1. Овој сајт користи колачиња неопходни за неговото функционирање. Ако продолжиш да го користиш, значи се согласуваш со нашата употреба на колачиња. Прочитај повеќе.

Феминско (филмско) фоаје - Poor Things

Дискусија во 'Филм и ТВ' започната од Madam-A, 21 мај 2014.

?

Следен филм за гледање?

Анкетата е затворена на 14 декември 2020.
  1. Tenet (2020)

    75,0%
  2. Fatman (2020)

    8,3%
  3. The common story( 2019)

    0 глас(а)
    0,0%
  4. Oldboy (2003)

    16,7%
  1. Bender Rodriguez

    Bender Rodriguez The lovable rascal

    Се зачлени на:
    27 јуни 2015
    Пораки:
    2.623
    Допаѓања:
    32.778
    Пол:
    Машки
    Ааххх, The Hateful Eight.

    Прво, морам да ви признаам нешто – малце ми е тешко да бидам непристрасен со филмов, затоа што Тарантино ми е најверојатно омилениот режисер (и сценарист). Искрено, ми нема утка човеков, од прв до последен филм.

    Но ајде, да почнам со ред.

    Кога чув прошлата година дека Тарантино ќе снима уште еден вестерн, си реков – Oh, no, not again. Не дека Џанго беше лош, напротив, ми се допадна, ама искрено, не обичам многу-многу вестерни и мислев дека Квентин извлече максимум од вестерн жанрот со претходниот филм. Boy, was I wrong!

    Бев доста скептичен за Осуммината, па може и затоа ми дојде као пријатно изненадување. Искрено, Џанго го имам гледано само еднаш, кога искочи, па може и сум заборавил доста од филмов, ама сега генералниот впечаток ми е дека од оиве два, Hateful Eight ми е боље.

    Она што најмногу ми се допадна е што по високобуџетните филмови како Kill Bill, Inglorious Basterds и Django, кои беа исполнети со многу акција, со филмов Тарантино направи back to basics, се врати на своите корени и направи филм во стилот на неговото првенче – Reservoir Dogs. И така, дојде до израз она во што тој е најдобар, а тоа е добро сценарио, со одличен дијалог меѓу ликовите, и со маестрални монолози.

    Го споредувам со Reservoir Dogs, иако жанровски се два многу различни филма, главно поради тоа што најголемиот дел од филмот се одвива во една просторија, налик на театарска претстава, и затоа што носечки елемент на приказната, тензијата и неизвесноста лежи во ликовите и дијалогот меѓу нив, а не во акциони сцени, специјални ефекти и спектакуларни пејсажи и сценографии, како што е случајот со многу други современи филмови. Ако за Кучињата, Квентин беше приморан на вакво нешто поради недостаток на пари, овде тоа го направи планирано и намерно, што особено ми направи кеиф.

    И навистина, филмов ме потсеќаше баш на театарска претстава – читав некаде дека во Америка со картата на гледачите им давале програма со содржина на филмот, поделена по чинови, и дека дури и на сред филм имале и интермецо – баш као у прав театар. Ја го глеав на лаптоп и стиснав пауза еднаш за да мочам, ама тоа е – секој со своето.

    И иако практично ништо не се случува цел филм – од аспект на акција, промена на scenery и слично, мене воопшто не ми беше досаден, напротив. Додуша, кога почна, како што реков, бев скептичен, па се додека не се појави Сем Џексон, бев у некое meh расположение. Ама, после тоа, очи не можев да тргнам од екранот.

    Одговорно тврдам – дијалозите/монолозите у филмовите на Тарантино се едни од најдобрите некогаш снимени. Сетете се само на анализата на Like a Virgin у Dogs, Ezekiel 29:17 од Pulp Fiction, испрашувањето на фармерот од страна на Ланда во Basterds или сцената у пабот со бројот „3“. Е, дијалози од тој калибар има и овде.

    Генерално, за филмов – сценариото, сценографијата и кинематографијата ми беа одлични, баш у стилот на Тарантино. Покрај тоа, иако секогаш, без исклучок, имал одлична музика во своите филмови, soundtrack-от од Мориконе на филмов му даде дополнителна вестерн-нота.

    Глумците – скоро сите веќе претходно Tarantino-(ap)proved, иако и оние кои за мене беа непознати, сосема на ниво си ја завршија работата. Иако, морам да кажам – за мене Џексонstole the show – одличен перформанс, поткрепен со одлични реплики. Задволство беше да се гледа. Некако, и покрај се, навивав за него, и очекував да го преживее филмот. Криво ми падна кога го ранија у кур, и тогаш некако сфатив дека филмов нема да има среќен крај за него. Исто, ме изненади и Курт Расел, за кого како глумец немам некои посебни чувства, но овде беше сосема на нивоу. Тим Рот, одличен како и секогаш. Не ја сфаќам опсесијата на жените со Ченинг Тејтум - мене ми делува како да е благо ретардиран, а што се однесува до неговата улога во филмов - кратко, ама слатко.

    Во денешново политички-коректно време, кога сите газат на прсти за да не се увреди некој и во време на PG-13 филмови, снимани само со цел за поголема публика и профит, ми се свиѓа што Тарантино сеуште има муда да направи ваков филм. Филм у кој nigger е вообичаен збор, мексиканците се споредуваат со кучиња, жена безмилосно се шамара, итн. Колку и да сакаат Американците да глумат амнезија и да се преправаат дека ова не се случувало, црнците и мексиканците до скоро не се сметале ни за луѓе, а камоли за еднакви, а богами ни жените не биле далеку од ова. Реалноста била таа, па кој колку сака нека глуми увреѓеност од филмов.

