Посни јадења

дајте некој сајт или блог ако знаете со вегетаријански/посни рецепти ?

 

Еве и од мене неколку предлози за посни јадења што ги спремам.
Посна пица

Се замесува тесто со околу1/2кг брашно ,една коцка стасан квасец,сол,малку шеќер ивода.Кога тестото ќе стаса се прави кора за пица .Одозгора се става томатело,оригано,сусам растителен кашкавал,сецкани маслинки и печурки.се капнува и малку маслиново масло.Се пече во долниот дел од рерната за доле да фати кора а горе само да се растопи кашкавалот.

Макало
Се варат 10тина суви пипирки со 1 кг компири,потоа компирите се пасираат а пиперките се толчат во аван.Се мешаат ,се додава вегета бибер ,томатело и малку од водата во која се вареле.Одозгора се става исецкан праз и се попарува со врел зејтин.

Посна чорба без зејтин
Се ставаат во тенџере 3-4 компири,2 моркови и пашканат и се варат.Кога ќе омекнат се пасираат и се враќаат во тенџерето.Се додава зачин Ц-тој е само посен ,една рака ориз, малку грашок и малку палента за да се згусне чорбата.Накрај се додава и сецкан магдонос.

Посен колач
1чаша шекер,2 чаши брашно,1/2 чаша масло ,лажичка сода бикарбона,1ванилин шекер 4 лажици мармалад и 1 чаша млака вода се мешаат со лажица ,се додава малку суво грозје и сецкани ореви по желба.Се пече во намастено тавче.

Похован кашкавал
Растителен кашкавал се сече на стапчиња и се потопува во смеса направена од брашно,вода ,малку пиво и зачин.Смесата треба да биде погуста од тесто за палачинки.Потоа се вака во презла и се пржи.
На овој начин може да се похова и кромид односно да се направат onion rings.

 

нели маргаринот кристал и обичниот е мрсен?и пудинзите затоа што содржат екстракт од млеко во прав?

 

Kристал маргарин е посен (се добива од растително сонгочледово масло) а пудингот ако има траги од млеко е мрсен

 

Гледам на тв реклама за посна паштета,дали некој ја пробал?

 

Соини шницли и полнети печурки

Потребно е:
300 гр соини шницли
300 гр поголеми печурки свежи - најдобро е шампињони
1 чешне лук
1 главица кромид
магдонос
црвен пипер, бибер, сол
200 гр рендан растителен кашкавал
брашно измешано со црвен пипер и сол

Шницлите ставете ги во вода што вриела да омекнат 10 мин. Потоа исцедете ги убаво и истискајте ги да не остане вода во нив.
Настрана чешнето лук истолчете го во аван со малку сол. Секоја шницла измачкајте ја со лукче и извалкајте ја во брашното измешано со црвената пипер и сол.
Пржете во капка масло на тивко, за да добијат убава боја.
Печурките измијте ги обилно во вода, извадете ги дршките, но не ги фрлајте. Истите ситно исечкајте ги и пржете ги со главица кромид на тивко, додајте црвен пипер, бибер и магдоносот.
Наредете ги во тепсија со малку масло и наполнете ги со смесата од кромид и дршките. Одозгора ставете по малку од ренданиот растителен кашкавал и печете додека да се вцрват одозгора.
Супер комбинација е за посен ручек.

