Не сум знаел за ова а подолго време копам биткоин. Ќе се најде решение и за тоа ама и нема потреба да ги вадам во банка кога се што ми треба да купам можам да нарачам од интернет и да платам со биткоин.
Кај нас не е нелегално да копаш, туку да тргуваш со криптовалути. Можеш и да си подигнеш пари од коинматите (банкомати за криптовалути). Ги има во Косово, Србија, Хрватска, Словенија. Тоа од поблисково соседство. Таму не знам како им е законски уредено, но знам дека одредени добра и услуги можеш да ги платиш со биткоини. Доколку трговецот се сложува, секако. На пример, во Хрватска можеш да си го платиш факултетот во бтц. (не можам да се сетам кој универзитет беше во прашање). Во ЕУ, размената на криптовалути е прогласена за легална финансиска трансакција, во Дубаи можеш да си купиш куќа со биткоини, Русија си подготвува своја крипто-рубља, а Белорусија донесе „Супер либерална законска регулатива за криптовалути и блокчеин технологии“. Значи со закон го дозволува и го регулира тргувањето и прометот со истите. Во првите пет години добивката ќе биде ослободена од данок, и плус државата го отвора патот за привлекување ИТ компании кои ги развиваат овие технологии. Еве на пример, корпорациите како Мајкрософт, Интел, Ј.П.Морган веќе се здружија во Enterprise Ethereum Alliance, групација која го поддржува развојот на етериумот, и оваа блокчејн технологија ја користат во своето работење. Е ова е паметна политика, вакво нешто на нашиве во сон не би им текнало. Ние уште појма немаме како функционира светот. Сега засега, едно те исто ќе слушаме: не може ова, не е дозволено она, вака, така. Ама едно знам: на нас Македонциве, не ни е непознато рударењето криптовалути, има земено добар замав. Затоа и е чисто Бинго да начекаш солидна графичка картичка, сите ги грабаат одма и погодете за што ги користат?
Чудно ова со "копањето". Просто ми објаснија за што всушност се работи: Мојот сервер го ставам на берза каде се бараат сервери за поддршка на игри кои бараат голема јачина. Но ,јачината на еден просечен компјутер е мала и не врши работа па затоа ИТ познавачите купуваат процесори и дополнително ги вградуваат на ПЦ-то (бај д веј во ниту една фирма која се бави со пеодажба на делови за ПВ во монентов НЕМА процесори зашто се искупени па се купуваат нелегално од Косово). Така вградените процесори (најмалку 5) ги нудиш на пазар и те ангажира некој..и те користи..за сметка на тоа добиваш надомест изразен во БИТКОИНИ. Си имаш своја сметка која миц-по-миц расте. Некој се офајдил,некој не. Имаме близок кој има нешто на сметка и жива радознала сум дали ќе може да ги искористи. Иначе во собата каде е сместено ПЦ -то со вградени 9 процесори е толку топло,како во парен котел да си..а трошат струја невидено многу.
Зошто да не е легално? Еве јас пред некој месец си купив половен монитор од еден дечко на кој му платив во биткоини. Што има нелегално тука и кој што може да ми направи?
Да ама веројатно и двајцата сте рудари и си имате виртуелно новчаниче? Вака ни лук јал, ни лук мирисал, кој ќе ве дознае Не можеш да речеме да појдеш во „Нептун“ и да си купиш телевизор или фрижидер со биткоини, или во Тинекс да пазариш со нив, на тоа мислев.
Хм, ова не е класично копање криптовалути, туку некој те најмува за одредена работа и ти плаќа во биткоини.
Како што ме подучија, копањето е решавање одредени математички операции, алгоритми, со кои се подобрува системот на заштита на интернет трансакциите, односно нивната безбедност. И тоа за многумина многу значи, (пример за банките, ко се постојана цел на хакерски напади, безбедносни институции и сл). Толку разбрав јас, ако некој знае нешто друго, радо би го чуле.
Се користи моќта на компјутерот со помош на алгоритми да решава сложени математички задачи со кои се потврдуаат и обезбедуваат трансакции од еден корисник на друг во децентрализирана мрежа и со тоа оној кој копа профитира бидејќи на еден начин врши услуга. Копањето подразбира додавање податоци на биткоин трансакции во глобалната јавна книга на биткоин на минати трансакции (blockchain). Секоја група на трансакции се нарекува блок. Блоковите се обезбедени или ''контролирани'' од биткоин копачи кои се поврзани помеѓу себи и формираат синџир. Корисникот кој прв ја решава сложувалката или загатката преминува на следниот блок од блок синџирот и добива награда тоест профит во криптовалута Биткоин. Порано секој кој имаше пристап до интернет и имаше компјутер можеше да копа. Но бидејќи копањето од час на час станува се потешко потребен е специјализиран моќен хардвер (може да се купи или состави од процесори и графички карти но и тие се слаби веќе). Вкупно ќе има 21 милион биткоини. Се предвидува дека последниот биткоин ќе биде ископан 2114 година.
Моменталоно користам стар минер но му правев модификации и му вградив 3 графички карти, планирам понатака да набавам нов минер.
Виртуелните валути се само тоа - виртуелни. Ќе биде интересно за 2 до 3 години максиум кога сето ова копање ќе доживее катаклизма. Единствена реална заработка од оваа ќе има Мајкрософт.
балон кој кога тогаш ќе пукне, е тогаш ќе завладее вистинска криза...го пратам, има големи вложувања, тоа и ме плаши..
Никој не знае што може да се случи со криптовалутите... Од пред неколку години сум запознаена со ова. Копав litecoin дома на компјутер. Ископав 10 тогаш имаше многу ниска цена и почна да опаѓа цената и се откажав од се ја продадов графичката и останаа така тие 10 и оваа година кога цената се качи отворив да видам што се случило со нив и ги немаше ми пропаднале и профилот не ми беше активен. Инаку биткоинот веќе многу е тешко да го копаш... Се мислам пак да почнам да копам ама друга валута, етерум. Според статистики и што читав на форуми, етерумот за некое време ќе се качи многу , но ќе видиме..
