Letni pindzuri Еве ти наједноставен Печеш пиперки, ги лупиш, ги сецкаш на парчиња и ги пржиш на зејтин околу 10 мин. Потоа додаваш патлиџан, лупен и сецкан на поситни парченца (јас имам блендер па го блендирам да добијам нешто како салца). Го додаваш кај пиперот, ставаш сол по вкус и пржиш додека да подиспари течноста (уствари се пржи онолку колку што сакаш да биде течен пинџурот). Количината на пипер и патлиџан е по вкус, мене ми е повкусно со повеќе патлиџан.
Letni pindzuri Не мора да го печеш прво, можеш директно така исецкан да го ставеш да се прже, за после патлиџаните да ги ставеш. Пред да го тргнеш стави му исецкан лук. Повкусно и полетно од ова нема.
Може и вака: печени пиперки, се лупат, се сечкаат и се толчат. И тука може лук да се стави. Потоа ставаш 1-2 патлиџани (зависи дали сакаш повеќе на пиперки да биде или на патлиџани) кои претходно се излупени и на коцки исечкани и нив ги толчиш со пиперките, посолуваш и тоа е тоа. Ова е повеќе како макало за со топол леб или како салата, додаток со јадење. А да, додаваш и зејтинче, како за салата.
Мене овој ми е најубав: Ги сечкаш пишеките и ги ставаш на се пржат, за тоа време ги лупеш патлиџаните (тие што се помеки обично ние ги ставаме) и кога ќе почне да поцрнува пипетор ги ставаме патлиџаните и се пржи таму незнам точно колку време, но кога ќе мислиш дека е готово го тргаш, посолуваш и со лепче да го макаш мх,мх.
Се исецкуват неколку патлиџани и 5-6 главици кромид, прво се упржува кромидот да омекне, потоа се додава патлиџанот може и повеке патлиџан и малку вода се додава ,се осолува и се остава на тивко да се крчка ,кога половина од течноста ке испари се става една лажичка шекер, и една рака фиде се докрчкува додека фидето да омекне ,превкусно кога се мака со меко лепче прсти да изедеш Испечете во рерна зелени пиперќи и зелени патлиџани , се лупат и се толчат се осолуваат се додава сецкано лукче и се попарува со врел зејтин мераци со топло печено лепче и додаток сиренце Испржете една главица кромид и додате исецкана лобода се упржува убаво се осолува и се додава грав може варен па исцеден а може и од конзерва исцеден исплакнен од неговата течност се заедно се упржува уште малку и се трга превкусно
Најубавото летно јадење, дефинитивно!!! Јас правам пинџут по традиционален македонски рецепт - нема наведено количини, од се се става по желба на конзументите!!! Се печат пиперки (благи, лути - по желба) и модар патлиџан (1-2), се лупат. Во поголем сад се толчи лукче со една лажичка сол. Се додава излупениот модар патлиџан и убаво се толчи да се добие хомогена смеса. Се додаваат излупените и исецкани пиперки и малку се згмечуваат со толчникот. Се додава излупен и ситно исецкан домат (2-3). Се досолува по вкус и се посипува со добро загреан зејтин. Се промешува и се ужива во вкусот - најдобро со топло лепче и сирење!!!
Јас го правам слично како Val-Dim. Пиперките и модрите домати ги мијам, бришам и редам во тава на хартија за печење и ги ставам во рерна. Откако ќе се испечат ги ставам во ќеса да се оладат малку, ги лупам и толчам. Црвените домати ги попарувам со врела вода и лупам, ги пропржувам најпрво нив и после ги додавам пиперките и модрите домати и оставам убаво да се згусне. На крај додавам малку толчено лукче , сечкан магданос и сол.
Летен“ пинџур за 4 сезони Потребни состојки 2 кг зелени пиперки 1 кг домати 1 модар патлиџан (поголем) 3-4 чешниња лук масло за готвење малку сол Начин на подготовка 1.Пиперките се печат, се ставаат во пластична кеса и откако малку ќе се оладат се лупат и им се вадат семките. Во кесата тие се задушуваат и полесно се лупат. Доколку одберете темно зелени пиперки тогаш пинџурот ќе биде малку потемен. 2.Доматите се попаруваат со врела вода, се оставаат 2-3 минути да постојат во водата и пото лесно се лупат. Се сечкаат на не многу ситни парчиња, се сместуваат во тенџере, се ставаат на оган и се пржат додека течноста скоро исчезне но не смее да се со дозволи да се испари целата течност 3.Модриот патлиџан се пече на силен оган и се сече на парчиња. 4.Излупените пиперки, испрчениот домат и испечениот црн патлиџан се ставаат во блендер и се блендираат додека се иситни целата смеса, но не смее таа да изгледа како каша, треба да се забележуваат мали парчиња од пиперките. 5.Со вака добиената смеса може да се постапи на два начина: 1. Еден дел може да се смести во соодветен сад и да се смрзне, за зима или рана пролет, или кога ќе биде потребен, 2. Може да се спреми за јадење. Во тој дел се додава изгмечен лук, сол и масло според вкусот. Маслото може да се загрее, но и не мора (вака е поздраво). Добро се меша со дрвена лажица и уште така топол може да се консумира. 6.Напомена: Доколку сте љубител на лут пинџур, тогаш може да се испече и некоја лута пиперка или едноставно на крај да се додаде лут буковец. Пинџур од суви пиперки и компири Потребни состојки 15-20 суви пиперки 1 кг компири 1/2 праз (ситно исечкан) 1 дл масло за јадење сол (по вкус) Начин на подготовка 1.Во длабок сад за варење на дното поставете ги убаво измиените суви пиперки. Врз нив наредете ги убаво измиените компири (со лушпата). Сварете ги на тивок оган. 2.Извадете ги компирите од врелата вода за малку да се подоладат (за полесно да ги излупите). На пиперките извадете им ги дршките, исечкајте ги ситно и заедно со празот ставете ги во сад за толчење. 3.Излупете ги и компирите и додајте ги кај пиперките и празот. Посолете малку и убаво истолчете ја смесата. Ако е потребно, досолете. 4.Загрејте го маслото за јадење за кога ќе го додавате во смесата да чврчори. Убаво промешајте и уживајте. Пинџур 1.Пиперките, доматите и модриот патлиџани во рерна се печат. Кога ќе се испечат треба да се излупат, па потоа да се сомелат на машина за мелење месо. 2. Ги додавате орасите, сецканиот магдонос, лук и сол(по вкус) 3.На крај зејтинот се загрева добро и се прелива.