Од овој рецепт излегуваат многу многу кифли (ама може некој да си ги преполови намирниците). Ние обично со мама кога правиме правиме многу. 4кг. брашно 1л. врела вода 1л.студено млеко 1/2 л. зејтин 10 лажици (големи) шеќер 7 мали лажици сол Сетоа тоа се замесува со 3 квасеца. Кога добро ќе се подмесат се оставаат да киснат 15 минути. Формите се прават по желба. Се премачкуваат со жолчка и одозгора се посипува сусам. Се печат врз хартија за печење и се ставаат и неколку парчиња маргарин (кристал).
Морам во темава да ја пофалам мајка ми, бидејќи ги прави најубавите кифли Ептен се меки и вкусни, еве рецепт и обавезно да ги направите. ПЕКАРСКИ КИФЛИ 2 кг брашно 2 коцки квасец 1литар млеко 2лажици бел оцет 5-6 лаж. шеќер 1-2 лаж сол 4 финџали масло Квасецот се става да надојде во млако млеко. Во сад се ставаат сите продукти се мешаат со лажица и на крај се додава брашното. Се меси убаво. Тестото кисне еднаш, па се прават кифлите, се редат во подмачкан плех, се мачкаат со жолчка, одозгора се поросуваат со сусам, се става маргарин и се печат.
Ептен сакам кифлички ммм. Ќе ви позајмам некој од рецептиве и некогаш ќе ја изненадам мајка ми. А кога таа ќе прави кифлички ќе ги сликам и ќе ви го пратам и рецептот
Реков пред некој ден дека ќе ги сликам кога ќе направи мајка ми и ги сликав. На првата слика тогаш ги правеше ама се брзав да излезам и не беа премачкани со јајце и сусам,ама кога се вратив ги сликав за да видите како изгледаат печени.Рецептот ќе ви го пишам утре оти незнам кај и е книгата на мама со рецепти
Ви ги покажав на слика па еве го рецептот за кифлите на мајка ми 1 чаша јогурт пола чаша масло 2 лажички сол 2 лажички шеќер 1 квасец 600 гр. брашно. Се меси и се дели на 10 топчиња,секое се расукува и се мачка со маргарин (кристал),потоа се оставаат малку 2 мин.да постојат така расуканите 10 теста,и потоа се редат едно врз друго и се расукува кората и се формираат кифлите,така направените кифли се премачкуваат со јајце и им се тура сусам,и се ооставаат цели 2 часа пред печење да киснат Толкуу Ептен се вкусни прбајте
ПЕКАРСКИ КИФЛИ (Стандарден рецепт за кифли, кој нема утка. Кифли како памук.) -1кг брашно -500мл. топло млеко -2 јајца -1 лажица шекер -1 мала лажица сол -1 квасец -2 филџани масло Се замесува тесто, се остава да кисни 30мин., па се прават кифли. Се мачкаат со јајце и се посипуваат со сусам. Одзгора пред печењето им се става по малку маргарин за да се помеки. Spoiler Може да се премачкаат со маргарин и откако ќе ги иставите од релна, додека се жешки. Наздравје.