    Мои омилени моменти? Писмото од Ејб Линколн, мрчењето на Расел, практично све што кажа Сем Џексон, со акцент на „are you calling me a liar“и „black dingus“ приказната, муабетите на Тим Рот, „you have to KICK it open“ моментот... И уште многу работи на кои не ми текнува у моментов.

    John 'The Hangman' Ruth: Now, Daisy, I want us to work out a signal system of communication. When I elbow you real hard in the face, that means: shut up.


    John 'The Hangman' Ruth: Yeah, Warren, that's the problem with old men. You can kick 'em down the stairs, and say it's an accident, but you can't just shoot 'em.


    Sheriff Chris Mannix: Now throw out your pistol!

    [Jody throws out pistol]

    Major Marquis Warren: I bet he got another one.

    Sheriff Chris Mannix: Now throw out your other pistol!

    Jody: I ain't got another pistol!

    Major Marquis Warren: Well, you better shit another pistol out your ass! 'Cause if you don't throw one out here in the next two seconds, we gon' kill this bitch!

    [Jody throws out another pistol]


    Major Marquis Warren: [as he and Chris Mannix are hanging Daisy]

    [laughs]

    Major Marquis Warren: Hang on, Daisy!
     
    Последна измена: 2 февруари 2016
    На Captain-Omni, Jordanovska-K, promeneta и 5 други им се допаѓа ова.
  2. promeneta

    promeneta Популарен член

    Се зачлени на:
    15 октомври 2012
    Пораки:
    385
    Допаѓања:
    12.555
    Пол:
    Женски
    Гледам на Бендер му е тешко да остане непристрасен оти го обожава делото на Тарантино :).
    Епа еве, јас како антифан на Тарантино (неговите претерано крвави сцени) да си дадам мое непристрасно мислење.

    Прво, филмот почнав да го гледам поради тоа што ми го препорача мм, кој знае какви филмови обожавам, и поради Семјуел Л. Џексон 8):inlove:.

    Да кажам на почетокот дека обожавам кога се запознаваме со ликовите постепено еден по еден.
    Друго, обожавам кога сите ликови се разликуваат меѓу себе, па не морам цел филм да се прашувам кој е кој.
    Трето, обожавам кога дејството се одвива во една просторија (затвор, академија, колиба, судница, интернат итн.).
    Со овој филм бев задоволена 3/3 :D.

    Филмот можам со една реченица да го опишам:
    Од НИШТО е направено НЕШТО!!

    Значи од самите навидум обични дијалози беше направено ДРАМА (зборови на мм :lol:).

    Уште од почетокот се прашував што ќе се случи следно и на каде води нивниот муабет (и во кој момент Дејзи ќе добие уште еден бокс :lol:).

    Потоа кога стигнаа кај Мини, почнав да се мислам кој е поврзан со Дејзи (стана јасно дека некој сака да ја спаси), ама не ми беше баш очекуван крајот.

    Сите ликови ми беа симпатични на свој начин, никој не сакав да умре.

    Ми се допадна што на крај Крис и мајорот му оддадоа чест на некој начин на Рут и ја обесија Дејзи.

    Аа, да, и писмото од Линколн беше фин детал :).

    Ми беше убава музиката (типична за вестерн), а атмосферата ми беше така јако доловена што и мене ми беше ладно кога излегуваа надвор (и јас викав побрзо затворете вратата, God dammit :D).

    Единствено што не ми се допаднаа беа последните, типични за Тарантино крвави сцени, ама сепак другото преовлада, така да од мене оцена 10.

    П.С. Самото тоа што изгледав филм од речиси 3 часа (што е реткост за мене), зборува колку ми се допаднал филмот :D.

    Поздрав :).
     
    Последна измена: 3 февруари 2016
    На Mayyya, boomsleng, Someonespecial и 5 други им се допаѓа ова.
  3. Lella

    Lella a blasphemous bitch Член на тимот

    Се зачлени на:
    2 јануари 2013
    Пораки:
    5.288
    Допаѓања:
    28.785
    Пол:
    Женски
    За филмов јас некако немав инспирација, а и слободно време да пишам мислење во темава. Бидејќи обично откако ќе изгледам некој филм, си правам белешки во мобилен за да не заборавам, а за овој заборавив тоа да го направам и некако изгубена сум и не знам од каде да почнам.

    Прв филм што го гледам од Тарантино, режисер кој дури и мајка ми (која не е ич обожавател на вестерн филмови) го знаела. Некако филмов многу поразличен од другите што сум ги гледала, се издвојува многу, не само со времетраењето, туку и содржината. А и како што рече Бендер, како да гледав театарска претстава на едно многу повисоко ниво.

    Најинтересен лик ми беше Дејзи, благо ретардирана онака (тие ликови ми се омилени :lol:), и секогаш ми беше интересна за гледање и баш чекав да видам што ќе каже, бидејќи некако начинот на кој зборуваше беше поразличен. Освен на крај, тогаш само трепкав надевајќи се дека случајно ќе погодам да замижам на брутална сцена, бидејќи ем не сакав ништо да пропуштам, ем цревата ми се превртуваа :D

    Втор омилен лик ми беше ликот на Сем Џексон, бидејќи нон-стоп си беше chilling-killing (освен на крај, кога сè стана чорба каша). И така страшно интелигентно човече што знае сите лом да ги направи со една реченица.

