Годинава изгледа сигурно ќе има екстерни...или пак така велат за да седнеме и да учиме нон-стоп...не знам. Ама кој си учи си учи и плашење не треба многу!
Велат дека ќе има ама тотално сум против. Не е за учењето, не ми е тешко да седнам да научам, ама не можат они врз основа на две страни тест да ми го оценат знаењето. Претерано многу е тоа, не за џабе материјалот се дели на делови. А и плус, ако има екстерни најверојатно ќе бидат некаде околу мај. И ајде сега нека ми објасни нашиот ценет министер за образование како јас ќе учам цела книга и плус ќе поправам уште други 14 предмети ?! Ништо, за ова една голема НУЛА.
Значи екстерните, конкретно за матурантите ќе бидат најкасно до крајот на февруари и ќе се полага само еден предмет. Плус материјалот што ќе го полагаме ќе биде само од првото полугодие, така што не гледам никаков простор за бунење, штрајк и слични а у глупоштарии. И јас би била против екстерните, меѓутоа доколку би го полагале годишниот материјал, на повеќе премети, а вака ука бука за ништо - нејќум. А тоа што оценката од екстерното тестирање ќе ја дооформува онаа конечната, па нека! Конечно ќе видиме кој е кој и чие знаење тежи повеќе, па ќе видиме дали оние што се чукаат во гради за просекот 5.00 си го заслужиле или не. Место за трема не гледам - доколку полагаш македонски да кажеме, си имал 5 на полугодие и си го знаеш материјалот - нема место за страв, едно добро повторување и на коњот си.
Значи многу го отупеа со екстрениве. Еден ден викаат има, друг нема да има. Ни они не знаат веќе. Според мене многу глупава работа е. Ти учиш и вложуваш труд во текот на целата година, активен си, професорот ја забележува секоја твоја активност за на крај да те тестираат за целиот материјал, на кој за жал може да направиш утка и да падне во вода трудот од целата година. Оцената ќе ти се намали а и професорот страда. Три во едно Од друга страна разбирливо ми е зошто сакаат да се спроведе ова тестирање. Сите знаеме дека постојат оние врскаџии кои добиваат незаслужени оцени, но факт е дека секогаш ќе ги има..
Кај мене проф. по македонски рече македонски ќе полагаме и кажа на кои теми. Ми одговара до некаде, ако е само 1 предмет како што прочитав погоре. Повеќе би ми одговарало англиски, ама ај.
Оваа година екстерните тестови за матурантите ќе бидат во втората половина на декември. http://dic.edu.mk/mk/za-nas/item/59-formular
Класната моја рече (колку што ја сфатив) дека екстерните ќе бидат на почетокот од второ полугодие, да го завршиме прво цел материјал, тинтири минтири, па после екстерното. Значи, на пола книга ќе не тестираат. Не дека е нешто страшно екстерниве, но претеруваат. Годинава и матура, и екстерни. Добро е што барем направија на пола книга, инаку прв пат кога закажаа екстерни бев на цела книга, македонски и ХЕМИЈА а хемија тапа џонсон бев. Добро е што откажаа.
И кај мене рекоа за матуранти крај на јануари, евентуално почеток на февруари. Нормално, логично е да можеш распустот да учиш. И класната рече на родителска дека уште не е сигурно, паднал предлогот на Уставен, но Владата упорна, па ќе видиме. Иако верувам дека ќе имаме.
Е многу убаво, ние матурантите си налепивме годинава- и екстерни и државна матура . Нас ни кажаа дека екстерни ќе се полагаат во декевмри, некаде кон крајот на месецот, е сега незнам колку предмети, најверојатно два, барем така ни кажаа на училиште, од кои македонски е задолжителен, а другиот не знам како ќе се избира, дали по класови со влечење на ливчиња
Матурантите ќе прават екстерни тестови до крајот на февруари и тоа само по македонски и англиски јазик. Па супер што само по овие 2 предмети ќе правеме, зашто и така ни требаат за матура.
Во секое училиште различно кажуваат, некаде па не ни им спомнуваат. Нас ни рекоа дека ќе полагаме на 26, 27, 28, 29 декември, 4 предмети и тоа по еден секој ден, тестирањето ќе трае 60 минути. Тестовите ќе бидат со прашања за заокружување, дополнување и целосно одговарање. Предметите не ги знаеме.
Мислам дека ќе падне планов пред Уставен Суд. Што не го бива, не го бива. Ако веќе одлучиле на крај годишен тест да прават, нека не не тормозат во текот на годината со испрашување на секој втор час.
^ Се сложувам со тебе. Јас разбрав дека матурантите ќе ги тестирале во декември, а нас средношколците во мај.. Ништо нема да постигнат со ова досадно тестирање.
^Да, ние во декември. Барем февруари да беше како што викаа, да го имавме распустов. И барем да не се повеќе од 2 предмети меѓу кои и македонски да биде како што кажуваше професорката кај нас, и да одат само во дневник. Море, да кажат барем што побрзо КОИ ПРЕДМЕТИ! Среќа што ќе не тестираат на материјалот до пола, не на цела година, е уште тоа фалеше. Иако јас мислам дека постои добар процент екстерниве да пропаднат како и досега
Нас ни кажаа дека уште по 2 предмети ќе сме правиле, всушност, дали од тие 4 еден ќе одберат или сите 4 не се ни кажале. Ама, мислам дека е многу тоа, македонски, англиски, бизнис и граѓанско, а јас незнам ни зошто воопшто ги учиме овие последниве 2.
Датумите се знаат уште од пред недела-две, 26, 27, 28 и 29 декември, ама само за матурантите. За другите не знам. Дај Боже да нема за нас.
Значи ќе полагаме на од 26-29 декември по 4 предмети Во мојот град на сите средни училишта веќе им кажаа кои предмети ќе ги полагаат, само ние уште ништо не знаеме, како и секогаш, последни за се сме
Во гимназија еве конкретно за мојов смер во 4та имаме 11 предмети од кои спорт отпаѓа, значи 10 од кои 4 изборни, што и тие отпаѓаат зошто нели цел клас прави екстерно веројатно ќе биде на заедничките предмети не верувам јас да полагам економија, друг програмски јазици, трет драма итн. Има 6 предмети на располагање: македонски, англиски, германски, математика, бизнис и претприемништво и филозофија. Хмммм...
По некоја логика моја, македонски би требало сите да полагаме, како задолжителен предмет. А за останатите не знам стварно ....