Пишете некој интересен сос за шпагети. Јас правев неколку, но сакам да пробам нешто ново. Пишете некој што веќе сте го пробале и е вкусен :roll:
овој сигурно го знаеш ама мене ми се допаѓа запржи сецкани шампињони, откако убаво ќе заруменат, додај брашно, пропржи уште малку па додади млеко (сол и зачинки по вкус) пиши некој од тие што си ги пробала
Најпрвин потпржуваш мелено месо со малку кромид и вагета и откако ќе биде готово додади кечап или може и рендан патлиџан и остави го тоа уште малце да динска.После само додади го на претходно сварените шпагети Пробај па можеш да ми пишеш како ти се допаѓа. Поздравче
Јас најчесто зимам од готовите сосови во тегла и ги додавам во испржено мелено месо, во нив си има зачини и вкусни се. Или пак ако немам пржам месо, додавам патлиџан, или полесно, доматно пире, претходно може кромид па и некое лукче ако јадете плус зачини и толку. Поздрав
На маслиново масло се пропржува еден кромид и пола главичка лук-сецкани. Се додава сецкана сланина по желба од 200-300гр. Се варат шпагетите (пола од 500 гр.) и откако ќе се процедат се враќаат во тенџерето во кое се вареле и им се додаваат две јајца изматени со малку бибер. Откако јајцето и шпагетите ќе се соединат,се додава испржената сланина(цело тавче) и се промешува. Оди добро со црвено вино. БОН АПЕТИТ! Иначе рецептот го кажуваше Том Круз во Опра шоу. Пробан ми е и многу е вкусен,а многу бргу се прави. Поз.
Рецепти за сосови еден куп ама најдобар е кога ќе си направиш гулаш па со шпагети мммммммм немам зборови
Сланина сецкана на парчиња малку се пропржува,после се цеди зејтинот само сосема малце да остане на тавчето.После тоа се додаваат печурки, малце да се пропржат и на крај се додава БЛАГА хопла (ама ке ја посолиш со вегета или сол и ќе ставиш кари и оригано малце) Се пржи се заедно десетина минути додека не стане густа хоплата.Се јаде со макарони,вкусот е прекрасен не се осеќа дека хоплата е блага.Пробајте
Си го направив вчера, и супер ми дојде: Мала главица кромид и едно чешне лук ситно сецкани се пржат на тивко, да омекнат сосема. Кога ќе бидат испржени, се додава една мала конзерва туна и се меша. Се додава сос од домати (може Томатело, за да биде потечно), пола лажичка сенф и неколку ситно исечкани маслинки. Се меша да стане густо, се зачинува со сол, бибер и малку оригано. Јас си ставив и кари, но ако не сакате мешавина од зачини, останете на провереното оригано. Кога ќе се искрчка добро сосот, се полева врз шпагетите. Ептен е вкусно.
Се зема пола литар неутрална хопла , се додава 1-2 чаши вода , се загрева. Се додава 2 кеси ,,Фант болоњезе сос“ се вари колку да се згусни. Се прелева преку варени тестенини (за овој рецепт јас користам машнички) . Одозгора се става 2-3 виршли сечени на тркалца. Се става да се потпечи. Пред вадење се посипува со рендан кашкавал . Се враќа уште малку во рерна. Многу е вкусно, зачините од ,,Фант болоњезе сос“ му даваат посебен вкус на ова јадење.
Јас правам обично едноставен сос со зеленчуци... На маслинов зејтин ставам сецкан кромид, додавам, печурки, пиперка, и на крај патлиџан... Патлиџанот кога имам повеќе време го потпекувам во рерна и после го лупам и го ставам во сосот. Многу брз едноставен и лесен, а што е најважно вкусен сос....
