Точно, ефектите се наплаќаат дебело, само чад да ти пуштат на сцена е неколку илјадарки и тоа за секоја проба се плаќаат ефектите, секој видео бим, секој рефлектор, се се наплаќа.
Ако беше запросена госпоѓица од друга земја на Евровизија, коментарите ќе ни беа слатко, прекрасно, емотивно, смело итн. А кога се работи за нас самите, тогаш е скандал, брука, невкусно, непотребно и мизерно. Зошто не се цениме и сакаме меѓусебно, а потоа бараме да бидеме прифатени надвор?
И на крајот не сте во финале, а додека се продолжува со ваков аматеризам и непрофесионализам, нема да бидете ниту во наредните децении Ама што му е гајле на македончето, кога нему натпреварувачкиот и победничкиот дух му е на нула.
„И на крајот не сте во финале, а додека се продолжува со ваков аматеризам и непрофесионализам, нема да бидете ниту во наредните децении“! Се обраќаш ко да не си од Македонија или живееш во Мк, а немаш македонско потекло. Мислам не е ништо страшно. Само прашав. Јас мислам дека Македонија нема никогаш да победи на Евровизија. Не само од непрофесионалност, туку и од многу други фактори.
Запросувањето јавно стана патетика и досадно. Што покажа сега пејачката, дека е трудна и ќе се мажи? И што со тоа? Мене тоа ми се виде смешно. Не мора сегде да има запросувања, аман, не па на Евровизија. Неискусни пејачки со една, две песни и ниту еден хит не се за Евровизија, па уште и со детско однесување. Македонија упорно се труди да се промовира на Евровизија ама тешко. Имаше многу критики за запросувањето на Фејсбук дека со простотилук никаде не се оди. Тоа што е трудна не му е гајле на некој Европјанин. Јана не е европска мега ѕвезда, туку е анонимус и за многу Македонци. Крајно отишла да пее, а не да се бламира пред Европа како е трудна и ќе се мажи. Ок, има и друг редослед за зрели луѓе, а тоа е брак па бременост.
@shz се согласувам со напишаното. Наместо да фрламе пари за Евровизија, тие пари може да се донираат во хуманитарни цели. Така на многу болни ќе им се помогне. Ама на господата од МТВ побитно им е да се прошетаат на туѓ трошок. Треба да земат пример од турците. Они веќе 5 години ја бојкотираат Евровизија заради лошиот начин на гласање.
Леле што читам... На никој не му било гајле дали Јана е трудна и притоа ова било брука. За кој е брука ако никој не го интересира? Мене не ми е логично. Самите ги преувеличувате и ги мешате работите. Чиниш ова со бременоста цел живот ќе се памти. Ви текнува ли дека пред само две - три години имаше една што настапуваше бремена во седми месец?
Сто пати нема да кажувам како за мене беше се тоа пријатно изненадување, иако не ја познавам девојката приватно, но сакам да ти кажам нешто за редоследот кој го спомна на крајот. Тој редослед дури и во минатиот век не важеше, а не па сега, имам многу пријатели (парови) кои не се земени, си живеат заедно и си планираат бебиња, не ја ставаат свадбата и бракот во преден план, и тоа не значи дека помалку се сакаат таквите парови, и никако не значи дека тие деца не се посакувани. Имам пријателка која нема партнер и сериозно размислува да си има дете од донатор. 21век е, не треба да се замараат луѓето кој како си го планира текот на животот и сопствениот редослед на настаните, семејството, како и начинот на кој се труди да дојде до целта. Ако на луѓето им е во ред да не го следат редоследот кој ти го спомна, тогаш за мене е уште повеќе во ред. Јас и мојот сопруг мислам дека цел живот сме заедно, во брак сме веќе 7 години, и уште 6 претходно во врска, во исчекување сме на нашето прво дете, не дека ние сакавме да биде дури сега, но така ни се поклопуваа коцките, а си пробувавме и пред бракот, едноставно со некого знаеш дека ти е убаво и дека сакаш да имаш семејство, без разлика на редоследот на настаните. Сериозно е глупаво да ја критикувате Јана за бременоста и запросувањето, ако не ви се допаѓа, не го следете нејзиниот пример и поинаку планирајте си ги животните настани, ако и сте воопшто сигурни дека се оди по план и редослед кој вие сте го замислиле.
Мислам дека треба да се коментира настапот на Јана, а не нејзината бременост и запросување. Лани претставничката на Малта настапуваше бремена. Исто така и претставничката на Полска во 2006 година. Ама тоа е во ред, а тоа со Јана е осудено на потсмев. Срамота.
Не ни е потребна Евровизија. И така нема шанси некогаш да бидеме во првите 10 пласирани. А се сомневам и дека некогаш ќе влеземе во финале.
Па Малта лани се пласирале во финале, за разлика од некој друг. Јас чув за сума поголема од 300.000 евра.
Хаахаха, баш така, тоа политичарине милијарди евра покрадоа, станови. куќи, коли, викендици, јахти и што уште не изнакупија со наши пари, па за 200.000 евра за Евровизија ќе правиме проблем, јас сум прва за тоа да не се фрлаат пари на глупости, ама кога веќе не крадат, барем нека потрошат и една трошка за наша забава, на 2.000.000 граѓани 200.000 евра е ништо страшно, 6 денари од граѓанин му доаѓа , па мене ми се свиѓа Евровизија, еве јас лично за Евровизија ќе донирам, не 6 денари, еве 160 денари годишно .
На Евровизија се промовира културата на секоја држава и затоа треба да се пее на мајчин јазик. Сега модерно е да се пее на англиски. Не знам што бара Австралија кога не е дел од Европа? На еден сајт прочитав дека можно е и САД да учествува. Ако биде така, навистина претераа.
