ТЕМА: Интернет тролови

04 Сеп 2010, 02:36

Во последно време се појавија тролови на форумот, па чувствувам потреба да појаснам што е тоа интернет трол и како да се однесувате кон нив.

Дефиниција
На интернет, трол е некој којшто испраќа провокативни, нерелевантни или оф-топик пораки во онлајн заедница, како онлајн форум за дискусија, чет соба или блог, со основна цел да испровоцира силна емотивна реакција кај останатите корисници или да го наруши нормалниот тек на дискусијата.

За остварување на својата цел, тролот се служи со лаги, инсинуации, манипулации и сл.

Како да го победите во дискусијата?
Не можете да победите трол! Колку и да се силни вашите аргументи, тој нема да го промени својот став и ќе продолжи да ве провоцира, обидувајќи се да ве дискредитира на секој можен начин. Тролот нема да ја напушти дискусијата и секогаш ќе се обидува да одговори последен. Негова мисија е да ја уништи темата и да предизвика контроверзност во заедницата.

Основно правило: Не ги хранете троловите!

Со секој ваш одговор и реакција на мислењата на тролот, вие всушност му помагате да ја оствари неговата цел. Единствен начин за справување со троловите е да ги игнорирате. Кога ќе забележите трол, едноставно игнорирајте го и не одговарајте. Не му се спротивставувајте, не го навредувајте, не му велете дека е трол... Продолжете со дискусијата како ништо да не било.

04 Сеп 2010, 02:40

Да да ... и јас тоа заприметив..нон стоп личноста сака да коментира последна,провоцира,манипулира...Само незнаев дека вака се нарекуваат

Само игнор!

04 Сеп 2010, 03:02

ехе, такви како симона а, и компанија се почесто се појавуваат на форумов

од проста причина што немаат што да праат, па ајде ке дојдат да мавнат некој трол на фемина...едонставно, не ги рецкајте ни 2%... само пријава и чао пријатно!колку повеќе им обрнуваме внимание, толку повеќе ќе тропаат на странава

04 Сеп 2010, 10:40

Да ги игнорираме е најпаметно, ама некогаш човек просто не може да се воздржи.
Сепак мислам дека е најдобро да го прифатиме советот на Билката и да не влетуваме во расправии со троловите, бидејќи на тој начин само им помагаме да го остварат она што го сакаат. Тие се регистрирале со цел што повеќе да не изнервираат, испровоцираат, и кога ние им враќаме со исто, тие уживаат во победата.
Значи штом се појави некој таков, наше е да го пријавиме а понатаму Билката нека си тера работа. Единствено што не ми се допаѓа е што темите се заклучуваат. Тоа не е во ред. Нека се избришат мислењата што се оф топик, троловите нека се банираат, а темата не мора да се заклучува. Веќе загубивме многу убави теми, и јас мислам дека треба да бидат отклучени. Поздрав

04 Сеп 2010, 12:23

Се согласувам со мислењето на Unfaithful18,не треба да се заклучуваат темите,туку да се избришат мислењата на т.н.интернет тролови.Еве темата Врска со повозрасен ми се допагаше и баш може да се дискутира на таа тема.Вистина е дека темата е хаос во последно време,но сметам дека треба да се избришат тие мислења и да си остане темата.Форумот е за дискусии и кажување на мислење не е за препукување на луѓе кои немаат попаметна работа.Навистина претераа во последно време.Ме чуди што е интересно во тоа да се нарушува добрата атмосфера во форумот и да се измислуваат приказни од шпански серии.Навистина има многу несозреани и глупи личности.

Веб сајт · 04 Сеп 2010, 13:17

Па на кој форум ги нема троловите?!
Тоа ти се некои исфрустрирани ликови, што веројатно реалноста не ја сфаќаат баш како што треба, па зачленување на форуми и замарање на членовите им е единствен начин за комуникација и разонода.
Кога се зачленив на Фемина форумот, воопшто не ги приметував, не ги ни имаше мислам. Ама со текот на времето се повеќе и повеќе никнуваат, како да немаат попаметна работа.
И ние како жени нормално, избувливи , наместо на ја смириме ситуацијата ги “храниме“троловите. Ама тоа е, од кај да знаеме ние какви луѓе се кријат зад секое корисничко име!
А тоа за темите да, жално е што заради нив престанува некоја добра дискусија. Единствено тоа може да се измени.

04 Сеп 2010, 13:24

Браво Билке за темава....
Навистина овие неколку "никови", личности, потсетуваа еден на друг , баш поради овие "тролски" особини

И навистина ме нервираат вакви работи, иако се трудам да се исконтролирам, сепак ми е мака дека се уништуваат темите, многу теми останаа уништени, како "на кој мобилен оператор сте претплатник", се изгуби вистинската смисла на темите.... се надевам се ќе се среди во скоро време