Која е најубавата престолнина од екс Југославија и каде би го сместиле Скопје ако рангирате? Јас не сум била во сите, но еве Подгорица за мене е еден сосема обичен град, Белград е убав, ама па има делови кои се валкани, а и нашето Скопје исто е валкано, и кичесто како што велат Србите и ред други балканци кои го посетиле. Вие што мислите?
Зависи кој што поима за убавина, секој има различни критериуми. Субјективна е убавините во очите на посматрачот. Не сум ги посетил ниту јас сите престолнини, но би рекол Љубљана. Средена, чиста, зелена. Се е организирано, културно. И Загреб е во таа категорија. Додека Белград би рекол дека е повеќе град кој никогаш не спие. 24/7 се одвива живот во него и мислам дека е најдобра дестинација кога е во прашање ноќен живот и сето она што го сака една млада особа. Скопје од друга страна има некој посебен шмек, можеби и оти е наш. Микс на архитектури, традиции, народи и вредности. Вкусна храна. А тука се Водно и Матка како спас од урбаниот хаос. Во Сараево не сум бил, но нуди некоја автентичност таа Баш чаршија, исполнета со прекрасни мириси од разни турски јадења. Поделен град, сеуште зацелува од војната која го разруши пред скоро. Подгорица пак никогаш не доаѓала до израз како град иако е главен административен центар, убавината се наоѓа во приморските градови како Котор, Тиват... Сепак, град како град ја нуди својата магија само кога имаш со кој да ја споделиш. Луѓето со и околу тебе и миговите кои ќе ги доживеете заедно на едно место го прави истото посебно, уникатно. Некому ни Лондон нема да го задоволи, ако самиот во себе е несреќен, па ќе бара маани во се, додека некој друг може да ужива и во најзабаталеното село во државава.
Точно, имам роднина која живее во Србија, но не може да замисли да живее во Белград. Не сака големи градови.
Не сум шетан човек, не би знаел да кажам... Скопје ми се допаѓа што е 4 улици во должина и можеш да ги пречекориш сите кога сакаш. Партизанска, Илинденска, реката вардар па Пластичарска. И толку е градот. Нормално... Има уште една половина, Александар Македонски, Јане Сандански, 3-та Ударна и Борис Трајковски. Илустративно...
Убав, ама малечок. Колку Битола отприлика. За посета супер, ама јас лично не би можела да се замислам да живеам во него. Ама за студентарија е супер, локацијата супер, сите поголеми европски метрополи се релативно близу. Чиста, средена... нема збор, впрочем цела Словенија е таква. Јас Скопје си го сакам вакво нечисто, хаотично, пренаселено, пренатрупано, архитектонски уништено.... мое си е Би сакала Сараево да го посетам.
Љубљана е убав град но мал, за подолг период ми делува досадно. Белград ми е подинамичен и поинтересен. Скопје си е наше вакво-такво си го сакаме