Сега ги видов мислењава, па да се надоврзам. Ја купив програмата и буквално три недели не излегов од кујна, многу готвење, купување секој ден продукти и садови по цели денови капак ми беше. Изнакупив куп намирници, не правев грешки, ама фрлав многу храна затоа што ми остануваше дел од сите намирници. Имаше и брзи и вкусни рецепти. Можеби да ги повторував едните исти би заштедила на време, еден ручек за два дена, ама јас терав баш по редослед како што беше наведено. За жена којашто штотуку се породила и дои требало да смисли полесни рецепти, барем мене ми се виде ептен комплицирана програмата И на целото ова спремање на оброци се нема време за вежбање, а само со исхранава тешко ефект, не ослабев ни грам.
Јас тогаш сепак не почнав, еве сега де мислам за од утре и тоа ми е мисла, како ќе ме биде со готвењето… со близначиња сум дома од кои едната е прилично захтевна и сака повеќе во раце, не стигам ни манџа да направам деновиве, не па оброци за мене, а посебно за сопруг и големо дете… ќе пробам, па ако не бива, ќе си ги правам старите инста фит рецепти, тие ми се сигурица за слабеење, ама се намалува млеко, па ќе останат за понатака. Жал ми е за парите што ги дадов за програмава, па затоа ќе пробам
Лактамикс, само внимавај ако имаш млеко, немој да пиеш дополнително чај за да зголемиш. Јас каква беља си направив на почетокот, имав млеко на претек, а мислев дека мора као да пијам чај и градите преполни, па кренав тт, грозница, едвај се средив, ја доев ќерка ми и се измолзував.
Имам млеко и малку и мене ми е чудно зошто и педијатар и патронажната ми рекоа да пијам, а мене градите полни бебе само се засркнува кај лакомо голта, кај наеднаш и наидува млеко. Во петокот бевме на педијатар бебе напредува не знам зошто ми велат за чај јас така одвај ја местам дека полни ми се градите и ко балони ги осеќам. И цица и се измолзувам
Епа тоа и мене ме зачуди, знам пишуваше дека малото ти се засркнува и гледаш дека имаш млеко. Па ако и напредува, не знам зошто така ти рекле. Мојата бајаги напредуваше на почеток, никој не ми рекол за чај, ја сама пиев мислејќи немам млеко и мора да се пие а и малава моја се давеше исто од млекото. Не знам, да не солам памет, ако си имаш млеко, не гледам зошто и чај додатно да пиеш. Јас тогаш одма престанав, имав млеко, џабе беше чајот.
Искрено и јас не знам зошто ми викат да пијам кога се гледа дека имам млеко. Одвај се справувам со неа и се молзам пред доење и пак се засркнува. Градите полни ко балони ги осеќам. Ми беше нелогично тоа да пијам ама ајде си реков може така треба. На педијатар ја мереа по 30гр дневно крева што значи супер напредува. Фала за советот ко е таква работата воопшто не почнувам сега со чај.
Пробај смени ако не поза на доење, или минимално поткрени ја додека цица. Паузирај па пак продолжи. Не знам што да ти кажам, ете и јас така мислев, секоја што дои мора да пие чај, ама ако има млеко, не гледам зошто да мора. Штом и ти се преполни, значи млеко си имаш. Не знам, разговарај со педијатарот ако не, која е причината чај да пиеш а имаш млеко, ако веќе не сакаш на своја рака да одлучиш да не пиеш.
Само твоево мислење го најдов во врска со ова на форумов. Знам дека е постаро мислење, ама дали памтиш кои симптоми ги имаше бебето за да заврши на аспирација? Моево се дави при цицање и закашлува често пати, ама 2 пати останува без воздух и се згрчува, не пушта звук, ме извади од памет, ќе го носам на преглед да видиме за што се работи, ама би сакала да прочитам искуство околу аспирацијата.
Мислењево не ми е стручно, сум слушнала и така правам. Кога вака при цицање исто ми се случува да остане без воздух, да се дави (не знам како да објаснам), само го тргам од града и му дувам малку во лице. Веднаш си зема воздух и потоа продолжува со цицање. Ама ова ми се случува ретко и најчесто кога е многу гладен или кога почнува да цица, на почетокот. А некогаш му зборувам полека земи воздух, не брзај. И ова понекогаш успева.
Јас да си ја олеснам душичката. Се изнамачив со доењето, нит млеко нит она сакаше да цица, па со редовно пумпање си надојде млеко, и еве осум месеци јас молзам и ја ранам. И само викав дека едвај чекам да прекинам, се осеќав како роб на пумпата. Само еден подој имав и тоа навечер, друго се молзев. И еве сега од доктор совет да престанам со молзење поради одредени здравствени причини, и оф колку имам измешани емоции! Со солзи прекинувам да молзам и да ја дојам. Хормониве се чудна работа.
