Моите живеат во зграда на Саник, задоволни се. Единствено, ѕидовите се тенки и се слуша од кај комшиите... ама мислам дека така е во сите нови згради.
Сакаме да си купиме уште еден стан со маж ми, локација Кисела вода или Аеродром. Да ми предложите на што да запазам од инвестотори, или да предложите добри.
Сум го искусил процесот од обратната страна на купувач ваков стан. Сметам дека имам некој увид во порцедурата. Процесот е нешто вака: Имаш имотен лист за станот на твое име кој има товар (хипотека на истиот стан) во катастар. Наоѓаш купец (многу веројатно и тој ќе сака да земе кредит под хипотека). Правите преддоговор на нотар за тој да може да аплицира за кредит. Кога му го одобруваат кредитот на купувачот, правите договор на залог на кој ти и тој се потпишувате како заложен должник, должник соодветно и банката како доверител. Договорот на залог е нотарски предмет и се процесуира во катастар. Идејата е практично да се стави хипотека од втор ред или со други зборови купувачот ќе има хипотека дур сеуште ти имаш хипотека истовремено. Значи 2 хипотеки. Кога ова се успешно упишува во катастар, следен чекор е се избрише твојата хипотека, така што банката на купувачот ги префрла парите од кредитот директно на сметка на твојата банка кај што ти е хипотеката, а остатокот го префрла на твоја смета (доколку сумата на кредитот е поголема од сумата за затворање на твојата хипотека) Кога оваа етапа е завршена, тогаш повторно останува на тебе да ја избришеш твојата хипотека на нотар кој процесуира до катастар да ја тргне твојата првична хипотека. Откако тоа ќе се реши, во катастар ќе остане само хипотеката на купувачот од прв ред, кај што станот сеуште е на твое име. Тогаш сте спремни да правите главен купопродажен договор, па тогаш останатата сума од купувачот се префрла на твоја сметка. Купувачот најчесто добива владение кога се договорите, а последен чекор е кога тој ќе си плати данок на промет во град скопје, да направите солемнизација. Извинете ако малку хаотично го објаснив ова, меѓутоа отприлика така е кога го раздробиш на правничко банкарските процеси кои стапуваат во игра. Како и да е, процедурата може да потрае во зависност од колку работите брзо или бавно течат во катастар и колку брзо вашата банка и банката на купувачот ги имаат документите потребни во даден момент . Бидејќи очигледно има многу одење напред назад од катастар до банка и македонските лавиринти и бирократија знаат да бидат малку неоптимални и флегматични. Би ве советувал ако вака продавате, или да одите преку агенција или да изнајмите добар адвокат за да ве посоветува. Бидејќи навистина е многу покомплицирана процедура отколку тривијалното купување /продавање стан од инвеститор во градба.
Моментално нема некоја понуда на нови станови низ Скопје. Се што има на огласи се врти со месеци и цените се надуени(инфлација)… по 1800-900 еур во Расадник и по 2000 еур во Мичурин ги огласуваат, а во центар и крапош се од 2200 нагоре. Нешто што е битно е дека во нареден период се предвидува рецесија од 2008 размери поради последниве тарифи на Трамп и трговски војни што ќе настанат како резултат.Е сега во рецесија цените на недвижности паѓаат, па од тука мислам дека и кај нас ќе има корегирање. Јас сакав да купам уште еден стан бар ама изгледа ќе почекам да видам како ќе биде темпото во наредниов месец или два.
имаш мала грешка во чекори, али добар си @CekajDaSeIsl ќе си ангажираш адвокат и тој ќе ти среди се, малце покомплицирана продажба е, ама нема агенција што да прави тука
во моментот кога веќе се упишани двете хипотеки во имотен лист, може да потпишувате главен договор и да помине во општина. плаќате данок банката префрла дел од од парите колку што се потребни за да се затвори кредитот на другата банка, дел на продавачот. во моментот на солемнизација се брише првата хипотека и искача нов имотен лист со новата хипотека и новиот сопственик
Здраво. Сакам да земам стан што е готов од инвеститор.Зградата е готова и има населено веќе луѓе.Е сега проблемот е што се слушат муабети дека тој инвеститор од кој сакаме да купиме стан дека е заглавен со пари има блокирани сметки и така.Каде може да дознаеме информации за тој стан дали му е ставен под хипотека?И дали е ризично да се купи стан од ваков инвеститор без да има последици за нас.Зградата уште нема технички прием.
Да, ризично е. Знам зграда што е населена и нема технички прием веќе 5 години и нормално станарите се оставени без имотни листови. Така да јас не би зимала стан што е изграден без имотен лист, тука е веќе нешто проблем чим нема тех.прием а се вселени.
Камата во евра е помала во однос на денари. Но ако има девалвација на денарот ќе се зголеми рата во мкд и потешко ќе се отплаќа. Но разликата во каматни стапки не е многу голема а и ризикот за девалвација е мал. Во принцип опклада е со банката за која валута ќе девалвира. Мислам дека најмногу луѓе земаат во евра. Но во принцип нема разлика освен ако сметаш дека си попаметен од банките кога се во прашање девизни курсеви. Од практичен аспект ако полошо моментално стоиш со пари се зема во евра ако подобро во денари.
Како би бил станот со имотен лист пред да биде изграден? Ние кога го купувавме беше во градба и во договорот пишуваше дека се согласуваме да има отстапки до 5 квадрата минус плус. Реалноста е дека додека не се изгради може да има мали промени на квадратура. Ете нашиот испадна 2 квадрати поголем. Не знам како би ми издале имотен лист пред тоа кога испадна поголем станот и пред технички прием. Имотните листови ги земавме после некој месец откако се вселивме. Се гледа во катастар на предбелешката дали земјиштето е под хипотека мислам дека.
Членката праша за изграден стан во зграда која веќе е населена и мојот одговор е за таа ситуација. Еве во маало има зграда која веќе 5 години е населена и нема технички прием, чим и зградата каде таа гледа стан е без технички прием треба да е претпазлива. Ако има промени се прави проект за измени во тек на градба и тоа поминува брзо во општина. За се има начин ако се сака да е легално и по закон.
Не се вселени сите станари туку пола од нив да речеме.Инвеститорот тврди дека ќе има технички прием па потоа се чека одредено време па имотни листови се добивале.Ако е ризик значи дека сите станари на цела зграда се под ризик. Така ќе му дојде.Прашањето ми беше каде можам да проверам дали станот им е под хипотека даден на тој инвеститор зошто само тој им е останат непродаден и дали при купородажбата ќе се покаже тоа оти сакам да го купам со кредит преку банка нормално?Дали треба да прашувам и адвокат?
лист за предбележба ќе извадиш, таму ќе видиш дали е под хипотека. и адвокат обавезно, секако без адвокат стан не можеш да купиш.
Ако некој одговор не ти одговара и не сакаш да го слушнеш немој ни да прашуваш. Првичниот пост не беше само за хипотека туку и праша дали е ризик населена зграда без тех.прием. Е па ризик е "полунаселена" зграда без тех.прием, може и да добие а ако отстапил од градежна линија и од градежна парцела или во висина може и да не добие. Во таа струка сум и знам што зборам. За хипотеката еве ти одговорија.
