Последен филм што го гледав е... И кратка рецензија

Wanted (200

Акција, крими, фантазија, во времетраење од околу 2 часа. Во главни улоги Angelina Jolie, James McAvoy (@Anabelle.Amorette запази ) и Morgan Freeman. Станува збор за еден обичен службеник кој ќе дознае дека татко му е професионален убиец и дека ги дели неговите суперчовечки гени за убивање. Така, за кратко време од муле станува профи.

Филмов генерално беше добар. Интересен е, полн со акција, со невозможни ситуации, што е нормално, бидејќи е фантазија, нели... Актерската екипа е закон (пак ќе речам, не сум фан на Анѓа, ама има некои добри филмови), Џејмс го гледаме како Американец, Фриман е легенда... Морам да кажам дека филмов имаше многу добра музика, ефектите беа супер, на моменти имаше некои глупи сцени, ама во целина - доста акционо, со неколку пресврти што ми беа убаво изненадување.

Препорачувам за тепање време.


IMDB оцена: 6.7
Од мене има 7.

 

Hotel Transiylvania 2
Интерсно продолжение на првиот дел. Мавис и Џони добиваат син Денис и интересно е кога дедото односно таткото на Мавис има преголема желба да го направи внукот да биде како нив.

 

The art of getting by
Се зборува за еден средношколец кој си живее во еден негов свет.
Еден ден се запознава со девојка која да речам, ќе го промени.
Краток малку, ама ме бендиса.

 

Ајде да пишам за два филма одеднаш.

Mr. & Mrs. Smith (2005)

Акциона комедија која трае околу 2 часа. Во главни улоги се Brangelina, кои ми одат на нерви, особено кога се вака заедно на филмско платно. Станува збор за сопружници на кои со текот на времето брачниот живот им станува тапа, а воедно и живеат двоен живот, но возбудата повторно се појавува во оној момент кога ќе дознаат еден за друг дека се платени убијци кои работат за сопернички агенции и дека треба да се испоубијат меѓу себе.

Не знам што затерав да гледам филмови со Анџелина Џоли кога не ја сакам, ама што да правам кога има и некои добри филмови со неа. Но ова не е еден од нив. Пак во улога на јака женска (во смисла физички јака, не на изглед де). Мислам дека ми пречеше тој хумористичен аспект на филмов, можеби затоа што и Анѓа и Бред сум ги гледала во сериозни улоги и добри филмови, па овој ми дојде како зафрканција (што и е), ама пак... Некои глумци не се доволно духовити по карактер за да глумат во комедии. Инаку, немам некои други замерки, освен што можеби филмов не мораше да трае баш 2 часа. Имаше акција доволно, имаше случки, така да овој филм е да седнеш и да го гледаш кога немаш идеја или кога немаш нешто попаметно за правење во животот. Мозокот на пасење и тоа е...


IMDB оценка: 6.5
Мојата оценка: 6.5


Другиот филм за кој наминав да пишам некој ред е, за мене, долгоочекуваниот

Spectre (2015)

Акционен трилер кој трае 2 ипол часа. Вo главни улоги многу познати актери: Daniel Craig, Christoph Waltz, Monica Belluci, Ralph Fiennes, Lea Seydoux, Rory Kinnear, Andrew Scott... Неодоливиот Џејмс Бонд е во мисија на разоткривање на организацијата Спектра, што ќе донесе неочекуван крај и конечно "they lived happily ever after..." во неговиот живот.

Ајде да почнам од насловната музичка тема и најавната шпица. Бондовскиве филмови, особено со Даниел, редовно ги следам и сум восхитена. Некои ми се допаднале повеќе, некои помалку. Casino Royale можеби најмногу се издвојува по својот квалитет, но и другиве делови ми се допаднаа. Морам да упатам една ОГРОМНА критика до бондовската песна оваа година: во ред е што е машки вокал, дури и песнава е убава, ама гласот на типв е комплетно геј. Ова не го велам за да навредам некого или да направам дискриминација, туку од еден друг аспект. Џејмс Бонд е поим за мажественост, кавалерство, елеганција, моќ, заводливост, секс, ум, но и длабоки и мрачни емоции. Не е залудно што Бонд е мажот околу кој се одвива целото дејство, што ги утепува останатите и што го опкружуваат само убави жени. Така треба да биде и со песната. Или карактеристичен и силен машки вокал, околу кој ќе паѓаат во несвест жени, или силен и моќен женски вокал, како што се и жените во животот на Бонд. Ова ми беше како Бонд да се откажал од жените во животот бидеќи цело време му гинат и решил да стане геј. Мислам, песнава ја имам слушано како кавер испеан од жени и звучи преубаво. Освен тоа, го има оној бондовски звук и карактер, ама изведувачот е чист промашај.

