Пилешко и начини на подготовка

Пилешко со праз

За двајца потребни ви се следните состојки

500 грама пилешки стек,
500 грама печурки шампињони,
4-5 страка праз,
павлака,
жалфија, сол и црн бибер

Најпрвин пилешкиот стек се сече на парчиња и се пржи во тава на масло, стекот се наросува со малку сол и црн бибер за да го поприма вкусот на биберот, потоа ги додаваме предходно исецканите шампињони на прачиња и тие да се пропражат, кога стекот ќе порумени и печурките доволно ќе се испржат ги тргаме од оган. Во друга тава го ставаме предходно исчистениот и наситно насецкан праз и го ставаме да се пржи на масло и додаваме 1 чаша вода за да празот се свари и омекне, некаде на половина пред да биде готов празот го додеваме предходно испржениот пилешки стек и шампињони, додаваме и 2 листа сушена или свежа жалфија и го оставме сето тоа да се вари додека водата не изврие и празот не биде готов, ако е потребно можете да додадете вода за да празот убаво се свари. На крајот пред да го тргнеме од оган додаваме 1 мала кисела павлака и додавем сол и црн бибер и го готвиме вака уште 5 инути и потоа го тргаме од оган. Пријанооооо јадење

 

Панирано пилешко франчез

На TLC има една емисија на Бади Валастро (the cake boss ) со готвење каде тој ги споделува семејните рецепти.
Овој ми се бендиса и само што го подготвив и се накркав квалитетно.

Пилешкиот стек се сече на половина и се чука со чукче. Се валка во брашно (во него се наросува сол и бибер), па потоа во јајца (матени со вилушка, се наросува вегета и се ренда кашкавал или пак се наросува пармезан).
Се пржи во загреан маслинов зејтин околу 3-4 мин. од двете страни. Се става на хартија да се впие вишокот мрснотија.
Класичен начин на подготовка на похован пилешки стек.

Е сега во истото тавче се додава бело вино да се деглазира (копи-пејст од Бади ) тавчето, па се додаваат 2-3 сецкани чешниња лук, неколку тркалца лимон, 2-3 кутлачки (црпалки) пилешка коцка супа (јас ставив крем супа, таква ми се наоѓаше дома) и свеж магдонос по желба.
Откако убаво се` ќе проврие, се враќа пилешкиот стек по неколку мин. од двете страни за да го впие сосот.

Бади како гарнир користеше шпагети, па и јас.

Во чинија прво се става шпагети, па стекот одозгора и се прелева од сосот.

Бон апетит.

п.с. заборавив да сликнам, многу бев гладна

 

Chicken Parmigiana

Пoтребно ви е:
Пилешки гради 6-8 (зависи за колку луге готвите)
2 јајца
1\4 чаша млеко
2 чаши лебни трошки
3\4 чаша масло
сос од домати или сос за паста,само да е во поголема тегла или шише
1\4 чаша рендан пармезан
1 чаша рендано моцарела сирење
малку исекан босилок(по желба)
Cол и црн бибер


Прво се матат јајцата и млекото, потоа во друга чинија истурете ги лебните трошки и насолете ги пилешките гради со црн бибер и сол.
Загрејте тава на оган,подготвена за пржење.
Bалкајте ги пилешките гради во смесата од јајца и млеко,потоа во лебните трошки и ставете ги да се пржат,не ги пржете до крај,само колку да се позлатат,околу 5-7 минути.
Oд како ке се испржат,ставете ги на хартија(paper towel) да се исцедат.

Земете една тава за печење и покријте го дното од тавата со доматниот сос,не премногу
Cамо дното да е покриено,потоа наредете ги пилешките гради одозгора и ставете сос над нив,повторно не премногу,не да пливаат,само малку над нив

Cтавете им го пармезанот над нив,покријте ја тавата со алуминиумска фолија и печете 30 минути на 200 степени.
По 30 минути иставете ја тавата,ставете над пилешките гради моцарела сирење и малку босилок,вратете ја тавата назад в рерна и печете додека моцарелата е стопена.

*Oди одлично со шпагети,салата или чипс.

*За да е меко и сочно пилешкото,пред да ги пржите пилешките гради,мавнете ги со чеканче

Mногу е лесно и вкусно

Спојлер

 

ПИЛЕШКА ДАНСКА САЛАТА

Потребни состојки:
- 3 пилешки копани со докопан
- 1 мала тегла печурки
- 3 / 4 триаголници топено сирње
- 200мл. бело вино
- 3 / 4 кисели крставички
- 5 / 6 лажици мајонез
- 1 / 2 20 % мм павлака

Копаните се мијат, се солат со вегета и бибер и меѓу нив се истура теглата со печурки. Одозгора над нив се сецка топеното сирење и се полева со белото вино.
Тавчето се покрива со фолија и се пече во рерна на 150 степени околу 1 и пол час.
Кога ќе се испечат копаните се чистат од кожата и коските, месото ситно се сецка и се меша со сосот.
Во садот се додаваат и ситно исецкани кисели крставички, мајонез и павлака.
Превкусно е, пробајте!