Eve vi domasen recept za bolonjeze sos za spageti. Zemate 2-3 glavici kromid i 2-3 morkova, kromidot go seckate mnogu sitno a morkovot go izrendate na rende na najsitnata strana, polijte so voda da ja pokrie celata smesa i malku povekje voda od smesata. Seto toa se vari na tivok ogan dodeka ne ispari celata voda. Pred da ispari celata voda dodavate 400-500gr meleno meso i malku zejtin (puter...) i go przite dodeka ne ispari celata voda i se isprzi mesoto. Pred da se isprzi mesoto dodadete sol, vegeta...zacini po zelba i kecap okolu 200-300gr zavisi po zelba.Seto toa dobro go isprzite. Spagetite gi samo svarete i izmijte so ladna voda, ne gi prevaruvajte da ne bidat tolku meki i posipete so sosot. Vo sosot po zelba moze da se dodade i 2-3 lukcinja iseckani sitno ili drugi zacini po zelba, nekoi stavaat origano, no prvicnata ideja e taa i e fantasticen ke vi se dopadne
Прочитав се и тотално утнување-можно ли е толку нездрави продукти да конзумирате, само прженици и тоа месишта, грозно. Храната динстајте ја секогаш со малку вода, поклопено тавче на тивок оган. сланина и такви причинители за болести се оут, покрај овој турбо ацтион, стресен начин на живот.
Доволно е да издинстате печурки, не додавате вода во нив,зашто како знаете тие самите пуштаат значителна количина од нив самите, значи сосема малку-може и на крајот одкако течноста ќе испари, попрскувате маслиново масло или масло по желба и еден испасиран лупен домат, се зачинува по желба и тоа е тоа-здраво и вкусно. задолжително сецкано лукче на крајот, повторно по желба на конзументот...
вака:ставате маслиново масло или масло за готвење,откако ќе се загрее се истура сос од домати или може замена кечап..(може претходно и сецкани домати малку заедно со сосот)..се пропржува малку па се додава лукче сецкано,може чили или ако сакате сецкана лута пиперка..бибер,сол..тоа се се пропржува..колку малку да згусне сосот и на крај босилек..ова најмногу оди со шпагети..а може и со макарони или др тестенини кој си сака..за да биде јадењето до крај целосно вкусно, со ова јадење оди и чаша црно вино
Да, одличен е. Што се однесува до здравиот начин на живот, не верувам дека некој ги јаде секој ден. Така да еднаш во неделата сите можат да си дозволат каков сос сакаат, макар бил и со сланина. Мое мислење. Животот е за уживање и нема да трае 150 години, а да се разбереме - тие прженици се далеку повкусни од секакви блуткави, безлични, безвкусни додатоци и јадења. Колку години од животот може да ти одземе сосот за шпагети како нездрав додаток? Јас сум подготвена да ризикувам признавам гурман сум, сакам зачинето, сакам убава храна. Скоро сите сосови ми се допаднаа, ќе ги пробам сите, до еден
Јас многу го сакам овој сос кој често го правам и многу е едноставен и вкусен. Се пржи еден кромид,потоа му се додава лук,па печурки се тоа се пржи заедно и на крај кечап(пикантно лут) и се меша додека да се згусне.Јас ставам и оригано за мирис
Потребни состојки: малку Црн пипер 500 грама Тиквичка малку Сол 50 грама Печурки 1 Мешан зачин 75 милилитри Маслиново масло 2 чешниња Лук 100 грама Домат 1 Главица лук 300 грама Шпагети Време за подготовка: 15 мин. Време за готвење: 20 мин. За сосот од тиквички, излупете и тенко исецкајте ги лукот и кромидот, а тиквичките исецкајте ги на долгнавести парчиња. Остатокот масло загрејте го во тава за пржење, додадете го лукот, кромидот и тиквичките, па динстајте околу 3 минути, повремено мешајќи. Додадете ги зачинските билки и динстајте на тивок оган уште 1 минута, па додадете ги печурките, солта и црниот пипер. Доматите исецкајте ги на ситни парченца и додадете ги во тавата. Кратко загрејте, повремено мешајќи. На топлите шпагети ставете им го сосот од тиквички и послужете. Доста вкусно ми изгледа ова.