Најавната шпица ми се допадна. Бонд секогаш имал интересни, убави, уметнички најавни шпици, па и ова не беше исклучок. Најнеомилена најавна шпица, а можеби и песна ми е онаа за Quantum Of Solace, со Џек и Алиша. Буквално неинвентивно, а песната - катастрофа. Во оваа шпица ми се допадна и тоа што го соблекле малце Бонд .

Во однос на актерската екипа, морам да кажам дека за малку ќе беше 10-ка, да не беше главна Бонд-девојка Леа Сејду. Поантипатична девојка одамна не земале за ваков филм. Тело - гром, фаца - да му се отсака на човек да има било што со неа. Добро, тоа е и прашање на вкус, а тоа е мојот вкус. Иритантна ми беше како појава. C беше маестрален, како и секогаш впрочем. Меѓу најдобрите новооткриени актери ми е уште кога се појави како Мориарти во серијата Шерлок. Ралф Фајнс беше одличен како и секогаш, Манипени исто, а моите негативни критики (нормално, упатени кон режисерот и авторот на овој дел) се во однос на Моника Белучи и Кристоф Волц. Обично, кога ќе собереш бомбастична актерска екипа, филмот е млак. Или обратно, собираш јака актерска екипа за да ги прикриеш многубројните недостатоци на филмот. Но оној кој е вистински фан на Бонд не може да го излажат туку така. Според мене, многу посоодветно за филмов ќе беше Моника да биде Бонд-девојката. Секси, убава, сензуална, страсна, згодна, а сепак во години. Совршен љубовен крај за Бонд. Наместо тоа, и' дале само споредна улога и за жал беше премалку застапена. Дојде Бонд, ја опна и си отиде. Толку од неа. Друга, многу посериозна и поголема замерка ми е во однос на карактерот на Волц. Да земеш таков актер во екипа, кој е маестрален и драматичен, кој има неисцрпен актерски капацитет и толку слабо да го искористиш... Вистинска штета. Волц како актер даде се' од себе, но улогата не му даде доволно. Тука се надоврзувам и на приказната. Приказната беше интересно осмислена - зад сите несреќи во животот на Бонд и зад сите „помали“ организации да стои една главна - Спектра. Конечно некакво заокружување на деловиве со Даниел Крег. Меѓутоа, потешка и поневозможна мисија како да му беше онаа на почетокот, отколку да го среди Волц. Премногу лесно се справи со него и тоа е тоа што многу ми пречи. Како и да е, мило ми е што имаше среќен крај, што реши да се пензионира и да си живее среќно со својата нова љубов. Пак ќе кажам, убаво заокружување на деловиве со Даниел.


IMDB оцена: 7.1
Од мене има 7.5 што е многу малку како за Бонд филм.

Во секој случај го препорачувам.

 

Опуштена британска комедија која иако нема јака оцена на ИМДБ (6/10) сепак е поинаков хумор од секојдневните амерички клише-комедии со ретардирани финти. Посебно ме привлече да го погледнам поради гласовите на два лика што ги даваат Робин Вилијамс (мислам ова му е последен проект пред да почине) и Џон Клис.

Не е лош да се погледне.

 

http://www.imdb.com/title/tt2096673/

Убаво анимирано филмче, за опуштање на мозокот.
Што ни се случува во главата, како размислуваме, кои се тие гласови што ги слушаме, како функционираат емоциите и чувствата....гледајте го филмчево и ќе дознаете

 

Последен гледан филм Knock,Konck
Интересно е да се погледне
Му дава 8/10

 

I spit on your grave 3: Vengeance is mine



Продолжеток на првиот дел, бидејќи кој гледал знае дека вториот дел беше со друга девојка, неповрзан со овие два дела...
Филмот ги прикажува сите трауми и последици кај девојката поради се што и се случи во првиот дел и животот после тоа и начинот на кој работи нејзината психа, повторно со малку акција и бруталности.
И да, девојкава глуми ОДЛИЧНО.
Интересен, вреди да се изгледа...

 

The Holiday
ми текна пак да го изгледам, преубав е филмот Џед Лоу

 

Не можам да ви опишам какви се чусвтва ме обземаја преку цел филм, а на крајот исплачив река солзи.
Толку прекрасен филм, реален, љубовен, топол, незнам досега како сум го пропуштила.Тие 3 часа ми летнаа како 3 мин, секој кој го нема гледано обавезно да го гледа.Исто и актерската екипа се сите кој од кој позгодни, очи исплакнав.
Од мене оценка 100/10.

И песната од филмот цел ден ми се мота во глава,прекрасно нешто.

