Како што видов, никој нема отвoрено тема за 2026, а време е да стартуваме една. Во 2026 година јубилејното 70-то издание на натпреварот ќе се одржи во Виена, Австрија по победата на JJ со песната Wasted Love. Полуфиналните вечери се закажани за 12 и 14 мај 2026, а финалето е на 16 мај 2026. Официјално знаеме дека Македонија нема да учествува во 2026, иако претходно имаше гласини за учество преку Боби Андонов, и имало и понуда за финансиска поддршка од неговата менаџерска куќа - понуда што била одбиена од страна на МРТ. Сè уште, многумина се скептични кон 2026, за жал, оваа година натпреварот е со полоша репутација од било кога. На 04.12.2025, официјално е потврдено дека заради учеството на Израел, неколку држави ја напуштија Евровизија - Холандија, Ирска, Словенија и Шпанија. Навистина е тажно што фестивалот кој некогаш ми беше омилен и кој со нетрпение го чекав, сега почнува да ми се одмилува токму поради учеството на држава која вршеше и активно врши геноцид, а ЕБУ очигледно премижува на се'. Според вас, дали овие тешки одлуки се оправдани и дали мислите дека други држави ќе ја следат одлуката на оваа четворка и со колку држави вкупно ќе се одржи Евровизија 2026?
Она што исто така вреди да спомене се промените најавени од ЕБУ, односно промени во правилата за гласање за да спречи влијание од влади и организирани кампањи (ова конкретно го правеше Израел со години, но најизразено 2024 и 2025). Од следната година, фановите ќе можат да дадат само 10 гласови наместо 20, а ќе има и мерки против лажно или координирано гласање. Професионалните жирија ќе се вратат во полуфиналињата. Но, и покрај четирите држави кои одлучија да бојкотираат заради учеството на Израел, други телевизии имаат спротивно мислење. Германија веројатно би се повлекла ако Израел биде баниран (уште еднаш, на погрешната страна од историјата). Директорот на австрискиот ORF, Роланд Вајсман, дури и отпатувал во Израел по примирјето во Газа и изјавил дека Израел е „неразделен дел од Евровизија.“
Од секогаш и беше политичка манифестација ама од оваа година е геноцидна манифестација. Имаа прилика да го обелат образот ама си продолжија да тераат агенда. На Израел 2 години по ред за влакно им избега победата и тоа со наместени гласови од публика и масовно купување картици низ цела Европа. Е па оваа година ќе победат и тоа сигурно. Очекувам уште неколку повлекувања како Исланд, Белгија и може уште 2-3 држави. После тоа котизацијата за учество ќе се зголеми дупло па можно е уште некое повлекување заради финансиски причини. Ама Ебу беа спремни на ваков исход па затоа беше и форсирањето врз некои земји да се вратат како Бугарија, Романија па и за нас, за да се потполни бројката на тие што ќе напуштат. Спремни се на се дури и да спаднат на 27 земји и да нема полуфинале само Израел да учествува, за Израел секоја цена ќе се плати.
Сакам Евровизија ама еве втора година нема да гледам ради Израел. И скроз мислам дека е оправдано да не учествуваат други држави како форма на бојкот. Браво за Холандија, Ирска, Словенија и Шпанија. Треба поќе држави како нив да бидат.
Ако беше Русија банирана, требаше и Израел, кога веќе вклучија политика во ESC. А всушност не требаше ниту Русија ниту никој да е баниран туку да беа сите обединети преку музиката ама ете, знаеме што е Евровизија.
Минатата Евровизија за првпат откако следам редовно не ја глеав, а секогаш баш дома се собираме тие 3 дена и сме пред Тв. Не сум сакала ниту да отварам видеа за да знам кои песни би биле, баш ради тоа што си сакав на Тв да следам, поинакво ми е доживувањето. И лани као ќе глеам, ама воопшто не следев, со телефонот си бев цело време, секако ништо важно не сум пропуштила. Годинава сигурно ќе биде истото. Да учествувавме, да го пратеа Боби секако би гледала, а вака апсолутно не. Нема више еуфорија, меракот се изгуби скроз, или пак, сум пораснала за да сфатам за каков политичко - пропагандистички циркус се работи.
Ја мислам дека конечно треба да си ставиме прст на чело - да видиме дека нешто одамна веќе не штима, не е како што треба. Сѐ се распаѓа и оди кон полошо. Општ хаос. На секое поле.
Што е работава? Многу откажани за Евровизија следната година...Шпанија, Холандија, Словенија, Црна Гора, Ирска, Севернава (одамна ние)... Да не е за ова со Израел?
Не знам, но се надевам дека и други држави ќе се повлечат. Мора да се испрати порака до ЕБУ дека Израел нема што да бара таму додека врши геноцид. Кога на Русија не ѝ е дозволено, не треба ни на Израел да ѝ е. А, Германија не ја боли за Израел туку искажува стаклена поддршка поради историјата и да не биде пак наречена монструм.
Евровизија општо веќе не треба да постои. Секаква смисла е изгубена. Единствено учесниците добиваат можност да се претстават да се покажат и да склучат нови соработките запознавања и сл. Ништо друго. Се е фејк местено и џабе пари потрошени. Боље парите од организацијата да се донираат на гладните од Африка поголема корист ќе се види.
Германија и Австрија не се во позиција да бидат против Израел, против Евреите, баш поради нивното минато. На некој начин се "приморани" да имаат таков став. Затоа што се плашат дека пак ќе бидат етикетирани како нацисти. Познавам Германци, Австријци и во брак сум со еден па имам чуено доста размислувања од нивна страна. Инаку Евровизија одамна е сè само не музички настан. Толку многу драми и политики, да ти се одмили да гледаш.
Ја мислев дека не гледате Евровизија оти задњиве години има само срање песни и пропаганда од сите можни размери, али не... А околу учеството Израел да не речам Палестина на факинг ЕВРОвизија, пребројте само колку евреи има у ЕБУ... Што би рекле старите, плати па клати.
Русија си прави свои шоуа. Има Интервизија, а сега сакаат да прават европско или светско првенство во фудбал.
Џабе пробуваат, нивото на се што ќе направат конкурентно на оргиналното е ептен ниско, на интервизија 5 пати ги приклучија Путин и Лавров. А светско да организираат нема шанси, шпекулации се, нема никаква потврда, ама ете и ако направат и нив и сите што ќе играат ќе ги казнат, поле ќе им се види.
Мило ми е што тие држави се повлекоа од Евровизија. Се надевам дека наредната година ќе се повлечат и други. Оваа Евровизија ќе биде најлоша од сите претходни.
И јас истото се надевам, дека полека и другите држави ќе се откажат од виножитнава евровизија и дека истата ќе се укине, а на нејзино место ќе дојде некој вистински музички фестивал каде ќе се цени музиката како уметност.
Тешко да се укине овој настан. Ама мислам дека ќе има големи промени за 2027г. Во право е членката која погоре пиша за тие 3 држави кои ќе се вратат. Без нив вкупниот број ќе беше 32. Што е најмал број откако има полуфинале. Од ЕБУ има известување за нов начин на гласање по телевоутинг. Џабе е се. Пак Израел ќе има најмногу гласови. Или ќе биде на второ/трето место. Викендов ја гледав Евровизија 2000. Е тоа е фестивал. Убави песни и настапи. Без глупирања на сцена.