    Може мааалку да беше развлечен, ама занемарливо малку, а тоа е супер со оглед на тоа што трае цели 3 часа. И мене како и Променета ми стана баш чудно што поминав тричасовен филм без да го допрам телефонот. Achievement of the year! :D

    За крајот, само wow ќе речам, седев напнато булејќи се во екранот додека мајка ми имаше face palm. На крај уште да ме испцуеше од кај сум го нашла филмов, а јас само се смеам. :D
    Ама за разлика од нејзе, мене многу ми се допадна филмов. Квалитетно парче, дебело ама квалитетно. :wasntme:

    Мои омилени делови беа сите, ама баш сите сцени со отворање и затворање на вратата. :D Особено кога ќе улеташе некој и другите внатре ќе се раздерат да затвори. Не знам, ептен ми беше јако тоа.
    Ќе кажував уште нешто, ама слаба сум со инспирацијава денес. Вака кога гледам нагоре речиси и ништо не кажав, па затоа да дополнам со цитати кои ми оставија впечаток и ме насмеаја:

    Daisy Domergue: [screaming] Jesus Christ!
    Major Marquis Warren: Oh, you believe in Jesus now, huh, bitch? Good, 'cause you 'bout to meet him!

    Daisy Domergue: Now day and night the irons clang and like poor galley slaves / Toil and toil and when we die must fill dishonored graves / Bye and bye, I'll break m' chains and to the bush I'll go / And you'll be dead behind me, John, when I get to Mexico. :music:

    Minnie Mink: Hey, Dave, ask me if my ass is fat!
    Sweet Dave: What?
    Minnie Mink: Ask me if my ass is fat!
    Sweet Dave: It is.
    Minnie Mink: I said ask me.
    Sweet Dave: Why?
    Minnie Mink: Just do it!
    Sweet Dave: Is your ass fat?
    Minnie Mink: Oui. Look at that y'all, I can speak French.
     
    На boomsleng, Someonespecial, Madam-A и 4 други им се допаѓа ова.
  4. Madam-A

    Madam-A Популарен член

    Се зачлени на:
    10 мај 2013
    Пораки:
    1.603
    Допаѓања:
    8.005
    Немам нешто што да додадам за филмов. Ми се свиѓа како со една реченица го опишале Променета и Сењор Родригез:
    (y)
    (y)

    Ајде малку за Тарантино.
    Дека е талентиран е талентриан, режијата во последно му е уникатна и препознатлива...ама пак тука е и тоа што не го сакам и не го сакам.
    Мое кратко мислење за неговите филмови, кое скроз е небитно на темава ама ете ми дојде да се искажам:
    - Палп Фикшн - ваљда е ок за тоа време од пред 20години, ама да го глеаш сеа скроз губи магија. Ништо посебно.
    - Џанго - појма немам што се работеше. Скроз го забораив. Ама се сеќавам дека не ми се свиѓаше.
    - Даск тил дон - нешо вампири, нешо а у ....мееех. Ватева.
    - Е сеа Кил Бил - да. Добар е. Друг левел од другите. Дали буџетот си го направил своето - не знам, ама ми има некоја фимска убавина. И да ви кажам мене тоа шибањето крв и бруталноста на сцените ми е единствената работа шо ми се свиѓа кај него уствари. Да не беше тоа, немаше и да биде нешто посебно препознатлив.
    Овој со кучињава го немам гледано, ама трејлеров вика дека можеби би можеле да се дружиме некој ден.

    Друга работа, реторско ќе прашам, зашо не ги мења глумците со кои соработува? А пак ако веќе планирал на долгорочно да се закачи со нив, можел визуелно поубави глумци да одбере. Сите се солидни глумци, да, ама јас лично сакам да гледам филм со убави ликови или барем еден убав. Башка он и Ума Турман? Среќа заеднички деца што немаат... Тука ќе се паузирам на темава лепота, да не ми се пише грев, а знам дека стварно нема смисла. :angel:

    @Bender Rodriguez , ми треба овде мало просветлување, може ти да знаеш.. зашо го најавуваат Осмицава како негов 8ми филм кога има поише од 8 ? Се мисли потполн (со негова режија и сценарио) 8ми или? Баш барав ама не ми соработиваше гугл.

    Инаку читав дека ќе снима до 60та година. Потоа сака да го поштеди светот од филмови на некојси старец. :rofl: . прејак! :D


    И, бидејќи е среда , ни треба нова анкета :sun: . Што мислење имате да се вметне нешто од останатите номинации? По мене, може некои од номинациите за сценарио ако сакате (освен веќе споменатите се: ex machina & straight outta compton). Што ви се гледа? Ако нешто ви значи, јас го синав и планирам Sicario , јер Беницио Дел Торо ес ун мачоро мучо сексо :wasntme:
     
    На boomsleng, Bender Rodriguez, Captain-Omni и 4 други им се допаѓа ова.
  5. promeneta

    promeneta Популарен член

    Се зачлени на:
    15 октомври 2012
    Пораки:
    385
    Допаѓања:
    12.555
    Пол:
    Женски
    А јас па мислев дека за 8 луѓе се работи и цело време ги пребројував додека траеше филмот :rofl:.
     
    На Someonespecial, Bender Rodriguez, Lella и 1 друга личност им се допаѓа ова.
  6. Captain-Omni

    Captain-Omni Популарен член

    Се зачлени на:
    2 септември 2013
    Пораки:
    662
    Допаѓања:
    5.231
    Аааах The hateful Eight. Првата работа која ја помислив кога заврши филмот беше „Was not disappointed“. Она што го очекував, токму тоа и го добив и сигурен сум дека сите фанови на Тарентино, исто така се почувствувале.