 

Me and Earl and the Dying Girl
(2015)

105 min |Comedy, Drama



Кој го гледал The Fault in Our Stars и му се свиѓал, ќе му се свиѓа и овој. Исто и кој сака Вес Андерсон style of movie ќе го сака и овој.

http://www.imdb.com/title/tt2582496/?ref_=nv_sr_1

Линк за симнување:
https://yts.ag/movie/me-and-earl-and-the-dying-girl-2015

 

Одамна не сум пишала во темава, не е дека не гледам филмови, ама ретко е тоа, во последно време повеќе сум ориентирана на гледање серии (т.е catch up со сезоните од тие што ги следам).

Spectre е последниот филм што го гледав, последниот од серијалот за Џејмс Бонд.
@Lady Phoenix кажал скоро се што и јас би кажала за овој филм, бомбастична екипа, приказната беше ок, можело и подобро. Ама реално немав големи очекувања. Lea Seydoux ми беше ептен анемична и ми расипуваше уживање во филмот, или не знае да глуми, или едноставно како да не знае што бара во овој филм. Таков впечаток добив.
Реално, се гледа колку Бонд филмовите напредуваат заедно со технологијата, ама приказните, т.е основната содржина останува иста. За Skyfall можам да кажам дека ми се допаѓа што беше малку помрачен и навлегува подлабоко во ликот на 007, не е само таен агент туку многу повеќе. А од Spectre очекував малку повеќе разоткривање, ама ок, тоа е тоа.
Daniel Craig е фин актер, му лежи улогава, ама едноставно ми е антипатичен и нехаризматичен. До вкус е, нели. За мене број еден останува Шон Конери, а после него Пирс Броснан. Но сепак, годините си го прават своето.

Оценка 7/10.

 

Backcountry

Нема некоја голема оценка ама си реков да му дадам шанса.Наводно е хорор а во целата приказна е мечка која се појавува во цела минута и пол во филмот.
Млад пар да побегне од цивилизацијата заминува на кампување и нели ако се потпреш на маж ќе оплескаш,така и женскава во филмов.Се загубија ,на спиење ги начека мечка,му ја изеде утробата на мажот кој патем не изгледаше ни малку лошо,девојката како нели во секој филм се спаси ...и толку.Филмот нема многу дијалози,нема акција,нема тензија,ништо.Само убава планина и голема баба Меца.
4/10

 

Legends of the Fall (1994)

Imdb: 7,5/ 10
Еден од најдобрите филмови кои некогаш сум ги гледала. Чиста 10ка од мене. Прекрасно!

Драма која се случува во раниот 20ти век во Монтана. Приказна која допре до мене. Тројца браќа, нивниот татко, мајката која ги напушта, верните слуги- Индијанци, девојката која доаѓа и се наоѓа помеѓу најмалиот брат кој е нејзин вереник, најстариот брат- бунтовникот и средниот брат кој се вљубува во неа на прв поглед... Војната сменила многу животи а овие луѓе се само дел од неа...

Антони Хопкинс е маестрален. Талентиран глумец, едноставно нема улога која не му лежи. Бред Пит е неодоливо секси со долгата коса. Останатата актерска екипа е исто така внимателно изберена и имам само пофални зборови. Костимографот завршил одлична работа.

За филм кој е снимен во 1994 година морам да кажам дека има совршена камера. Сцените беа одлични, ја доловија убавината на целата дивина.

Кога гледам вакви филмови добивам желба да отидам во некоја дрвена куќа со голема тераса пред влезот, столици за лулање, ранч со коњи, околу неа зелена трева на која некаде далеку се надоврзуваат планини, река во близина, единствени обврски и грижи да се работите кои се случуваат околу мене, како јадење, животни, студена зима...

 

Ајде пак два наеднаш.

Automata (2014)

Научна фантастика, акција, трилер, во времетраење од некои саат и 40 минути. Во главна улога Антонио Бандерас. Се работи за алтернативна иднина во која Бандерас е некаков инспектор кој следи роботи кои ги прекршиле двата протокли според кои не треба да изменуваат и да „еволуираат“.

За филмов не ми се ни збори. Е толку тапа ми беше. Антонио тотално се упропасти во последно време со филмовиве. Еден асален не сум гледала. Приказнава не беше ништо посебно. Пола филм Роботи го носат Антонио низ радиоактивна пустина. Имаше доста нелогичности. Ма не ми се прави муабет.


IMDB оцена: 6.1
Од мене има 6. Не го препорачувам, не се трудете ич да губите време.


Goosebumps (2015)

Авантура, комедија, фантазија во времетраење од околу саат и 40 минути. Во главна улога Jack Black и некои деца што прв пат ги гледам. Станува збор за еден дечко-тинејџер кој ќе се досели во нов град и ќе биде сосед со ќерката на писателот на хорор-книги R.L.Stine. Доаѓа до едно недоразбирање и од тука почнуваат бељите или авантурите, како сакате.

