Леле, жолтата маскара од Miss Sporty - топови, како да ви кажам. Многу, многу ми се допаѓа и многу ме потсетува на Lash Sensational од Maybelline (само што е едно 4 пати поевтина од неа), особено во формулата. Има таква „мокра“ формула и ако брзате или не внимавате, лесно може да се слепат сите трепки. Меѓутоа четката е фина и одделувањето оди прилично лесно. Со еден слој се добива фин природен изглед, а веќе со вториот слој трепките се разделуваат и добиваат на волумен. Многу издолжува, а во однос на виткањето не сум сигурна затоа што природно имам доста извиткани трепки, па кога вака нанесов во два скромни слоја, добив трепки до веѓите, а сепак не изгледаше воопшто нападно. Ја носев секако повеќе од 12 саати, не се преслика под очите. За 140 денари е класи над најскапата маскара од Голден Роуз. Кога ќе се подзасуши малку формулата, ќе биде уште подобра. И многу лесно се вади со кокосово масло или мицеларна вода - препорачувам!
За една недела ќе биде уште подобра и ќе почнеш да заразуваш и други женски со неа, ти гарантирам Ко некоја секта станавме сите со маскарава
Верувам, иста беше и Lash Sensational. Ја убив другарка ми со: „Ај те молам види да не сум панда во очите“. Моливчето ми се разлеа, маскарата не мрдна цел ден. Од Miss Sporty ја користев розевата (хот пинк, магента нијанса некоја беше амбалажата) и ја купив цели 95 денари од маркет. Беше исто така одлична, четката е слична но малку подебела од онаа на жолтата и се пресликуваше единствено кога се исуши. Сепак мислам дека оваа жолтава е многу подобра. Леле, не ми се верува дека нема да бидам веќе црнила под очите кога ќе се погледнам во огледало.
Јас ја зедов во Анабела за 340 ама сеуште ја немам пробано. Читав доста рецензии за маскарава и по некое различно искуство од членкиве на форумов. Мене ме премисли таа на Боржуа што ја имам моментално, ќе прикачам слика подолу. Многу ми се допаѓа иако пишав дека ги сплеткува трепките, по неколку пати користење забележав дека и може со четкичката да се разделат трепките ( касно откритие ама тоа е.) Прво што приметив е дека е многу интензивна дури при првото нанесување а со две и три нанесување ќе им кажете збогум на вештачките трепки. Е сега меѓу маните што ги сплеткува малку и се рони при нанесување. Искрено до сега не сум имала толку интезивна маскара да дава одличен волумен. Скапа е и трепките се баш како на сликата. Јас имам толку мали трепки со оваа маскара ко вештачки да имам, баш природен изглед дава само ме премислува околу тие мани. Јас баш не сакам кога маскарите се ронат и сплеткуваат. Ако ми се сплеткаат премногу нанесувам од др. маскара и решен проблем. Исто така приметив дека и не се суши ко маскарите од авон. Јас ја зедов нешто пред нова година, а ја отворив пред 1 месец.
Супер што ти се погоди , ќе ја земам и јас сигурно нареднава недела а и таа на Класик ќе ја пробам , па што сака нека биде @Mishela
Мислам дека не е водоотпорна, нема никаков знак на неа дека е, меѓутоа верувај дека е многу поиздржлива од некои водоотпорни маскари кои сум ги користела. Еве, ја имам на себе од 8 часот сабајле и нема мрднато; моливот ми е хаос и го корегирав пред малку, а маскарата нема гајле. Во Космо има Мис Спорти козметика, брендот не е воопшто скап, а квалитетот е навистина солиден. Купив и течен коректор (140 денари), па ќе видам како ќе се покаже. @koritsaki Тогаш чекам рапорт, да споделиш како ќе ти се погоди Класикс маскарата. Баш ме интересира.
Јас бев фан на Мис Спорти маскариве. За парите одлични ма и подобри од многу поскапи. Од Јуник ја купував ама од кога ја затворија на Рекорд продавницата не бев нашла на друго место. Космо ит ис, значи оставете некоја!
Essence розевата цела пинк ја имаат ставено во темава,маскара лудило имам кратки густи ми ги прави трепките до веѓи.Препорачувам,затоа штп имам пробано од најскапи до најефтини цената на оваа е негде 210 денари.
Сакам да ја пробам, дека исто мислење имаме за Lash Sensational. Ќе ја побарам, фала за инфо. Јас иначе не сакам водоотпорна маскара, па ќе ја ѕирнам убаво.
Еве една препорака од мене, маскара која дава супер волумен на трепките и ги извиткува. Четката е пластична што овозможува земање на доволно количество од смесата без да ги лепи трепките и не се рони, башка 110 ден. е
Ми треба маскара што ке ми ги издолжува трепките и ке дава волумен. Предлози? Цена до кај 300 денари.
Оваа од Боржуа. Многу е убава и ги прави трепките прекрасни, меѓутоа малку е поскапа, 500 или нешто над 500 денари.
Маскарава е едно големо промашување. Четката ко четка не е лоша форма, баш затоа и ја купив, ама зима премногу производ, ако не ја исчистиш трепките од 30 ти ги прави 3 слепени. А како капак на сè, се рони премногу. Жал ми е за парите што ги дадов.
Еве сум и јас овде да ја рецензирам маскарата на Мис Спорти , жолтата Маскарата е предобра за тие 150 денари ,а многу поскапи маскари неможат да се рамнат со оваа, трепките не ги витка нешто посебно , но ги издолжува и истовремено волумен им дава. Трепките стасуваат до веѓите со два слоја. Четкичката е мала , малку свиткана со кратки запци , што мене ми се допаѓаат многу такви четкички. Ја препорачувам да ја пробате. Ја тестирам се уште и таа на Класикс 3д розевата , но повеќе ми се допаѓа таа на Мис Спорти. Ја купив и на Есенс , оваа од лева страна Curl and hold , ама се уште ја немам пробано , ако некоја ја пробала нека каже
со влажни марамици ..нема подобро..од сатва на алкалоид 43 денари се 25 марамици,јас ги кинам на пола за да ми траат подолго ја нема повеќе,може и не ја произведуваат или увезуваат..јас имав црна ваква и си ја зачував четкичката од што прекрасно се нанесува...на фришоп последно ја видов 15 евра Мене па ми се допаѓа поради волуменот што го дава и треба малце повнимателно за да нема големо слепување и грутки..а која маскара не слепува трепки???една по една трепка сигурно нема таква што ги мачка...
Искуство некој со оваа маскара? Ја имам користено I love extreme розевата и сум презадоволна, но се мислам да ја пробам оваа