    Не сакав да коментирам кога Бендер „топло“ и го препорача на Лела на минатата страница, ама тоа дефинитивно не е филм за малолетна девојка. Тинејџер дечко, да, ама за девојка не.

    Всушност, Тарентино е совршен мотиватор за момци адолесценти, зашто прикажува сè она што е забрането. Јас се заљубив во Тарентино токму во тие години со Палп Фикшн и неговите соработки со Родригез (Не Бендер :lol: ) и тоа е љубов која потоа трае. Секој нов филм ме навраќа во детството, ме фасцинира и ме потсетува зошто е многу важно да сонувам, да ја одржувам жива имагинацијата и креативноста и истовремено ме прекорува дека сум влегол во онаа животна монотонија која секогаш сум ја презирал.

    The hateful eight, како и други филмови на Тарентино, со семе носи еден куп финти и скриени пораки. Witty дијалози кои треба да ги сфатиш, познавања од работата на Тарентино и комплетна внесеност за да можеш да ги уловиш сите моменти кои се всушност еден дел од богатството на филмот.

    Ова е филм за сите оние кои уживаат во феноменални, unordinary карактери. Тарентино за тоа е најголемиот мајстор кој постои во Холивуд во моментов. Токму затоа секогаш бира прославени, но исклучителни актери. Токму затоа Семјуел Џексон е дел од неговите филмови, зашто неговата харизма и способност да се адаптира во секоја улога за Квентин значи чист дијамант. Токму таков е и Тим Рот кој носи со себе прекрасен карактер и низ годините, секогаш бирал глумци кои имаат посебност, не се досадни.

    Тарентино е неверојатен сликар на карактери, гение кој е способен навидум сосема обични ликови да ги направи толку забавни и фасцинантно привлечни. Негативци како ловци на уцени, убијци и џелати да ги претвори во плишани мечиња кои сакаш да ги гушнеш додека ги гледаш низ сцените. Тим Рот е џелат кој е толку интелигентен и прониклив, со совршен англиски акцент за кој се молиш да не погине во престрелките. Ликот на Дејзи која е убиец е толку забавен, безгрижен, со шеги на своја сметка, со зафрканции и глумење бесилка, но во ниеден момент не е надвор од приказната. Семјуел Џексон носи црвена кравата in middle of nowhere, а истовремено е баунти хантер... тоа се ликови кои уживаш да ги гледаш заради начинот на кои режисерот секогаш успева да ги направи фасцинантни.

    За дијалозите и глумата да не збориме. Тоа е врвот во Холивуд и не заради совршената глума или длабочината на репликите, туку заради едноставната уникатност која ја носат. Гестикулациите и изборот на зборовите истовремено, гримасите на оној кој слуша додека другиот зборува во дискусијата, тоа се нешта кои човек може да ги гледа десетици пати одново и одново и секој пат да открива по нешто ново, а филмот изобилува со вакви бидејќи трае... колку... три часа?

    Факт е дека оние кои не го сакаат стилот на крвавиот Тарентино, џабе ќе си го трошат времето, но оние кои не сакаат филмови што се трудат да бидат реални, а главниот протагонист речиси има способност да поминува низ ѕидови, се крстат во филмови од овој тип кои апсолутно не се срамат, ниту бегаат од нереалните моменти. Тука, не само што не се бега од нив, туку се нагласува тој момент и тоа се тие мали магии кои го прават филмот да биде апсолутно совршен. Сцените со Kick it open... можам да видам пред очи како Тарентино се мислел дали да стави резе, железна квака или ѕвонче на вратата и решил на крајот да направи врата која ќе ја кова со клинци за да се затвори бидејќи... well fuck it, I`m a God, I can do whatever the fuck I want.
    И кога би требало да станам писател еден ден, ваквиот стил ќе го негувам по секоја цена, зашто презирам Коељо тип на писатели кои пишуваат за да и` се допаднат на публиката и да заработат пари. Fuck that, имам една можност да ги создадам своите ликови какви што јас сакам и ниеден општествен формат нема да ме спречи да ги направам такви.
    Дури, обидете се и сами да бидете режисер, би сакале да го најмите the boytoy Ештон Качер или факин badass како Семјуел Џексон? Освен ако не снимате како деца седат на улица и продаваат лимунада, онда Сем е вашиот избор 10/10.

    Додуша, коа ќе размислам, тоа е совршено сценарио за јак лик. Сем Џексон, поранешен алкохоличар и бездомник, седи на розева гајба од пиво која ја позајмил од комшиските хипици, со прекрстени нозе преку колено, со сомбреро на глава, пуши дугачка 100с цигара на муштикла и ладно сипува лимунада на второодделенци кои застанале со точаци пред неговиот штанд направен од картонска кутија. Вика, „That be 55 cents gentlemen“, развлекува на фифтифаааајв, а децава му одговараат дека немаат толку, имаат само 50, па он мистериозно го крева погледот од под сомбрерото и им одговара „Well in that case, you better get me some straight A`s from school today...“

    Добро, ова со сомбрерото потсеќа на првата сцена кога стои пред кочијата, ама ќе смислам нешто друго додека ме викне Квентин да го презентирам сценриото. :emo:

    @Madam-A не знам по која математика, ама демек ова му е осми филм официјално, плус, има осум љути фаци у филмот. Возачот и генералот у пензија се искључени зашто не играат улога у целиот хаос. Имаш 4 души што сакаат да ја ослободат Дејзи, 5 со нејзе, Ворен, Џон Рут и Шерифот. ;)

    @Bender Rodriguez најјак беше моментот кога Ворен му рече на шерифот, Watch Django over there, не памтам за кого, и шерифот ќе го убие тој лик. Уствааааари, у Џанго анчејнд, Волтон Гогинс кој тука го глуми шерифот, ќе биде убиен од Џејми Фокс, односно Џанго. А у хејтфул еит, Волтон кој е во улога на шерифот ќе го убие оној кој Ворен ќе го именува како Џанго.
    So Django killed Walton, and then Walton killed Django. :lol:

    И тоа е сè што имам да кажам за овој филм... во моментов.
     
