Барав ваква тема, но не најдов. Првпат ја правам сама и добро излезе. 1 лажичка сол 1 пециво 3 пластични чаши од кисело млеко пченкарно брашно (во тоа мерев јас) вода по потреба, се меша со лажица да се изедначи, да не биде ниту густо, ниту ретко. Тавата се мачка со зејтин и се истура смесата во неа, се промешува убаво со лажица да се разлее зејтинот. Се става да се пече во претходно загреана рерна на 250. Одприлика по 15 минути се вади тавата од рерна, се засекува топеницата и се додаваат неколку капки маслиново масло одозгора и се враќа да се пече уште 10-15 минути. Јас ја сервирав со патлиџани сварени во тегла пред неколку месеци (зимница), истурив малку во чинија, истолчив и измешав со маслиново масло, вегета и буковец. Еве како тоа изгледа, пред печење, исецкана и на третата слика готова.