Здраво зелената глина е повеќе наменета за комбинирана до масна кожа, за сувата кожа е подобар каолинот (односно белата глина) која за жал во Мкд ја нема (или бар јас не сум ја видела). Оние со многу сува кожа најдобро е да користат нишесте како прашкаста состојка во маските за лице. Поздрав.
Mime, видов дека праша како се користи, а во оваа тема веќе имаш обајснето. Јас првиот пат ја направив многу течна глината и имав еден тенок слој ставено, кој го држев можеби 20тина минути на лицето. Моја грешка, признавам. Откако го измив лицето, имав црвенило на целото лице, баш таму каде што ми била маската. Помина после неколку саати дури, ама мислев реакција ми е од маската. И дадов и втора шанса. Неколку дрвени мали лажички, ги промешав со многу малку вода, за да добијам густа смеса. Нанесов на претходно исчистено лице и ја оставив некои 10 мин. Не ја дочекав ни да се исуши убаво, ја измив. После наместо крема, нанесувам кокосово масло. Првиот пат, најверојатно претерав бидејќи ја оставив толку долго. Исто ја нанесувам на косата, како маска. Ја прочитав Биодевојка и да, рано е да зборам, ама има почетни резултати. Односно добив волумен на косата и намалено е малце мрсењето.
@annii Вчера ја купив и за прв пат ја ставив на мене,мислам дека и ја претерав со вода,едно лажиче од глината и едно вода ама изгледа многу беше...после тоа и јас имав црвенило на некои места и ме фати страв мислиш дека е поради многу вода и долго чување на себе??? Сакам многу да ја користа но не сакам да има црвенило и да ме чеша.
@Biodevojka мрсна кожа има,до сега нема забележано дали ми е чувствителнапрв пат да ми се црвит некој дел од лицево..
Пробај ја оваа маска од глина: - 1 кафена лажичка зелена глина; - 1 кафена лажичка мед; - 1 кафена лажичка јогурт нанеси ја на лицето и штом почне да затега одма измиј ја (не чекај да се исуши). Само со вода глината за твоето лице можеби е малку поагресивна на оој начин медот омекнува а сепак е добар против акни и јогуртот прочистува, хидрира и смирува. Исто така наместо јогурт доколку имаш дома стави малку алое вера гел. Пробај па кажи ми. Поздрав.
@Biodevojka Денес ставив само глина и не ми се појавија никакви црвенила,се беше добро. Mожи дека прв пат ставив па затоа...
И мене ми се појавува црвенило во пределот на челото и под очите , некако кожата таму ми е по сува за разлика од носот и образите. Освен црвенило осеќам и топлина ама ништо страшно. Хидратантна крема и кожата како на бебе .
Само еден мал совет, зелена глина никако во пределот околу очите кожата таму е нежна и нема потреба од зелена глина.(прочитав дека под очите кожата ти е сува). Доколку не користиш глина во тој предел однапред се извинувам за интервенцијата. Поздрав
Една лажичка зелена глина во прав се раствора со малку вода за да се добие хомогена смеса. Се нанесува рамномерен слој на лицето, вратот и деколтето и се остава маската да се исуши. Ако имате сува кожа најдобро е претходно да се намачкате со неколку капки маслиново масло. Маската се отстранува веднаш штом ќе почувствувате дека ви го затегнува лицето. Ова се прави со млака вода или чај од камилица. Се практикува два пати неделно.
Јас денес ја купив на Виталиа си ставив и сум задоволна лицето ми е мазно меко и не ми се појави црвенило. Јас немам акни 2 3 најмногу но имам лузни како точки црвени и околу нив црвенило. Се сум испробала сега од глината ќе видиме.
Помешај 2 супени лажици зелена глина со малку чај од коприва и малку мед. Нанеси ја на мокра коса на коренот (избегнувај по должината или врвовите), масирај две минути и остави да делува 30 мин. Потоа измиј ја убаво косата со квалитетен шампон. Пробај па кажи ми како со задоволна. Поздрав