    Последна измена: 4 февруари 2016
    На Mayyya, boomsleng, Madam-A и 7 други им се допаѓа ова.
  7. Lady Phoenix

    Lady Phoenix Форумски идол

    Се зачлени на:
    10 мај 2015
    Пораки:
    2.033
    Допаѓања:
    58.306
    Пол:
    Женски
    Ајде и јас да кажам нешто за Осуммината полни со омраза, зашто бев воодушевена од филмов. It was friggin' awesome!

    Прво и основно, имам забелешка до преводот на насловот, како што може да забележите од првиот ред кој го пишав. Значи, не можам да се помирам со лоши преводи, само за да звучат подобро. Зошто Осуммината омразени? Hateful е насловот, побогу, а не Hated. И пак ќе прашам, зошто омразени? Омразена, ако може да се каже така, беше само Дејзи. За другите бевме држени во незивесност. Омразени од кого? Ако беше работата таква, тогаш беа тројца омразени наспроти петмина омразени. Ама ајде, да не филозофирам, на англиски си е добро...

    Втора работа: Тарантино. Човек кој или го сакаш до лудило или го мразиш. Средина не може да има. А јас сум од тие првите, како што можете да претпоставите. Прв филм кој некогаш сум го гледала од него беше From Dusk Till Dawn и тоа е филм кој ми остана помеѓу најомилените до ден денешен. Не знам колку пати сум го гледала. Со оглед на тоа што филмов е од 1996 година, а јас тогаш сум имала 9 години, не можам да се сложам со мислењето на Омни (sorry, man)

    Тогаш сум била помала од Лелка. А да не се лажеме, гореспоменатиот филм е многу побрутален од 8-кава.

    Kill Bill никогаш не се наканив да го гледам од проста причина што не можам да ја поднесам Ума Турман. Не знам зошто, ама жената ми е антипатична и ме кочи во целосното уживање во делото на Тарантино.

    Инаку, Тарантино, како што веќе го изанализира @Captain-Omni погоре (секоја чест, ти се поклонувам на секој збор во постот :bow:, освен со погорниот извадок :P) е, да, луд гениј. Човекот е крајно мрднат. Еднаш имав прилика да гледам едно интервју со него, каде го провоцираат и тврдам дека со дијагноза е луд и агресивен. Но, да не беше таков, сигурно и филмовиве немаше толку јаки да му бидат. Кога ќе престане да прави филмови, треба да му доделат награда за животно дело и да му изградат споменик затоа што е убедливо најоригинален режисер и сценарист во Холивуд, а и еден од малкуте во цел свет. :clap:

    Некој спомна дека не може да му ја поднесе и физичката појава. :D Грд е со тапија, има некоја creepy фацка која би се вклопила во некој филм за фрикови, ама некако совршено си се има вклопено во тие минорни улоги во своите филмови. Криво ми е што не го видовме и во 8-ката, зашто би бил јака фацка. :D

    Што се однесува до неговите филмови, без резерва можам да кажам дека можеби најслабо филмско остварување му е Reservoir Dogs (имаше и кај нас некоја претстава - Касапски кучиња која никогаш не стигнав да отидам на театар и да ја изгледам и криво ми е поради тоа), а нај нај најголемо достигнување му е Inglorious Basterds кој го давам како филмски предлог за некоја идна анкета. На второ место му ги ставам 8-мината. (y)

    Што се однесува до филмов: музика - совршена. Тарантино секогаш има добри саундтракови за своите филмови. Не сум многу информирана, нека ме просветли некој, ама колку што знам, секогаш зема познати песни за во филмовите, а сега некако како прв пат да ми дојде да се прави саундтрак специјално за филмов. Дури и соработката со Мориконе ми е некако невообичаена, ама резултатот е одличен.

    Филмска екипа - совршена. Ги обожавам оние режисери кои ќе си најдат неколку асални глумци со кои соработката им оди добро и кои добро им ги доловуваат ликовите, па продолжуваат да работат заедно. Тоа е, на некој начин, во корист на двете страни. Добро глумци, јака глума - оди во корист на филмот на режисерот. Добар филм, добри улоги, јако сценарио - оди во корист на прославување и наградување на глумците. А Тарантино дефинитивно си има јака екипа. Апропо муабетот на Омни за
    , некако како паднат од Марс ми дојде Чејнинг Тејтум, ама секогаш велам да не се потценуваат способностите и на таквите глумци, зашто навистина знаат да изненадат. Можеби не секогаш им годат улогите на лигави женкари со убаво лице. Семјуел Л. Џексон е човек со огромен потенцијал, легенда. Тим Рот многу не го сакам, ама не е доволно за да не гледам филмови со него. На страна се’, си го бидува чоекот. Мајкл Медсен беше создаден за улогата, иако очекував малку повеќе cowboy shit од негова страна. Курт Расел - немам зборови. Дејзи - од каде ја откопаа, абе злато вредеше женава во филмов. Исто што многу ми се допаѓа е што често пати, Тарантино става многу малку жени (ете во случајов само Дејзи) во друштво на еден куп мажи. На тој начин знае многу добро да го потенцира ликот на жената. (y) Костимографија - соодветна. Сцени - одлични и минималистички. Бела снежна белина и само човек и кочија на сред вукојебина. Единствената соба во која имаше дејство - одлична. Запазен секој детал.