Дали осетивте некоја разлика во млекото околу трет месец? До пред една недела супер си цицаше, од една града се најадувашеза околу 20 мин и си беше задоволна, сега после 20 мин на една града ми плаче, ја ставам на другата ќе поцица 10тина мин и е пак задоволна. Не сум под стрес или да сум болна. По календарот треба да добијам утре, иако немам симптоми, ама претходните два пати кога добив не осетив промена. Нешто ми излезе на нет дека овој период се регулирало млекото, па може да се намалувало или не знам што, ама сакам да чујам и ваше искуство.
Апсолутно да и се чудам зошто не се зборува повеќе за ова. Околу трет месец пост партум има промена од млеко кое се произведува поради ниво на хормони, во млеко кое се произведува според побарувачка (секако дека и двете имаат удел во двата периоди, но зборуваме за повеќе и помалку). Практично тоа е тоа ,,стабилизирање на млеко”. Мнооогу мајки тука се откажуваат од доење поради тоа што мислат дека им снемало млеко а воопшто не е така. Кај мене тој ,,пад” траеше околу 2-3 недели додека се врати во нормала. Секое breastfeeding journey е различно ама би те посоветувала ако сакаш да продолжиш да доиш да не даваш шише бидејќи многу лесно се навикнуваат на шише и одбиваат града, малтене како правило. Што и да решиш да правиш, тоа си е само твој избор и не дозволувај притисоци од надвор.
Ај ако сакаш, да ми го опишеш “давењето”. Како се дешава. На пример моево се засркнува, ќе му залетне, па ќе се раскашла и ок ќе помине. Ама некогаш, ќе се засркне и ќе почне да губи воздух. И се врти како кифла наназад и некое време како да зајдува изгледа, со отворена уста без глас и без воздух. Тоа одприлика трае 10тина секунди ма да изгледа како цела вечност. Потоа се враќа назад, кратко заплакува, и го чувам во раце е смирено. Диши пак нормално. Двајца доев претходно се засркнувале, ама вака без воздух ниедно не ми останало. Второто си имаше holding breath spell редовно, или по нашки зајдување, со модрење и губење свест дури и за најмала работа кога не му беше по ќеиф, ама тоа почнува после 5-6 месеци, ова не е тоа. Ова сега следи по засркнување и ептен ме вади од памет.
Еве и мојава е иста, абе животиве ни ги скрати, големата не правеше вака. Два месеци е сега и конечно е подобра со давењево. Инаку се засркнува и почнува да се дави, снемува воздух и помодрува. Ја исправам и тек после неколку секунди зема драматично воздух, искашлува и почнува вриштење до бескрај. Ова загрцнување не е тоа што мислиш. Таа аспирација прави влажно, отежнаго дишење исто како при пневмонија. Всушност тоа и е аспирациона пневмонија. Ако си диши бебето убаво, ако не кашла влажно, длабоко ок си е сигурно. На педијатар однеси нека го слушнат ако ти е на мисла, ама не би требало да има нешто.
Еве сега пак се деси. Не можам жими се. Трето требаше “само да се гледа” демек. Ова нозе ми крати од прв ден. Исто синее дур нема воздух после вриснува, ама не плаче многу. Сеа е претерано смирено и поспано. Му го дадов на маж ми, мене да ми олади глава. Мислам мал срцев удар доживувам. Не знам дали е нормално, дали не е.. се изначитав глупости на интернет… главава ми е полна се и сешто.
Не читај куп дијагнози ќе изнајдеш. Месец има така? Мојава така докај месец ипол најинтензивно се давеше. Последно додуша денес сабајле после сигурно неколку дена и баш долго ми се виде додека да земе воздух. Зборев и со двајца педијатри, ја слушаат чиста е, ми рекоа дека не е ништо страшно, лакома е многу и мнооогу силно влече. Се додека му е ок дишењето, не крчи или свирка надолу не е страшно. И мене демек второ, не се замараш ама ова е скроз различно од првото. Небо и земја од старт се.
Не читај глупости, дијагнози на интернет... и мојата се давеше така, се грчеше у давење сред подој... А прво а трето, и јас бев ко тебе, ладна пот ме обливаше.
Се изначитав и се убедив дека е тоа аспирација нешто поима немам што и да е тоа. Едвај се разубедив денеска да не одам на итна, таму секогаш кога одам се враќам со 3 нови вируси. Утре рано ќе одам на педијатар. Нема шанси да не се замараш. Секое си е своја приказна и ќе ти белее коса различно. А вака исто поспано е после тоа? Клапнато некако не знам ни да опишам ко преморено.. Нормално е вака да биде? Сега почна кај нас ова. Деновиве. И еве денеска 2 пати. Зарем може често да се дешава? Еве трето ми е појма немам дека со млеко може вака да се дави. Мислам душава ми го напушта телово кога се дешава.
