Омилени продукти на месецот

http://m.row.feelunique.com/brands/maybelline/foundations

 

Zdravo mozda ne bas za ovde ama da ve prasam dali ovaa maska za lice ja ima negde kaj nas po marketive za kozmetika ,GLAM GLOW-maska za lice

 

Ако некој бара поефикасен пилинг, на душа само да остане, гола и боса.Ова.

 

Екстра за во лето

 

Ova za lice e ili za telo od kaj go zema I kolku dobar e

 

За каде годе Јас го користам и за лице и за тело, а го земав од парфимерија во мојот град, 290 ден

 

не на месецот,на животот

 

Одамна немам пишувано во темава.
Ќе се сконцентрирам главно на нега на лице. Со оглед на тоа дека не користев ништо освен крема за лице, веќе и гурам полека но сигурно кон 30ка па се решив да поработам малку повеќе на моето лице.
Имам комбинирана кожа со мрсна т-зона и суви делови кај подочниците, склона сум кон акни и бубулици само пред менструалниот циклус.
По препорака на една членка од форумов го земав гелот за чистење на лице од Балеа односно 3 во 1 гел, маска и пилинг. Во упатството пишува дека е за комбинирана кожа, јас ја користам како маска 3 пати неделно. Првата недела и по второто користење забележав значителна промена на моето лице. Решен ми е проблемот со мрснотијата, лицето ми е мазно и освежително, хидратирано. Многу сум задоволна од оваа маска и повторно би си ја купила. Кога ќе се потсетам колку ми се мрснеше лицето и од испотеноста не можев да се гледам во огледало. Сега за сега во план сум кога ќе ја потрошам повторно да ја купам.

Под реден број 2 го сместувам гелот за чистење лице/вадење шминка од истата линија.
Во претходниот гел што ви го пишав 3 во 1 има и гел, но сепак полесно ми е кога знам дека имам само гел за шминка вадење. Постојано сум надвор и во движење и кога сум премногу уморна сакам да си имам нешто што ќе ми е при рака.
Го имам пробано и без да имам потреба да вадам шминка, наутро и навечер кога си легнувам.
Прво што забележав е дека порите ми се измазнети, воопшто не ми е сува кожата, напротив ми е мазна.
Го имам пробано и како средтство за вадење шминка и она што ми се допаѓа е што темелно ги вади останатите нечистотии што топлата вода не ги извадила при миеење на шминката. Тоа многу ми се допадна бидејќи претходно од кога ќе се измиев лицето ми беше суво, а другиот ден комбинирано, мрсно. Во врска со мрснотија солидно и кажав збогум.
Пак би го купила, понатака сум го план и тоник и кремата да ги купам, видов дека најпродаван производ од оваа линија е ноќната крема за лице. Мислам дека е ова е мојата линија за нега на лице. Го препорачувам топло за оние со комбинирана кожа.

Под реден број 3 ги сместувам дезодорансите на La Line за под пазуви. Претходно користев на Нивеа и воопшто не бев задоволна, ќе се напрскам и ќе изветрее и мирисам на пот. Никогаш не сум го сакала мирисот на пот и не сум се довела до ситуација да мирисам, Нивеата ја добив на поклон и се радувам што половината што остана од неа ја заборавив во фитнесот кога вежбав.
Ги има во Кам по цена од 75 денари. Ги сместувам во оваа категорија поради тоа што не изветруваат брзо, мирисот им се задржува, не мирисам на пот туку мирисам на свежина. Можам да се испотам колку сакам ама повторно ќе мирисам свежо.
* Не можам да најдам слика*

И под реден број 4 го сместувам артдеко камуфлажниот коректор. Иако е сув и малку тврд, сепак одбраната нијанса совршено се склопува со мојот тен. Во лето не сакам да користам пудра бидејќи ми е тешка само во одредени прилики. Од артдеко ќе нанесам на подоцните и сум подготвена за на кафе.

 

Не знам зошто воопшто го менувам некогаш

 

Месециве ми поминаа во знак на неколку продукти што фино си ја завршија работата

Гел за туширање од бела праска. За секојдневно бањање после секојдневно пливање во море/езеро, ми се најде ем погоди.

Лосионов од Балеа, смешна цена од 99 денари. Мирис на ванила сладолед, супер за навечер да се покријам од глава до пети во слаткост, а и либето го бендисува како му мирисам. Не е најсовршениот лосион, но за цената е одличен

Го добив на подарок. Интензивен мирис, одлична емулзија, се мачкам на петици, колена и лакти. Би си го нарачала кога ќе ми се потроши.