    Приказната - кул! Тарантино е еден оние кои знаат да направат филмот да изгледа како театарска претстава. Токму така и го опишав филмов кога го рецензирав во соодветната тема. И Four Rooms му беше од таков тип, ама овој ептен, сосе чинови, сосе се’. :bow:Исто така, тој е човек кој знае да создаде една комплетна приказна. Од навидум небитни работи, да замрси мудо, да направи таков заплет, а на крај да ти сервира одговори за да не се чудиш. Тие вметнати сцени за дообјаснување ми се закон. Човек кој знае да направи интелигентни дијалози, просто да се чудиш од каде му текнуваат сите тие работи. 8-|

    Од филмов не можам да издвојам омилен лик. Сите ми беа омилени. Дејзи ми беше ептен ретарда, многу излупана во текот на целиот филм и ме воодушеви со говорот на крајот. :rofl: Ворен беше нетипичен лик - црнец, баунти-хантер, водач во војна, pen friend со Линколн. :rofl: Кој неспоив спој. The Hangman беше баш типичен лик, ограничен, правен според правила. За Маникс до самиот крај не знаев што да мислам, некако таква фаца ми имаше, очекував во секој момент да се претвори во предавник. Не ми влеваше доверба. Мексиканецот ми беше пресмешен. Боб. :rofl:

    И моментот со лапање снегулки, мислам дека @Lella го стави... Што е со тие сцени? :rofl:Мора да има некое логично објаснување.

    Ете, тоа ви е Тарантино. Крвав и брутален до срж. За брутални и машкоданести женски како мене. И за нелигави машки. (y)

    Не знам дали кажав се’ што сакав во врска со филмов. Ако ми текне уште нешто - ќе се навратам.:~:

    П.С. Да, филмовите на Тарантино се некако поврзани и се одвиваат во два паралелни универзуми. Исто така си има и одредени trade marks како што е името на цигарите (слабо памтам имиња)...
     
    Последна измена: 4 февруари 2016
    На Mayyya, boomsleng, Someonespecial и 7 други им се допаѓа ова.
  8. Bender Rodriguez

    Bender Rodriguez The lovable rascal

    Се зачлени на:
    27 јуни 2015
    Пораки:
    2.623
    Допаѓања:
    32.778
    Пол:
    Машки
    @Madam-A, морам да те корегирам за неколку работи. Прво, From Dusk Till Dawn, не е од Тарантино, него од мојот роднина, Роберт Родригез, најдобриот другар на Тарантино. Иначе, Квентин само глумеше у филмов. Кој иначе, for the record, мене ми е закон. Второ, од листата го имаш испуштено Inglorious Basterds – не ми кажувај дека не си го гледала, или уште пострашно, дека не ти се допаднал!

    Иако прашањево е реторско, ја да си кажам што мислам. :D

    Генерално, мене ми се допаѓа изборот на глумци на Тарантино, особено што успева да најде непознати, а одлични, глумци, како и да врати некои стари, веќе заборавени, пак у живот.

    У Кучињата, од нафталин го вади Харви Кајтел – одличен, ама веќе подзаборавен глумец од страна на Холивуд, и ги лансира кариерите на Тим Рот и Стив Бушеми.

    У Палп, Траволта буквално го враќа од мртвите – да не беше у филмов, мислам дека веќе одамна немаше да глуми, а сите ќе го памтевме само по Брилијантин. Продолжува да го промовира Рот како одличен глумец, и ни го претставува одличниот Семјуел Џексон, чија кариера после филмов трга у нагорна линија. Кристофер Вокен се појавува на само 5 минути, ама сите ја памтат неговата улога у филмов, а на Брус Вилис најверојатно ова му е последниот добар филм у кариерата. А да, ја открива и Ума Турман, ама ајде, ќе речеме дека во нејзиниот избор бил по малце и пристрасен, пошто размислувал со курето. Лично, со оглед на тоа колку добри глумци откри човеков, спремен сум да му ја простам Ума.

    У Кил Бил, освен Ума, ја промовира Луси Лу, која додуша беше позната, ама само со ужасни филмови, и ја враќа у живот заборавената Дерил Хана. Мајкл Медсен му се провлекува низ сите филмови – може не стана славен и добар глумец, ама кај Тарантино е редовен.

    У Детпруф, го вади од нафталин Курт Расел, кого после 80-ите сите некако го заборавивме, а кој и у Осмицата се покажа како сосема солиден глумец и одличен избор.

    У Копиљаците, го имаше можеби најголемото глумачко откритие за мене последниве години – Кристоф Валц. Каков глумец, каков талент, човече! А да не беше Тарантино, најверојатно ќе си останеше човеков у Австрија и никад немаше да чуеме за него. Исто така, експонирање си доби и Фасбендер, исто така, одличен глумец. И да не ги заборавиме двата женски ликови – глумицата што ја глумеше Шошана, која и да беше, и секако – Дајен Кругер.

    У Џанго, немаше некои глумачки откровенија, барем за мене – може и затоа не ми остави многу голем впечаток филмот.

