ТЕМА: Класична или модерна свадба

[Ulata]

Значи дали сакате класична свадба си сите оние адети шо ги носи таа свадба или модерна во некој кафич со блиски пријатели

[Anely]

Класична...во ресторан, гости, народна музика, играње, адети и тн и тн ...од мала сум сакала таква!!!

[Name]

Дефинитивно класична..

[Plavusa.17]

Класична се знае, за искачање со блиски пријатели во дискотеки, кафичи можеме кога сакаме, свадбата е еднаш и тој ден сметам дека треба да помине со сите обичаи, зошто да не малку необично да биде, а не како обично излагање. Знам свадба имаше во Колосеум и ич не ми се свиѓа тој начин на славење. Сите по сепариња, дискотека некои на нозе и крш само за помлади а каде се роднините и постарите?! Никој со никого не може да се види треба да помине во темница стотици луѓе за да помине до некој близок, лом на се личи само на свадба не личи. Или ко ќе слушнам рок или метал свадба. Па добро, разбирам музичко определување во еден правец, ама до толку да се облечат младоженците рок или метал и да направат свадба исклучително со таква музика? Па може роднините не сакаат да седат на таква свадба, особено постари и многу е незгодно, а треба да се чувствуваат убаво, да се веселат затоа дошле. Додека на класичната свадба народно и забавно и за постарите и за помладите. Така да, иако ми е далеку, кога ќе се мажам ќе биде класична, со вметнат елемент од модерната свадба, а тоа е забавната музика да разбие монотонија, и потоа пак народно и чочеци.

[Bibko]

Класичната е 10 пати помодерна од модерната
Гласам за класична!!!

[WhiteAngel]

Класична свадба со сите адети, обичаи, народна музика, многу гости и се така по ред. Далеку ми е мажачката што би се рекло, ама сепак не сум за таа „модерна“ свадба. Ќе седнеш во дискотека или кафич 200, 300 луѓе од сите возрасти и која музика ќе се пушта: народна, забавна, рок, метал или каква? Баба ми од 70 и кусур години која денски не седнала на кафе во кафич тој ден зашто сака да биде со внуката или внукот мора да слуша некои за неа неартикулирани звуци?! Е не. Се знае свадба каква е: ресторан со простор за играње, место за секој нормално да седне, светло да може секој со секого да се види, музика за сечиј вкус и сите наши адети исполнети. Се сложувам бендот кој ќе се најми да засвири и забавна музика за помладата генерација гости, да се „поденса“, вовче ова она, но народната да не биде изоставена. Тоа е мое мислење и не мора секој да го прифати, сепак јас се одлучувам за класична свадба!

[Fearless]

Модерна!
На крај краева мој ден ке биде, а дека нешто посебно среќна ке бидам ора да вртам со прабабаму на идниот ми маж не верувам, или да се плашам цело време кој ке се испијани и ке се ака од земја после, или степа со некој.
Не ми се бендисува некако концептот, можеби некои адети би прифатила, но би сакала малку гости да имам, преубави секакви јаденња пиења и десерти, убава музика можеби џез, онака културно и елегантно, и јас убаво да си поминам. Не знам тоа колку е изводливо кај нас, но јас доколку би бирала така би било. Да бидеме реални, традиционалнмите свадби повеќе се прават за кеф на другите, на домашните, и за да можат да ги поканат сите од работа, и сите роднини до 10то колено да се покажат демек леле еве свадба направивме, и да земам и да се веселам со некои луѓе кои ни ме знат, ни јас ги знам. После имаш година до две гледање на свадбата континуирано со кој и да дојде, и тоа е. Не гледам поента едноставно. Знам дека кога ке дојде време никој нема да ми ја поддржи идејата, али ке си држам до моето.

[MissCupcake]

Во ресторан со музика,но сепак модерно. Не значи модерна свадба ако направиш во кафич само...

Нешто поедноставно,но сепак елегантно и забавна музика.

[crazyinlove19]

Повеќе би сакала класична, во ресторан со народна музика и многу чочеци, многу играње , секако да има и забавна музика, за секого по нешто. Сепак не ми се допаѓа идејата за свадба во кафич или дискотека, некако не можам да го разберам тој начин на славење, не ми се допаѓа. И секако би сакала да имам и повеќе гости.

[Vesna25]

Мојата ке биде за брзо Класична свадба со 500 гости,со венчавка во црква и со сите адети македонски