Нели покусо да не останам да го пофалам рецептот на Аnnath оној првиот, најпрвиот. Вчера решена јас кифлички ќе правам, за прв пат во мојот живот. Дозата ја преполовив и тоа буквално, нели вика 3 јајца, епа ја едно и пол ставив, едно цело а другото го разматив и пола ставив. Среќа цимерката не беше дома да ме гледа како се глупирам, ама успешно беше се. Искрено, бев изненадена колку просто се прават, а колку многу излегуваат. На мајка ми кога и кажав почна да ми се крсти и сега ме чекаат дома кифли да им правам. Само уште да сфатам како се виткаат убаво кифлите, јас импровизирав со моиве ама ќе одам на часови кај баба ми. Се на се, одличен рецепт, препорачувам.
Ете и од мене едни кифлички кои што навистина се вкусни Солени перничиња Состојки тесто 500 гр брашно 3 варени компири 2 жолчки 1 кесичка сув квасец 150 мл млеко 1 лажица сол фил 200 гр салама 3 лажици павлака за премачкување 2 белки Подготовка Во сад ги ставаме млекото, жолчките, квасецот, сол, компирите изрендани и брашното и замесуваме тесто. Се остава да стаса потоа се премесува и се остава малку да одмори. Се сука кора и се сече на коцки. На секоја коцка се става од филот и се витка како ролна. Се редат во подмачкана тепсија и се премачкуваат со белка и се поросуваат со сусам. Ги оставаме 5 минути и потоа ги печеме во загреана релна на 200 степени додека да поруменат. Кога ќе ги извадиме од релна ги премачкуваме со путер или маргарин.
Посни кифлички, ПРЕУБАВИ, кој не ми верува нека повели утре на слава кај мене да ги проба 500гр. брашно 1 квасец растопен во млака вода, со малце сол, шеќер и брашно 1,5 лажичка сол 3 лажици шеќер 250-300гр варени и блендирани моркови 150мл масло млака вода по потреба Се меси тесто (да не се лепи на раце ама да е меко ко за лепче) од се` погоре наведено, и се дели на 2 дела, па секој дел на уште 4. Се отвара мала кора од секое делче, се мачка со маргарин одозгора и така се редат сите 4 едно над друго, со маргарин измеѓу нив. Се отвара кора со дебелина од пола сантиметар, се сечат шеснаестинки и се вртат кифличките. Истово се повторува и со другата половина. Кога се готови, се редат во плех (скоро повеќе од 1 плех ќе фати) и одозгора се мачкаат со сенф помешан со вода, се наросуваат со сусам и се оставаат да надојдат 1 саат точно. Се печат во загреана рерна на 180-200 степени. Супер погодни за деца, а и ги обожаваат! Добар апетит
Немав време да пишам кога ставив like на постов, ама слободно си можела две јајца да ставиш, што ќе ги делиш
Се извинувам за пост врз пост, ама мислам дека нема тема за рецепти за бели пецива, па тука ќе го пишам овој рецепт. Како кифла му доаѓа, па може да се пише и тука. ПОЧА Две шолји брашно половина лажица сол лажица сув квасец или половина свеж квасец четвртина шолја маслиново масло четвртина шолја омекнат путер четвртина шолја јогурт белка од јајце половина шолја издробено фета сирење грст свежи зачини - магдонос, мајчина душица, копар - може и сушени. Во длабок сад се мешаат брашното, солта и квасецот. Се додава путерот, белката, јогуртот и маслото. Се меси меко тесто. Сирењето се дроби со вилушка и се меша со зачините и една лажица јогурт. Може да се додаде и црн пипер или лути пиперчиња по желба. Од тестото се прават топчиња. Едно топче се сука (да добие овална форма), со нож се прават два засеци на едната страна, се става сирење на другата страна и се преклопува така што засеците ќе дојдат од горната страна (се надевам ме разбравте ). Се мачкаат со јајце, се печат на 200 степени, околу 15-20 минути. Повкусни се после ден-два, проверено. Ако не јадете риба, не ставајте копар во сирењето
Стратешки тоа, со половината јајце се премачкуваат одозгора. А да ги дофалам, јас бидејќи направив доста повеќето ги замрзнав. Неделава цело време бев на предавање и сабајлечки ги одмрзнував во рерна, па со мене за ручек. Леле колку се убави, како тазе да се од печење извадени. Планирам деновив уште една доза да направам, од правата уште 3 има.