    Додуша, и у Осмицава немаше некој глумец што посебно ме воодушеви – за овие што не ги знам зборам. Дејзи беше ОК, мада ништо спектакуларно, според мене, шерифот Меникс – исто. Ама, како и да е, интересно ми беше да ги видам на куп стариве глумци на Тарантино.

    Поентата ми е, освен што знае да искористи веќе познати и признаени глумци, како Брус Вилис, Бред Пит, Џејми Фокс и Лео ДиКаприо – што и не е толку големо достигнување за еден режисер, Тарантино знае да врати од мртвите многу стари и заборавени глумци, и да им даде нов сјај, а знае и да ни открие многу непознати таленти.

    Искрено, прв пат слушам за тоа дека го промовирале така филмов – не обрнувам многу внимание на промо-кампањи и чуда.

    Иначе, зависи како ги броиш, претпоставувам. Ако земеме дека првиот филм му е Reservoir Dogs и не го рачунаме неговиот најпрв, аметерско-краткометражен филм, како и да се викаше, редоследот оди вака некако:

    1. Reservoir Dogs

    2. Pulp Fiction

    У Four Rooms има режирано само една од собите, другите 3 се од други режисери, така да не може да го рачунаме како негов филм (П.С. Ако не си го гледала, обавезно да го ѕирнеш).

    3. Jackie Brown (кој, замисли, не сум го гледал сеуште)

    4. и 5. Kill Bill 1 и 2

    У Sin City е само guest director (што и да значи тоа), инаку филмот е на Родригез.

    Death-proof не го сметаме, зашто заедно со Planet Terror на Родригез, е дел од комплетчето наречено Grindhouse.

    6. Inglorious Basterds

    7. Django Unchained

    8. Hateful Eight

    Ете, осум се.

    А може и ова да е:

    Искрено, појма неам зашто се вика така филмов, а уште поискрено – не ми е ни многу гајле. Битно, филмот беше добар, and that’s all that matters.

    Капетане, ја би рекол дека филмовите на Тарантино не се за женскиот пол, генерално. Ама, као што знаеме, на темава немаме „обични“ девојки, со стереотипни вкусови за филмови.

    Инаку, знам ја колку години има @Lella, ама мислењата и се на ниво на (најмалку) 18-годишна девојка. Е па, кога може да пишува и размислува како полнолетна, може богами и да гледа филмови за полнолетни. :D

    Мислев да пишам „филмови за возрасни“, but that just sounded wrong. :rofl:
     
    На boomsleng, Jordanovska-K, Madam-A и 6 други им се допаѓа ова.
  9. Lella

    Lella a blasphemous bitch Член на тимот

    Се зачлени на:
    2 јануари 2013
    Пораки:
    5.288
    Допаѓања:
    28.785
    Пол:
    Женски
    Не се согласувам воопшто дека не требало да го гледам филмов само затоа што не сум машко. Вистина, имаше брутални сцени, но дури и да знаев немаше да се откажам. Сè уште сметам дека е одличен филм и би го гледала повторно. :)
    Зарем се поделија и филмовиве на женски и машки? :?:
     
    На boomsleng, Someonespecial, Lady Phoenix и 2 други им се допаѓа ова.
  10. Captain-Omni

    Captain-Omni Популарен член

    Се зачлени на:
    2 септември 2013
    Пораки:
    662
    Допаѓања:
    5.231
    Истово го пишав у мојот пост, па го избришав за да не ја развлекувам работава колку Тарантино е гение, ги напишав Харви Кајтел и Стив Бушеми како профил на актери кои Квентин ги обожава зашто имаат специфичен лик и појава и се ликови кои може да се моделираат како пластелин. :) Иначе, можеме целово ова фасцинирање да го продужиме на темата која најверојатно никој ја нема видено, а ја отворив вчера. :)
    @Madam-A може да ни контрира, на пример.

    Убедливо најјака улога имаше Курт Расел. Феноменална улога одигра. Дури кога го прочитав пред да го гледам филмот, реков, не ме заебавај не е овој глумец за вакво нешто, ама ме поби до даска. Совршено одиграно.

    Како негови филмови се рачунаат Reservoir dogs, Pulp Fiction, Jackie Brown (ако мене ме прашаш, нишо битно), Kill Bill двата дела како еден филм, Death proof, Inglorious basterds, Django unchained и Hateful eight. Тоа се осум. Еве по Википедија.[/QUOTE]
     
    На Jordanovska-K, Madam-A, Bender Rodriguez и 1 друга личност им се допаѓа ова.
  11. Lella

    Lella a blasphemous bitch Член на тимот

    Се зачлени на:
    2 јануари 2013
    Пораки:
    5.288
    Допаѓања:
    28.785
    Пол:
    Женски
    Малку сум офтопик сега, ама ќе ми простите.
    @Lady Phoenix Сум заборавила во претходниот пост да напишам. И твојот превод не би бил најточен. :D Не е осуммината, туку осумтемина. :)
     
    На BoneMachine и Lady Phoenix им се допаѓа ова.
  12. Madam-A

    Madam-A Популарен член

    Се зачлени на:
    10 мај 2013
    Пораки:
    1.603
    Допаѓања:
    8.005
    Се мислев дали да ве цитирам тука или во темата на Ел Капетино, кога веќе имаме соодветна и конкретна тема за Тарантино ама за да не биде цепкање ајде нека биде тука.