Филмов ми беше интересен, иако е за мали деца, реално. По замислата многу наликува на Џуманџи, па кој го гледал тој филм, ќе му се допадне и овој. Џек Блек е секогаш интересен (додуша, овде направиле малце да личи на Јанко Илковски, па се реметев цел филм), а во филмов има доста акција, така што нема да биде досаден во ниту еден момент. Е сега, полн е со клишеа, ама што се разбираат деца од клише?


IMDB оцена: 6.7
Моја оцена: 7

Може да го погледнете и да утепате време.

(Постов ми изгледа грдо, ама тоа деа стиснав нешто и ми се поремети и проред и фонт, а не знам да вратам на старо. )

 

50/50 (2011)
100 min |Comedy, Drama



Не знам колку ова означување како комедија е правилно. Погледнете и оценете сами.


http://www.imdb.com/title/tt1306980/

 

Ич не е комедија, ама фино е филмчево, вреди да се погледне.

 

Crimson Peak (2015)

Филмов жанровски е окарактеризиран како драма, фантазија и хорор, а трае приближно 2 часа. Во главните улоги се Mia Wasikowska, Jessica Chastain, Tom Hiddleston. Станува збор за една млада писателка која може да гледа духови. Во нејзиниот град пристигнува мистериозен младич со својата сестра за да презентира некоја машина која може да се употреби во градежништвото. Но всушност, станува збор за нешто сосема друго. Кога патиштата ќе им се спојат, животот на младата девојка почнува да оди во надолна линија...

Филмов долго време го очекував и со нетрпение чекав да излезе на торент за да го гледам. Најмногу ме привлече тоа што во него глуми Том Хидлстон што ми се покажал како доста добар глумец, но и приказната од трејлерот ми изгледаше премногу интересно. Епа сега кога го дочекав, можам да кажам само дека бев малку разочарана и дека не ги исполни баш моите, очигледно превисоки, очекувања.

Актерскава екипа беше супер, иако Џесика не ја сакам, но тука беше тотално трансформирана, што дури едвај ја познав. За прв пат имаше некоја поинаква улога од оние малку во кои сум ја гледала. Брутална, ладна, жестока, психопат... Том како и секогаш беше одличен. Улогата му беше легната и добро си го одигра своето. Миа не ми е воопшто позната, но добро ми се вклопи во приказната.

Приказната некако ми беше далеку од хорор, а повеќе ми беше драма. Мистерија немаше буквално никаква зашто беше некако лесно да се предвиди што ќе се случува, но сепак беше интересно за гледање. Музиката беше во согласност со приказната, напната, мрачна, имаше убави сцени и интересно ми беше што некои од нив завршуваа со затемување на екранот, смалувајќи ја сцената во вид на круг (не знам некој дали ме разбра, ама кој го гледал или ќе го гледа филмот - (ќе) знае). Убаво беше снимен филмот, со онаа надменост на луѓето од тоа време, драматичност, живописност и колоритност. Костимографијата беше прекрасна. Имам замерки што траеше толку долго, што немаше доза на неизвесност и што анимациите беа малку аматерски. Но целокупниот впечаток ми беше позитивен, иако не толку колку што сакав и очекував.


IMDB оценка: 6.9
Моја оценка: 7.5

Препорачувам, зошто да не.

 

Panic Room (2002)

Трилер со времетраење од околу 2 часа. Во главни улоги: Jodie Foster, Kristen Stewart, Forest Whitaker, Jared Leto... Се работи за разведена мајка која со својата ќерка се доселува во една огромна куќа чиј сопственик, веќе починат, бил богаташ, па куќава има огромен број на соби, од кои една е тајна соба која не може да се пробие. И нормално, уште истата вечер доаѓаат разбојници предводени од внукот на поранешниот сопственик, со цел да влезат баш во таа соба, зашто таму е скриен сеф со милиони долари.

Филмов беше интересен, напнат, а актерската екипа позната и докажана. Имаше некои нелогични работи, но како и да е... Ајде ќе ги простам. Во секој случај, некои сцени траеја предолго, а мислам дека од тоа немаше потреба. Џоди Фостер ми е една од поподносливите глумици, можеби затоа што е машкоданеста. Форест Витакер - одличен како и секогаш, а Џаред Лето - драматичен како и секогаш.


IMDB оценка: 6.8
Јас му давам 7.5 и го препорачувам за гледање.

 

http://www.imdb.com/title/tt1638002/
ж

Одличен филм, топло го препорачувам .
Вреди да се погледне.