 

http://www.kulinar.mk/ - можеш да пребаруваш посни рецепти

 

Домашен зелник

Потребно: 1 кг. брашно, половина коцка квасец, 3 лаж. (мали) сол, 2 лаж. (мали) шеќер, 4 лаж. (големи) масло, 1 лаж. панко, топла вода за замесување. Фил: 500-700 гр. кромид, 50- 100 гр. соја (зависи од вкус), сол, масло, 1 лаж. црвен пипер. Друго: маргарин

Подготовка: Се замесува тестото, убаво се изработува да биде глатко, а потоа се остава да стои и да порасне. Од маргаринот се остава една малечка коцка (за премачкување на плеховите), а другиот дел се дели на 4 делови. Откако тестото ќе порасне се дели на четири делови и секој дел се расукува со оклагија и се премачкува со маргарин. Се сечи и се реди парче на парче (како за подготовка на лиснато), па се остава во ладилник да излади тестото (но не да замрзнува, а да може да се сучи), тоа е некаде 15 минути. Истото се прави со сите 4 делови.
За филот: Кромидот ситно се сецка и се пржи во масло, на крај се додава сол и црвен пипер. Сојата се става во врела вода, а потоа се цеди со рака и се додава во испржениот кромид.
Изладеното тесто се расукува во големина колку калапот во кој ќе печете, се става фил и на крај другата кора. Горе се премачкува со масло или растопен маргарин (што имате). Се пече 30 минути на 250 степени.




Преостанати слики.

Спојлер

 

Не знам дали мислиме на истата, ама ние вчера пробавме Аргета посна паштета, има вкус како туна да јадеш, не е лоша, добра е, што ќерка ми ја бендиса значи добра е.

Еве од мене една посна тирта
-6 јаболки рендани
-1 мало лаж. сода бикарбона-се додава на ренданите јаболки и тие се гмечат со раце
-1 чаша зејтин (250 гр. чаша за млеко и таа се употребува за мерење и на другите состојки за тортата)
-1 чаша сецкани ореви
-2 чаши шеќер
-2,5 чаши брашно
-Се` се меша, се истура во подмачкано тавче (плехче) и се пече отприлика 45 мин. на 250 степени.
Бон апетит

 

Посен гулаш со соја шницли

Потребно: 1 пак. соја шницли, 300 гр. маринирани ( или 500 гр. свежи) шампињони, 5-6 компири, 7 лаж. домашен ѓувеч (или за замена свежи домати, пиперки, кромид, морков...), 1 главица кромид, лук по вкус, масло, ловоров лист, сол, црн пипер, црвен пипер, вегета.
Подготовка: Соја шницилите се ставаат во врела вода во кој се додава дополнително (кромид, лук, ловоров лист и сол). Се остава да вари околу половина час, се со цел да им се земе мирисот на шницлите.
Во тава се пржи кромидот и се додаваат шампињоните (ако се свежи) и другиот зеленчук за ѓувеч (ако е свеж). Но ако не се свежи се пржи само кромидот. Компирите се лупат и се сецкаат на коцки. Сојата се остава да се цеди. Потоа се заедно се става во огноотпорен сад, шницлите, ѓувечот, шампињоните, лукот и се зачинува по вкус. Се додава вода колку да се покрие се и да се варат компирите. Се става во рерна околу половина до еден час, додека се сварат компирите.
Настрана се прави запршка и се додава во тавата.

Слика :



Посен сос од шампињони


Потребно: 500 мл. доматен сос (томатело), 500 гр. свежи шампињони, 2 главици кромид, лук по вкус, 1 лаж. сенф, оригано, босилек, сол, црн пипер, масло.

Подготовка: Шампињоните се сецкаат на листови. Кромидот ситно се сецка и се додава во шампињоните. Заедно се динста со малку масло. Потоа му се додава доматниот сос, сенфот, зачините. Се заедно се динста околу 20-30 минути.


Слика :



Само што на оваа слика шампињоните се ситно сецкани, а треба да бидат поголеми.

 

Посна руска салата

Потребно: 1 кг. компири, 300 гр. моркови, 300 гр. грашок, 300 гр. пченка... посен мајонез по вкус (од Ким

Спојлер

,

и со сигурност е посен , зашто разговарав со претставник од фирмата), сол, масло, лимонов сок.