    На најавната шпица идеше, ептен зачаран си седнал да го гледаш, веќе не си критичен :lol:

    Уј, не знаев. Видов Лејди го имаше спомнато и изгледа лошо ја разбрав, толку ми требаше за да го искористам за гомна јадење :D . Фала на корекција. Јас уствари до скоро не запазував кој е режисерот и не ги знам многу режисериве. Тоа последниве години почнав да ги проверувам тие што ми оставиле впечаток и малку слаба сум на тоа поле. Штета...
    А за Бастердите, намерно не ги пишав пошо не ми идеше у прилог на претходно споменатите гомна од менито. Добар му е и тој, еве признавам.

    Го немам гледано, ама пошо ми го имаш посочено, да знаеш ќе го симнам и баш ќе ти пишам импресии.

    јас.
    Јас.
    ЈАС.
    Ј А С ! 8)
    Добро што не беше во 8цава. Немаше место за него лалала :party:



    @RainBow ? Анкетата? [​IMG]
     
    На boomsleng, promeneta, Lady Phoenix и 1 друга личност им се допаѓа ова.
  13. Bender Rodriguez

    Bender Rodriguez The lovable rascal

    Се зачлени на:
    27 јуни 2015
    Пораки:
    2.623
    Допаѓања:
    32.778
    Пол:
    Машки
    Многу долга и развлечена ми се виде воведната шпица, па додека траеше бев ваков:

    [​IMG]

    Па сигурно ради тоа сум го пропуштил моментот. :D
     
    На boomsleng, Kukla994, Madam-A и 3 други им се допаѓа ова.
  14. Madam-A

    Madam-A Популарен член

    Се зачлени на:
    10 мај 2013
    Пораки:
    1.603
    Допаѓања:
    8.005
    :rofl: :rofl: :rofl:

    ___________________________________

    П.с. сaмo штo гo гледaв ѕolace. И тoa би бил мoј предлoг зa нaреднa неделa.
     
    На Bender Rodriguez и Lady Phoenix им се допаѓа ова.
  15. Bender Rodriguez

    Bender Rodriguez The lovable rascal

    Се зачлени на:
    27 јуни 2015
    Пораки:
    2.623
    Допаѓања:
    32.778
    Пол:
    Машки
    Ја мислам сега да се затвори анкетата, па неделава да имаме две у едно - кој сака нека го гледа Room, кој сака Experimenter :D. Сигурно и коментирањето ќе биде многу интересно.

    П:С. Кои сте вие 5 души што упорно гласате за Room, да ми е да знам. Додуша, прошлава недела 14 беа. :D

    П.П.С. Еден дел од мене и посакува да победи Room, па да чуете што имам ја да кажам за вашиов филм. :devil:
     
    На Sky-butterfly, IronLady, do-re-mi и 2 други им се допаѓа ова.
  16. Madam-A

    Madam-A Популарен член

    Се зачлени на:
    10 мај 2013
    Пораки:
    1.603
    Допаѓања:
    8.005
    @RainBow , затварај додека води Рум, да му се напне Бендер, да се изнасмееме :devil: .

    Да немав гласано за Експерименталниов, ќе гласав за Рум жими се. Мислам дека нејќам никогаш да коментираме филм шо би ти се свиѓал @Bender Rodriguez :D , препрајслес ти се мрчењата за да немаме прилика да ги читаме. Патем, ако се отвориш така за некој филм во темата за рецензии, те молам тагни ме пошо немам навика да ја отварам, а не сакам да не го пропуштам мислењето. :lol:

    туку до кога ни е анкетава? сакам денес да ја завршам обавезата со филмов пошо можно е да сум зафатена другиве денови...
     
    На Jordanovska-K, Lella, Bender Rodriguez и 1 друга личност им се допаѓа ова.
  17. RainBow

    RainBow Глобален модератор Член на тимот

    Се зачлени на:
    3 декември 2009
    Пораки:
    21.752
    Допаѓања:
    65.216
    Пол:
    Женски
    Room it is. Може од утре да се почне со мислења, повеќето го гледале, кој не го гледал има време неделава да го изгледа и да се вклучи. :)
     
    На blueberry93 и Bender Rodriguez им се допаѓа ова.
  18. Lady Phoenix

    Lady Phoenix Форумски идол

    Се зачлени на:
    10 мај 2015
    Пораки:
    2.033
    Допаѓања:
    58.306
    Пол:
    Женски
    Аххх, нема лајк за ова, Реин. :P
     
    На Bender Rodriguez му/ѝ се допаѓа ова.
  19. Bender Rodriguez

    Bender Rodriguez The lovable rascal

    Се зачлени на:
    27 јуни 2015
    Пораки:
    2.623
    Допаѓања:
    32.778
    Пол:
    Машки
    Е да бе, ќе гледаме филмови што Бендер ги мрази, за да го слушаме после како мрчи. :D

    Немој така бе, и ја сум жива душичка, сакам добри филмови да гледам.

    Не пишувам таму, затоа што темата е кратка рецензија, а моиве рецензии се све освен кратки :D, а башка и секој збор ми е спојлер. Вака, овде на раат можам да си ја отворам душата.

    [​IMG]

    Е па, чекајте импресии утре-задутре. :devil:
     
    На Jordanovska-K, Madam-A, Winter Lady и 1 друга личност им се допаѓа ова.
  20. blueberry93

    blueberry93 Популарен член

    Се зачлени на:
    2 јули 2010
    Пораки:
    1.660
    Допаѓања:
    4.474
    :$
     
    На Madam-A, Lady Phoenix и Bender Rodriguez им се допаѓа ова.