ТЕМА: Конкурс за модератори

07 Ное 2011, 02:28

Ако сакате да помогнете во одржувањето и развивањето на најголемиот женски форум во Македонија, испратете ми лична порака во која ќе напишете нешто повеќе за себе (не е задолжително), зошто би сакале да станете модератор и колку време имате на располагање. Задолжително наведете 3 категории коишто би сакале да ги уредувате (подредени по приоритет). Потребно е да бидете активни во категориите и да придонесувате во разработувањето на темите, па изберете ги категориите кои ви будат најголем интерес.
Категории се Мода и стил, Лице, Тело, Коса, а НЕ Убавина и мода, Љубов и секс, Диети и фитнес (последниве се секции).

ЧПП

Како ќе знам што треба да правам?
Ако бидете избрани за модератор, ќе имате на располагање детални инструкции за модерирање, а ќе можете и да се консултирате со другите модератори при донесувањето на каква било одлука.
Не сум компјутерски експерт. Дали ќе можам да бидам модератор?
Ако немате проблеми со секојдневното користење на компјутер, уредувањето на форумот нема да ви претставува никаква тешкотија. Впрочем, уредувањето не е многу поразлично од партиципацијата во форумот. Едноставно ќе добиете дополнителни опции за преместување, заклучување и спојување на теми, за редактирање, преместување и бришење на мислења, ќе можете да испраќате опомени и сл.
Не знам дали ќе имам доволно време за да бидам модератор.
Ако сте редовен и активен посетител на форумот, тоа е сосема доволно за да бидете и модератор. Немате обврска да ги читате сите мислења, ниту пак сте задолжени да поминувате одредено време во уредување. Уредувањето на форумот е на доброволна основа, па никој нема да ви забележи дури и ако отсуствувате извесно време.
Дали модераторот може да пишува мислења? Дали може да контактира со останатите членови?
Да, секако дека може. Ако станете модератор, продолжувате да си го користите форумот на вообичаениот начин.
Каква функција има модераторот?
Модераторот треба да се грижи за почитувањето на правилата на форумот и да ги одржува своите категории организирани (со помош на спојување/преместување/бришење на теми и преместување/бришење/редактирање на мислења).
До кога ќе трае конкурсот?
Конкурсот ќе трае две недели, односно до 20 ноември (недела).
Дали модераторот треба да биде строг и груб кон останатите членови?
Не. Модераторите не смеат да пишуваат работи од типот: „Зошто ле си отворила ваква глупава тема овде?“, „Аман веќе од вакви како тебе!“, „Алоооо, не гледаш дека има веќе вакви теми?!?“, „Лелееее, уште не се научивте да пишувате на кирилица?“ и сл. Модераторите не треба да влегуваат во конфликт со членовите на форумот, туку напротив, треба да им помагаат да се вклопат и да бидат пријателски настроени кон нив.

Ако имате какви било други прашања, слободно поставете ги во темава.

ВАЖНО:
Ако се пријавите, тоа не значи дека автоматски ќе бидете поставени за модератор. Модераторите ќе бидат избирани според неколку критериуми, како бројот и квалитетот на нивните досегашни мислења, односот кон другите членови, времето поминувано на форумот итн. Кандидатурите ќе бидат од отворен тип, т.е. нема да ви одговараме дали и кога ќе бидете или нема да бидете примени за модератор. Едноставно ќе ве повикаме штом решиме дека е соодветен момент.

07 Ное 2011, 02:40

[*]Дали модераторот треба да биде строг и груб кон останатите членови?
Не. Модераторите не смеат да пишуваат работи од типот: „Зошто ле си отворила ваква глупава тема овде?“, „Аман веќе од вакви како тебе!“, „Алоооо, не гледаш дека има веќе вакви теми?!?“, „Лелееее, уште не се научивте да пишувате на кирилица?“ и сл. Модераторите не треба да влегуваат во конфликт со членовите на форумот, туку напротив, треба да им помагаат да се вклопат и да бидат пријателски настроени кон нив.[/list]

Кога го прочитав ова паметот ми отиде на Виножитка и на нејзиното смајли на речиси секој крај од нејзините постови, кое колку и да си искаран те наведува да помислиш дека е со “арно“ кажано.

И уште нешто, сметам дека за некои теми треба годините да бидат пресудни.

Со среќа на сите што ќе конкурираат.

07 Ное 2011, 20:26

Колку и да е оффтопик морам да дадам едно објаснување.
Кога ја спомнав Виножитка поентата ми беше дека и се восхитувам на смиреноста и одмереноста, како и на добронамерноста која се чуствува во нејзините зборови.

Не секогаш наводниците си ја вршат работата

07 Ное 2011, 20:44

Едно прашање... а што ако станеш модератор и по извесно време, пример од обврски, ако немаш доволно време или едноставно веќе не сакаш да бидеш, дали е можно да се откажеш од оваа, да ја наречам, "модераторска работа"?

Скриен текст: покажи

07 Ное 2011, 20:53

A дали бирате модератор и врз основа на цветчето ?

07 Ное 2011, 20:57

ВАЖНО:
Ако се пријавите, тоа не значи дека автоматски ќе бидете поставени за модератор. Модераторите ќе бидат избирани според неколку критериуми, како бројот и квалитетот на нивните досегашни мислења, односот кон другите членови, времето поминувано на форумот итн. Кандидатурите ќе бидат од отворен тип, т.е. нема да ви одговараме дали и кога ќе бидете или нема да бидете примени за модератор. Едноставно ќе ве повикаме штом решиме дека е соодветен момент.

07 Ное 2011, 23:42

Emma89 напиша:Едно прашање... а што ако станеш модератор и по извесно време, пример од обврски, ако немаш доволно време или едноставно веќе не сакаш да бидеш, дали е можно да се откажеш од оваа, да ја наречам, "модераторска работа"?

Конкурсот и пријавувањето се на доброволна основа па така и откажувањето е доброволно(но има и друг случај кога администраторите можат да тргнат модератор од модератосрка функција ако некој ја злоупотребува функцијата или не е долго време приклучен и нема никакви акции без претходна најава), ако сметаш дека не можеш повеќе да ја извршуваш обврската како модератор, ама штом некој смета дека нема да има доволно време од обврски поарно нека не се пријавува, а ако мисли дека може да ги координира обврските со посетата на форумов нека му е со среќа пријавувањето.

Е сега е се појасно мислам, со среќа на сите што ќе се пријават