Кулинарски прашања, совети и брзи идеи Aј дајте некои лесни и интересни фори за правење кифлички, мислам на формата, рецептот на векот веќе Aнат го откри
Кулинарски прашања, совети и брзи идеи Аууу не ми се верува, имало некој што мисли на истите работи како мене
Овие кифлички денеска прв пат ги направивме и се највкусните што до сега сум ги пробала 2квасеци 3 филџани масло 3 лажици сол 3 лажици шеќер 3 белки од јајца,жолчките се делат за премачкување од озгора шоља и пол млеко 1килограм брашно Маргарин Сето ова се меси убаво се додека не се добие убава смеса.Се дели на 8 дела ,секој дел се сука како кора и се сечат 8 малечки парчиња.Во секое парче по желба може да се става сиренце или нешто друго и се витка во форма на полжавче.Кифлињата се премачкуваат одозгора со жолчката и се ренда маргарин врз нив.Се печат на температура од 200 степени.
Да си жива и здрава Аnnath за првиот рецепт за кифлички.Денеска ги направив и беа многу вкусни и меки,само од кога се изладија не беа толку меки.Не знам што би можело да биде,можеби се препечени
За да ви бидат меки кифлиците тестото треба два пати да ви стаса. И после кифлиците уште малку така наредени во плехот да стасаат ... ќе бидат меки и после ден, два, три ...
Да, треба да се киснат, пожелно е. Ама некогаш и до квасецот е. Јас обично користам свеж квасец, го купував овој на Зико. Ама во последно време кога и да правам нешто со овој квасец, не ми киснат ко што треба, па си купив квасец на Ди-Го (свеж, коцка) и подобро е Со квасец во прав не сум правела, немам искуство.
А дали млекото треба да биде топло или нема врска?Оти мајка ми вели дека кога ги раздробуваш квасците во млекото,тоа треба да биде топло и да месеш побрзо да не се излади тестото за да ти стаса.Дали е точно?
Пожелно е да е барем млако, да кисне квасецот побрзо. А тестото не мора да е топло, ќе го ставиш на топло, веднаш ќе нарасне
Имате прекрасни рецепти за кифли. Јас немам некој посебен кој би го напишала. Само би ви повторила нешто кое го знаете. Но можам да ви дадам еден совет кој јас го практикувам : го оставам тестото да одстои 1 час и потоа го умесувам уште еднаш,го покривам со најлонска кеса и го оставам уште еден час. А размесените кифли ги покривам со најлонска фолија или неколку кеси зависно што имам при рака и пред печење ги оставам да одстојат 1 час. После ова секогаш имам премеки кифли. И имам слушнато дека ако во тестото се ставаат јајца кифлите побрзо ќе се стврднуваат.
Посни кифли За подготовка на овие посни кифлички потребно е околу 1 кгр брашно, пола литар топла вода(пола минерална, пола обична), една чаша од 2 дл масло, 2-3 лажичиња шеќер, 1 лажица сол, 1 коцка квасец (40 гр), 1 маргарин "кристал". Во пола чаша топла вода и 1 лажичка шеќер се става квасецот и 3-4 лажичиња брашно да надојде.Се промешува и пак се остава да надојде. Се замесува средно меко тесто од брашното,маслото, водата, останатите состојки и надојдениот квасец. Се остава на топло да одмара и при тоа неколку пати се премесува. Се дели на 4 дела. Секој дел се дели на по 8 топчиња, се сучат катмерчиња и се премачкуваат (7) со маргарин, осмото се става одозгора, се притиска малку и се става настрана, постапката се повторува со остнатите точиња. Се развлекува кора од осумте катмерчиња поголема и се дели на 16 дела. Се виткаат кифлички, се редат во плек за печење премачкан со малку маргарин. Се оставаат да надојдат убаво покриени со платнена салфета, но не на многу топло, за да не се стопи маргаринот. Бидејќи се посни не се премачкуваат со ништо,се ставаат во загреана рерна (250 степ.), а по некое време се намалува температурата и убаво се печат.Од оваа количина излегуваат два плека кифлички, кои по желба можат и да се смрзнат. Меки излегуваат
Мајка ми го гледала на тв оној на канал 5 мислам беше што прави јадења, правел кифли и откако ја расукал кората ја премачкал со маргарин па после ги мотал кифлите. НИ СЛУЧАЈНО ДА НЕ СЕ ЛАЖЕТЕ ВАКА ДА ГИ ПРАВИТЕ. Откако ќе се испечат, да, убави се и меки, ама утредента ептен се ронат и тврди се, башка тоа на мајка ми и испукаа одозгора. Ептен се изнервира жената.