 

Може некој ќе си го препознае рецептов ама многу ми се допадна, и ветувам ќе го направам наскоро, а кај го прочитав убибоже не ми текнува.

Пилешко според потребите за сервирање, исклучиво копанчиња кратки, но јас мислам дека може и со парчиња стек исечени како лентички
масло
сенф
мед
балсамико оцет
зачини според желбите

Сварете ги копанчињата, ако можете претходно добро ќе биде, но најлесно е отпосле да се извади кожата. На копанчињата од цекин се вади кожата најлесно и тоа дури се смрзнати. Сварете ги во вода, само со сол. На масло испржете ги сварените копанчиња да заруменат малку. Во мало садче измешајте сенф, зачини и мед со малку балсамико колку да стане хомогена смеса. Во тавата во која ги пржите копанчињата пред крај додадете ја оваа смеса и убаво промешајте, смесата да се залепи на сите копанчиња од сите страни. За оваа работа е најубаво Вок тава или некоја така подлабочка и сите копанчиња да се пржат наеднаш и убаво да се измеша со сосот. Според мене најубаво е да се сервира со некои компири, но не пржени, пире или печени, варени во салата и се разбира салата, мене најмногу би ми идела марула овде
Рецептов ќе се проба штом заврши УН, задолжително

Го најдов изворот, нека не ми се налути феминката од погоре, сум го видоизменила малку, но рецептот е шернат накај колеги и пријатели и испробан во мојава варијанта и е превкусен

 

*
Пилешки стек се сецка на коцки и се запржува. Се додаваат морковчина сецкани на коцки. Се зачинува со вегета, црн пипер, оригано, сув магдонос, сол по вкус. Се додава малку вода (2 чаши по 150мл) Кога ќе зоврие се додаваат компири сецкани на коцки. Врие на тивко додека да се свари. На крајот може да се додаде и малку бело вино.


*Пилешко во сос од павлака и сенф
потребно:
4 парчиња пилешко месо
3 чешниња лук(ситно сецкани)
60мл. пилешка супа ( без фиде)
сол и бибер по желба
2 супени лажици сенф
2 коцки путер
2 супени лажици маслиново масло
малку бренди

подготовка
Исечете го секое парче пилешко месо на средината за да добиете две парчиња,зачинете ги со сол и бибер по желба, а потоа испржете ги во тавче на претгодно загреана рингла во кое сте ги ставиле путерот и маслиновото масло. Тргнете ги на страна а во истото тавче ставете малку бренди и исецканиот лук и пропржете го. Додајте го сенфот и павлаката, мешајте додека не се згусне па додајте ја супата. Не прекинувајте со мешање, а потоа додајте го пилешкото 2мин да се пропржи уште еднаш со сосот.

 

Пилешко со кари сос.

Стекот исечете го на коцки и ставете го на загреано масло да се динста, додадете печурки. Кога ќе добие боја месото, додадете солена хопла, кари и оригано, и мешајте додека сосот се згусне убаво.
Многу брзо и вкусно, јас обично го правам со печени компири во рерна

 

Истово го правам и јас, со плус главица кромид и без оригано. Некогаш додавам и сецкани суви пиперки, кога-како. Сосема на крајот додавам сецкан свеж магдонос.
И јас го приготвувам во комбинација со печен обичен или пекарски компир.
Лелееее, во 01:30 по полноќ успеа цревата да ми ги раскопаш!

 

Пилешко кари

пилешко бело месо
бујон
брашно
зачини


Пилешкото месо исецкајте го на ситни коцкички, запржете го на масло да се испржи подеднакво од сите страни. Кога ќе биде испржено додајте една лажица брашно да се испржи заедно со месото, при пржењето тоа ќе се залепи за месото. Додајте од бујонот (пола литар вода со една коцка пилешка супа) пополека и зачинете со сол, мешан зачин, кари и бибер, нека изврие бујонот и готово е. Може при пржењето на месото да се додадат свежи печурки исецкани, пред да се стави брашното. Јас користам мешан зачин на Виталиа, Био Зачин, бибер на Вегета, микс од повеќе видови бибер со лук, ѓумбир и морско оревче и стандард кари на Котањи. Мене ова ми е најбрз начин на подготовка на пилешко кари, да бидам искрена сестра ми го има промовирано кај нас во фамилија. Го служам со рижото со зеленчук и ми е преубава комбинацја. Се разбира и за овој рецепт ќе си причекам додека не завржи мојата диета

 

Пилешко во кари
Пред се се пржи стекот на ситни тенки парчиња (големината си е по твоја желба)
Во друго тавче запржуваш:кромид,морков,лукче.Кога се тоа ќе добие боја по желба ако сакаш се додава малку обарена брокула.Се динста уште некоја 1-2 мин.и се додава едно пакетче неутрална хопла и пржениот стек.Се финишира со додаање на зачини:сол,вегета,кари и бибер (останати зачини по желба)

Препорачувам да се служи заедно со рижото од ориз.