Лосион за после сончање, го купив како најефтина опција во Грција, но изненади функционалноста. Ми ја смируваше кожата и има пријатен водлест мирис.

 

Ќе сакаш ли да ми кажеш кај се наоѓа продавницата за моливчињата имам едно кафеавко,го добив на подарок и многу ми се допаѓ сакам да си земам на повеќе нијанси

 

Не се сеќавам за кој месец имам пишано последен пат во темава, ама еве ова нека бидат моите омилени производи за јули и август

Seri маска за коса со арганово масло

Шери маската ја користам со години, ги имам пробано сите 3 и од сите сум задоволна. Оваа со арганово масло е нова, ја видов во понуда на Grouper, па си реков морам да ја купам. Малку е поскапа од другите, ама во секој случај е многу исплатлива, особено затоа што ќе ја користите којзнае колку време, цело кило е. Густа е, мирисот е прекрасен, а ефектот одличен.


Carroten tanning oil

За ова масло прочитав различни коментари на интернет - едни беа презадоволни, други па не виделе никаква разлика откако почнале да го користат. Јас почнав да се мачкам со него кога веќе бев малку исончана, без никакви очекувања. Си реков ако ништо друго ќе ми биде мека кожата Првиот пат откако се намачкав на едната нога, забележав дека ми изгледа поисончана Да се разбереме - маслово не е за сончање, ниту има УВ фактор, туку улогата му е само да ви го истакне тенот. Јас се мачкав пред да одам на плажа попладне, кога сонцето не беше толку јако. Мене ми се допадна, единствена замерка е тоа што малку пушта боја, па треба да внимавате да не си ги направите алиштата.


Malena лак за нокти (нијанса 66)

Лакчево го земав случајно, додека чекав во dm на каса ги забележав, па си одбрав едно зашто ми се допадна бојата. Не сум некој голем фан на Малена лаковите, ама ова супер се покажа! Бојата не е убаво доловена на сликата, некоја циклама нијанса е, мене ептен ми се допаѓа. Сакам лакчиња кои лесно се нанесуваат, без да се тегнат и размачкуваат, а ова е баш такво. И доволен е еден слој за да добиете убава боја на ноктите. После од dm си земав уште три други нијанси


Лак за нокти Golden Rose Ice chic (нијанса 24)

Пред некоја година си купив Golden Rose лак за нокти во летна боја, па барајќи го истиот, налетав на новите ice chic кои ги немам користено претходно. Скоро цело лето го поминав со ваква боја на нокти. Овој е малку погуст за разлика од Малена, ама убаво се нанесува, само што од овој обично ставам два слоја. И ми се допаѓа тоа што не е толку стриктна нијанса, па да не можам да ја комбинирам истовремено и со розево и со црвено. Многу сакам такви лакови


Sundance млеко за тело за после сончање

Едното го добив на подарок, другото сама си го купив Мислам дека се комплетно исти, барем јас не забележав некоја разлика. Имаат убав мирис на кокос, разладувачко дејство и светкавци кои искрено јас не ги обожавам баш, ама кога е лето и шетам малку поразголена, убаво е кожата да ми сјае

 

Авон мат кармин - Adoring love

Косата ми се радува на шампонов

Лак Lavender Sky - Авон
Позитивно сум изненадена од пудрава на Luxe..

 

Девојки, може прашањево не е соодветно за темава, но сакам да ми предложите:
1. Шампон за суво миење за мрсна коса
2. Средство за чистење лице за мрсна кожа, по можност да не ја суши кожата.
3. Некој гел за туширање со убав лесен мирис, само ванила да не е!
4. Шампон за коса, да не ми ја мрси косата, користам на Лореал, ама 2ден веќе ми е мрсна.
Благодарам однапред!

 

Имаш слика од средството? Дај препорачај уште некое од кое си задоволна. Мрсна ми е кожата, иам пробано на гарние, галафарм, јангдерм, асодерм... И ништо не помага. Немам мозолки или акни, само масна ми е Т-зоната и ми се прават црнки. Помагај ако знаеш, хаха.

 

@piglet1 Се надевам не смета што одговарам јас.
Ова е. И јас потврдувам за него. И Мишела мислам го имаше фалено.