Ајде од мене еден рецепт, да не отворам посебна тема, тука ќе го ставам. Се работи за АЧМИ, сигурно сите сте јаделе од тие познати турски пецива во Рамстор. Мене лично многу ми се вкусни, па најдов рецепт на интернет и ги направив, испаднаа супер. Но за следниот пат си имам на ум да ставам помалку брашно, некако како тврдички да ми беа малку. Иако со помалку брашно тестото многу ќе се лепи, има чаре и за тоа - мачкање на рацете со масло кога ќе се формираат ачмите. Еве го рецептот: АЧМА Потребно е: Една и пол шолја топло млеко еден свеж квасец или една и пол лажица сув квасец половина шолја топла вода половина шолја шеќер (ова за мене е премногу, јас ставив многу малку шеќер) една шолја масло едно јајце, и тоа одделно жолчка и белка едно лажиче сол 4-6 шолји брашно - зависи од самото брашно колку ќе ставите - тестото треба да е меко и да се лепи по малку за рацете една лажица масло две лажици црн ким Водата се става во длабок сад, се додава шеќерот и квасецот и се меша со дрвена лажица. Се остава да кисне, па се додаваат млекото, белката, 2/3 од шолјата масло, сол и се меша со дрвена лажица. Се додава брашното и се меси меко тесто кое треба малку да се лепи на рацете. Се остава да кисне. Со преостанатото масло се мачкаат рацете, се формираат ачмите - се зема малку тесто и се витка како ѓеврек во круг, се редат во подмачкан плех или на хартија за печење. Се мати жолчката со лажица масло и со тоа се премачкуваат ачмите. Може при виткањето да им додадете маслинки, шунка или кашкавал по избор. Откако ќе ги намачкате, може да ги посипете со ким или сусам. Се печат во загреана рерна на 200 степени. Еве и слика:
Еве уште една врста на кифли од мајка ми. И помалите и поголемите се направени од исто тесто но мене повеќе ми се допаѓаат пололемите,и внатре може да се стави кашкавал и салама ако сакате (затоа ви препорачувам ако правите да ги правите поголеми) *500гр благо млеко *1 квасец *4 лажички сол и 4 шеќер *9 лажици брашно ~~Се прави каша,и се остава да кисни.Откако ќе искисне се додава 2 јајца,3 филџани масло,едно кило брашно потоа одма се прават топчина,и се расукуваат на намачкана маса со масло.Потоа се формираат кифлите
Кифлички 1 кг брашно 2 јајца; 2кг зејтин ½ млеко 1 квасец 1 пециво Се меси, се сука една кора и се сече на 6 дела како крст.Три јајца и рендано сирење се мешаат, и се става во секоја кифличка и се замотуваат.Одозгоре се премачкуваат со жолчка.Тавчето се премачкува со маргарин
Темава е строго ЗАБРАНЕТА за трудници, посебно оние кои сакаат и можат да јадат само месени ствари од кога се во “друго стање“ Браво девојки, секој чест, само дај пратете малку, чисто да не ми биде нешто
Ќе бидам офтопик ама морам да прашам за совет. Кифливе нели ги замрзнувате и сега кога ги вадите од фрижидер дали ги загревате во микробранова или пак оставате природно да се отпуштат? Како е подобро?
И така и така може. Јас обично ги подгревам во микро за нели ако ми требаат побрзо, а и така сами да се пуштат пак се ок. Како сакаш така
^ Кога ги оставам така сами да се пуштат ми изгледаат посуво, а вака во микробранова од топлото мислам дека се послатки... затоа се прашував како феминките преферираат
Кога се одмрзнуваат во микробранова побрзо се стврднуваат за разлика кога нормално се одмрзнуваат - побавно се стврднуваат
Кифли Потребни состојки: 1 кг. млеко 1 коцка свеж квасец Брашно 100 гр. шеќер 1 коцка маргарин Сусам 1 јајце 4 лажичиња сол 300 гр. масло за јадење Коцката свеж квасец се раствара во млакото млеко, се додаваат и шеќерот. Матејќи со миксер се додава и брашно неколку лажици колку да стана тесто како за палачинки. Потоа се додава и маслото за јадење и се остава да отстои околу 20 минути за да се надигне нивото на смесата. Околу 1 кг. брашно се става во подлабок сад за месење, во брашното ја додаваме и солта, а потоа во брашното ја истураме и кашестата смеса. Месиме со реце, додаваме и уште брашно по потреба, неколку пати го киниме на ситни парчиња за тестото поубаво да се соедини и потоа го оставаме тестото во длабокиот сад, одозгора премачкано со малку масло (да не фати кора), го покриваме и го оставаме да поткисне. По 20 минути тестото го размесуваме и потоа почнуваме да ги правиме кифличките. Од тестото киниме три парчиња тесто, ги формираме во топчиња и малку ги расукуваме. Врз двете нанесуваме маргарин и ги ставаме една врз друга, а третата ја ставаме одозгора (без маргарин), потоа со сукалка ја развлекуваме кората и ја делиме на осум дела (тријаголници). Потоа ги формираме 5 кифличките. Постапката ја повторуваме со целото тесто. Кифличките ги редиме во намрсен плех, одозгора со четка ги мачкаме со разматено јајце, ставаме и сусам и парченца маргарин. Кифличките ги оставаме малку да отстојат, а потоа ги печиме во рерна околу 15 минути на 200оС.
