Исто така има рецепти за преубава посна чоколадна торта и за посни капкејкс ама на англиски е тој рецепт ако сака некој ќе го поставам.
Само да надополнам слатко од Смокви (или било кое друго), мед, кандирано овошје кое е доста зашеќерено и заменува благо доколку си љубител. Банани прелиени со мед и мелени ореви ми е фафорит посебно кога се пости без масло. Најбрзо се спремаат инаку ѕирни во кај што се посните рецепти на вода има рецепти за колачи на вода
Еве неколку солени јадења што ги правам без масло: `Варам просо или хељда со вегета зачинето. Ептен најадува и те заситува, а да не зборувам колку е здраво. `Вчера сварив макарони со доматен сос (томатело италијано) + сецкани ореви = превкусно и необично. `Денес планирам да сварам златна мешавина и така ќе ја јадам само со сол (си сварив и свежи печурки демек како додаток, ама ги изгорев -.- и ништо ич) Јадам неколку оброци во денот за да не чувствувам глад: интегрално стапче од Тинекс, овошје, лешници/бадеми, салата немам направено бидејќи не може масло, па затоа си грицкам кисели краставички.
На сабајле јадам овесни снегулки (5 лажички), мелено ленено семе (2 лажички), мед (1 лажиче), цимет. Го попарувам со врела вода, мешам и за 2 минути снегулките се омекнати, а од ленот водата се згуснува. На крај ставам кршени ореви/бадеми. Резултат:
Доколку имате во замрзнувач печени и мелени модри патлиџани, еве предлог за посно малиџано. Јас ги ставам состојките „од око“: - модри патлиџани - пире од компири само со вода и зејтин, малку потечно од вообичаено - 2 црвени лути везени пиперки, претходно сварени - сенф - сецкани ореви и лукче - зачин по вкус: сол, вегета, црн бибер, кари, ленено семе.. Се убаво се меша, и се добива превкусно зимско пинџурче
Посна тортиља Потребно: - 2 чаши бело брашно - 1 чаша интегрално брашно (јас користев ржано) - 2 лажички сода бикарбона - 1 рамно лажиче сол - 4 лажици масло - по потреба жешка вода Се замесува тесто од наведените состојки, се замесуваат 8-9 топчиња и се покриваат со крпа да отстојат десетина минути. Се расукува секое топче што е можно потенко и се става во подмачкано тавче со зејтин. Секоја страна се пече околу 2 минути. Направените тортиљи се завиткуваат во мокра крпа да отстојат. Полнењето може да биде различно - јас избрав марула, ајвар и печурки. Може да се додадат маслинки, посен мајонез, растителен кашкавал (кој го конзумира), домати, краставици.... Рецептот е преземен од https://moirecepti.mk/post/%D0%B4%D0%BE ... 0%BD%D0%B0
Посни медени срца (превкусни): -2 чаши брашно -2 чаши кисела вода -2 чаши шекер -1 лажиче сода бикарбона -1 лажиче какао -1 лажица мармалад -по желба мелени ореви доколку имате Се пече во ѓувече и се премачкува со мармалад, па топено чоколадо.
На прв поглед се убави, ама за вкус ќе кажете вие . Поради примамливиот изглед, еве и рецептче за тие што сакаат да ги направат и го побараа рецептот. Па да не биде во лп, нека биде за сите кои сакаат. Брзи, лесни за правње, а превкусни. Име не им знам, бидејќи се од ум правени, така да, можете да си ги крстите како што сакате. По мое би биле, посни колачиња со вишна . Потребно: 500 гр. црно чоколадо, 3 лаж. мед, 50 гр. сец. лешници, 50. гр. сец. ореви, 50 гр. сец. урми, 50 гр. сец. суво грозје + ако сакате двојна глазура за да ви бидат глатки за око (+200 гр. чоколадо) и фондан од локум. Подготовка: Чоколадото се топи на пареа, па кога ќе биде готово му се додава медот и сите сецкани суви состојки. Убаво се меша. За колачињата се користи силиконски калап за ситни колачиња, па затоа ставате едно малечко лажиче од смесата, една вишна (јас ги правам дома, со шеќер и малку ракија ), а ако немате домашни, можете да си употребите цели вишни од слатко или компот (има во Кам во тегла ситни вишнички, само пред неколку часа ќе им ставите малку шеќер и малку обична ракија за да го добиете истиот вкус на домашните вишни), па потоа ставате уште една лажичка од смесата од чоколадо, за вишната до дојде во средина. Го ставате калапот во ладилник 5-10 минути, за да можете убаво да си ги извадите. Возможно е да имате малечки дупчиња од воздух, па затоа им ставам двојна глазура. Чоколадото се топи исто на пареа (200 гр), со 2 лаж. масло (маслото и дава сјај на глазурата) и се прелева секое колаче посебно. Фонданот го правам само од локум и шеќер во прав. Бидејќи не знам точно колку ми беше потребно за нив (истовремено правев и други колачиња со фондан), ќе земам една груба проценка од 100 гр. локум и 100 гр. шеќер во прав. Убаво се меси и се додава боја по желба, во случајот портокалова. *** Да напомнам дека може фонданот да ви биде леплив, доколку употребувате премногу свеж локум. Затоа имајте си при рака уште 100 гр. шеќер во прав за да ја добиете посакуваната густина (да не ви лепи на рацете, туку да биде глатко и нежно). Украсувате по вкус, во случајот подарок со панделка . Во зависност од калапот излегуваат најмалку 30-40 парчиња. Чекам сликички и од вас . Спојлер Се извинувам што ја користам истата слика и што немам друга слика за да ставам на рецептот .
Уште некој ден почнуваат посните слави, и пошто екпериментирав денес со состојки што ми се најдоа при рака, не е на одмет да ви пишам како ги подготвив бомбиците постирани на Фемина инстаграм Потребни ми беа 4 средно големи јаболка, еден лимон и еден портокал, 500 гр посни бисквити, 200 гр мелени и сецкани ореви и 150 гр шеќер. Излупените јаболка се рендаат и се преливаат со сокот од лимонот и портокалот, па со рака се стискаат за да се исцеди сокот што ќе го пуштат по десетина минути. Течноста ја ставив со шеќерот да зоврие како шербет, па после ги додадов јаболката и се тоа да врие дур не почне да станува проѕирно како желе. Се трга од оган, малце да се соземе, и внатре се додаваат оревите, се меша, па се додаваат бисквитите и се заедно убаво се меша, ако е подизладено најубаво е со рака. За кар се прават бомбици и се валкаат во шеќер кристал за да бидат уште полични. Ем ич немастрафлија, ем се превкусни и излегоа околу 40тина.
http://sezahrana.tumblr.com/post/105277035405/posna-torta-so-lesnici-i-koka-kola Тортава е превкусна! Има некои грешки во рецептот, јас на пример ставив по 70гр лешници и во пандишпанот и во филот. Мед не беше набројано во состојките, а пишува во објаснувањето, јас не ставив.
Роденденот на ќерками се паѓа во Велигденскиот пост, во сабота. Кумовите постат по цел пост, па би сакала да ми кажете некој посен рецепт, за солени работи. Некои испробани и брзи за подготовка, или нешто што може ден претходно да се подготви.
Ako ne ste znaele, za vreme na veligdenskite posti ne se jade riba. Riba moze da jadete samo na Blagovec.