Подготовка: Компирите се ставаат да се варат. Половина од нив додека се врели се пасираат како пире, а другата половина се сецкаат на коцкички. Морковите исто се варат и се сецкаат на коцкички. Исто и грашокот и пченката, ако не се варени се ставаат да се варат.
Во пирето од компири се додава мајонезот и убаво се меша. Потоа му се додава се преостанато. Се меша и зачинува по вкус.
Може да се додаде и туна.

Слика :





Посна пита со праз


Потребно и подготовка: Еден страк праз, ситно се сецка и се пржи. Потоа 3 филџ. вода, 1 лаж. шеќер, 1 филџ. брашно, 1 коцка квасец. Се заедно се меша и се остава да стои 10 минути.
Потоа му се додава уште 6 филџ. брашно, 1 филџ. масло, 1 лаж. јадра сол, пржениот праз. Се ова ќе дојде многу водено и затоа се меша со лажица. Смесата се става со лажица во намрсен калап бр. 30 и се остава да кисне додека ја дуплира големината. Се пече.
На крај ќе добиете една убава солена торта што е мека како сунгер.

Слика :



Комбинација со посна руска салата.

 

Не знам на каква мислиш, ама јас имам јадено паштета од буковка. Мека е и вкусна, не сум љубител на паштети, ама ми се допадна.

 

Јас кога постев јадев паштета од туна на Аргета, во комбинација со маслинки поубаво посно нешто нема Инаку оваа поснава новава ја немам пробано, ама сигурно е убава, сите на Аргета се убави

 

Посни плескавици од соја

Потребно: 200 гр. соја трошки, 5-6 компири, 2 лаж. брашно, 1 главица кромид, лук, буковка, сол, вегета, црн пипер, црвен пипер, масло.

Подготовка: Сојата се става во врела вода да набубри. Потоа се цеди со рака за да не биде премногу водена. Компирите се ставаат да се варат и додека се топли се пасираат како пире. Кромидот ситно се сецка, а исто и лукот. Во еден подлабок сад се заедно се меси со рака, воедно додавајќи се преостанато, за да се добие хомогена смеса. Од смесата се прават плескавиците и се валкаат во царевно брашно (со него не се препржуваат и добиваат убава боја), па се пржат во загреано масло.

Слика :

 

дали растителниот кашкавал е посен ? Ако е посен може ли во руската посна салата ?

 

Една блиска личност која ова и е професија и секојдневна работа, јасно кажа дека кашкавалот е мрсен.


Посни пица ролни

Потребно: 1, 5 кг. меко брашно, 4 лаж. сол, 2 лаж. шеќер, 1 кес. панко, половина коцка квасец, 100 мл. масло, околу 700 мл. млака вода (зависи и од брашното), 1 маргарин кристал, кечап, оригано, 300 гр. маринирани печурки, 2 конз. туна (може и без туна).

Подготовка: Се замесува тестото (брашно, квасец, сол, шеќер, панко, масло, вода) и се остава да нарасне 15-20 минути. Потоа се дели на два еднакви делови и се расукува со оклагија. Маргаринот се дели на 2 дела. Се развлекува кора си се премачкува со маргаринот, се сече и се поклопува парче врз парче (постапка за лиснато). Па се става во ладилник 15 минути. Повторно се сучи со оклагија и се става од филот (прво кечап, оригано, шампињони, туна) и се витка како ролат. Се сечат парчиња од 1 цм и веднаш се ставаат да се замрзнат и да не се рашират. Така замрзнати се ставаат во загреана рерна и се печат.

Слика :

 

Ако е мрсен тогаш задолжително би требало да пишува на амбалажата.

 

Не навлегувам во тоа дали растителниот кашкавал е посен или мрсен, исто и за мајонезот, ама знам дека нутрционистите не ги препорачуваат зашто биле штетни за организмот, па ако можете одбегнувајте ги.

 

Има посна паштета оид Неопланта од риба е

 

и дали некој знае капучиното што го пијам од Голд на амбалажата пишува дека во него има посно млеко во прав, кој знае дали навистина е така?