 

Фала ти многу за рецептов ....поубаво пилешко во живот немам пробано....го правев викендов додека бев кај моите, се погоди мф мф мф....се најадовме слатко и квалитетно.

 

Копанче варенко, па печено, па исцепкано на мали парчиња и запржено со малку мед. Милина.

 

пилешки копанчинја варени па си дробам ситно им рендам свезо цвекло кисели краставицки и ги мешам со павлака ставам магдонос и бибер и вегета преубаво е а од цвеклото добива розева боја мн интересно

 

Пилешкиот стек се сецка на долги тенки ленти.Во подлабок сад се става 1мала лажичка густин растворена во вода,соја сос,вегета,црвен пипер,праз на ситно исецкан и зачинот ЧИНА (мислам дека може да се најде во поголемите маркети).Се меша се убаво и се пржи.Се служат со ориз,компири...

 

јас јадам само печено но многумина го бараат моето полнето пилешко иако јас не го јадам им го правам ,а го подготвувам на следниов начин.
Едно парче стек убаво се расчукува и внатре се става кашкавал,печурки, павлака, сланина или шунка по избор, а се пече со 2- 3 чаши бело вино 2 чаши со вода од озгора ставам вегета и бибер и го ставам во загреана рерна на 200 степени и го оставам да се пече со фолија околу 30 мин а птоа ја тргам и го оставам уште 5-10 мин

 

Даничап,синоќа за Стара нова го испробав твојот рецепт.Преубав
Јас немав домати и пиперки,ставив само морков и кромид,стекот не го варев туку директ го запржив,додадов и печурки,и место прелив со кисело млеко ставив со павлака и јајца.
Супер идеја :up:

 

Сите верзии на пилешко ни се убави.
Сега почесто правам и цело пиле на сол. Каков шмек има, не можам да опишам. Не е ништо специфично и комплицирано. Лесно и брзо.

Пилето само се насолува, му се става бибер и вегета по вкус (на надворешната страна) и потоа се става во тенџере. Долниот дел се посолува со јадра сол и не се става ништо друго, ни вода, ни масло. На тенџерчето се става капак или фолија и се остава во рерна околу 3 часа на тивко да се печи (околу 150-180 степени). Повремено само со лажица се полева на горната страна. Тоа само од себе ќе си пушти мрснотија (од кожата) и ќе си се пече. На крај се вади капакот(фолијата) само колку да порумени.
Да ви кажам и колку да има сол во таа течност, тоа ќе си прими само онолку колку што му е потребно и не е воопшто пресолено .

***

Често правиме и тава со стек и кашкавал.
Саламурениот стек (1кг) се сечи на коцкички и се става во огноотпорен сад. Во една тава на оган се пржи кромид, домат, пиперка, морков... или може да се замени со неколку лажици домашен ѓувеч и во него се става околу 300 гр. ситно сецкана чадена сланина. Се става пржениот зеленчук кај стекот, се додава 1 чаша бело вино, половина чаша вода и најважното околу 200гр. стопен посен кашкавал . Кашкавалот се ренда и со малку вода се топи на тивок оган. Тоа ќе се стопи и ќе стане како каша, густо. Се става во огноотпорниот сад, се зачинува со црн бибер, но не и со сол. Зашто скоро се е солено и нема потреба од сол, бидејќи може да ви биде пресолено. Се печи на околу 180 степени, околу 90 минути. На крај на горниот дел се реди тенки парчиња кашкавал, па се остава уште малку да се стопи.
* Посен кашкавал се става, бидејќи другиот кашкавал кој е млечен и квалитетен, не се топи. Тој станува како поделен и како кончаст. А во случајот е потребен оној кој може да се топи и станува едноличен. Со овој кашкавал се постигнува убаво компактен сос на пилешкото.

Овој рецепт го измисливме со мм. Си немавме еден ден работа, па си го посветивме во кујната.
Од резултатот ќе бидете воодушевени, со гаранција .

 

далматинска тава
1 кило копани,3 главици кромид,3 јајца матени со 2 павлаки 300гр пеЧурки пола филЧан ориз,200гр каскавал,црн пипер,вегета и на врвот од лајЧето црвена пипер.
копаните се варат со сол и му се вадат коските се сеЧат на помали парЧина,се запрсува кромидот со пеЧуркитеи се додава оризот вегета,црн пипер сол и црвена пипер се додава една Часа вода и се остава оризот да подвари потоа се стават копаните и се става во земјена тава и во фурна да испеЧи 20 минути потоа се вади од огнот и се ренда каскавалот и со вилуска се боцка да навлезе каскавалот и пак во фурна 15-20 минути на крајот се додава јајцата со павлаката и се пеЧи 20 минути

бон апетит

 

Не знам како се вика специјалитетов ама е феноменален...мнооооогу вкусен
Во тава се пржи кромид,се става пилешкото предходно исецкано на коцки,малку се запржува па се додава бело вино,сенф и печурки.Откако ке изврие течноста се става павлака и уште некои 5 мин се пржи...
ммммммм баш тоа правев за ручек денеска...