Онлајн полагање испити и колоквиуми 2020 - За или против?

Ја отварам темава, со оглед на известувањето на МОН, дека сега со закон е одобрено да се полагаат колоквиумите и испитите онлајн. Дали на вашите факултети се одобри ова или не (ако да/не на кои), односно дали сметате дека е возможно сите предмети да се полагаат онлајн, и покрај специфичноста на некои полагања (практично)? Мислите ли дека онлајн полагањето би било веродостоен начин за положување и добивање оцена?

Јас лично мислам дека не е веродостојно, и не знам како би се одвивало по некои предмети кои мора да се полагаат практично, односно не можат да се спроведат усно или писмено.

 

Може линк да постираш?

 

https://www.radiomof.mk/studentskite-pretstavnici-na-ukim-i-uklo-se-protiv-onlajn-polaganje-smetaat-deka-mozhe-da-ima-zloupotrebi/

https://meta.mk/uss-so-onlaјn-polagaњeto-ќe-ima-manipulaczii-so-ispitite/

https://www.radiomof.mk/mon-sekoja-...bide-prifateno-od-visokoobrazovnite-ustanovi/


Не најдов конкретен линк за изјавата на МОН, ама во овие што ги најдов пишува зошто се УКИМ и УКЛО против, и споменато е како планирале МОН да се спроведат полагањата.

 

Јас сум против. Треба да се полага кога ќе се смири ситуацијава, па макар и тоа да биде во јули. Ако биде онлајн мислам дека ќе има голем број препишувања и оцените нема да се веродостојни. Не е поентата да ги исположиме сите предмети, па во иднина кога ќе работиме да се чудиме од каде дошло тоа, пр. медицинариве кога нечиј живот ќе зависи од нивното знаење.
Кај нас на факс имаше анкета и повеќето бевме против, но сеуште немаат официјално кажано што ќе биде.

 

Познавајќи ја државава и луѓето во неа сум против.
Ќе има премногу манипулации, нереални оценки, лажно знаење. Целта е да се научи, не само да се положи.
Инаку како идеја не е воопшто лоша. Зошто барем предметите што можат да се полагаат на тој начин, да не се полагаат. Сите ќе сме среќни со намален материјал по нешто. На тие што е потребно практично полагање, секако дека не може да се одржи. Но од идеја до реализација има многу. Сè додека не се најде решение каде што ќе се оцени реалното знаење идејава паѓа во вода.

 

Против сум бидејќи кај мене не сите професори реализираа онлајн настава а кај некои уште и немаме добиен материјал(плус сум ужас усно и кога на писмено вадам 10ка).
На приватен сум и оваа недела се уплаќа за прв колоквиум и еднаш не дадоа целосно известување, туку секој ден се се менува а упорно викаат да пријавиме. Тешко ми е да замислам дека ќе биде целосно фер, но ми се допаѓа тоа што го дадоа како опција за да не се губи премногу, иако воопшто не сме спремни за вакво тестирање.
Одлуката дојде избрзана и не целосно испланирана, едни викаат усно со камера, други ќе сме пишувале па документот ќе го праќаме по меил, некој викаа да пријавиме па кога ќе се вратиме на факултет во два наврати демек како колоквиуми да полагаме. Мене дали во јунска дали септемвриска сесија не ми менува, сега учам и само ќе повторам.

 

Ние нема да полагаме колоквиуми, се ќе ни даделе на испит, ама ќе имало повеќе термини за полагање.

 

Мислам дека нема да биде успешно, ќе има многу измами.

 

На мојот факултет ја одложија колоквиумската недела.
А за испити како ќе биде не знам.
За сите задолжителни предмети имаме онлајн часови и материјали ни праќаат во google classroom.
Реално не знам како би се одвивало онлајн тестирањето, има многу простор за манипулација така.

 

Баш пред некој ден правевме пробен онлајн тест со еден професор, чисто колку да видиме како би се одвивало сето тоа. Па и не е баш лесно да се манипулира.
Според мене ова е чиста глупост. Не секој има совршен интернет дома или 100% исправен компјутер итн. Што ако случајно снемам интернет или ми закочи лаптопот? Со тоа автоматски го паѓам испитот, што стварно не е фер.

 

Не само тоа. Дома сме, родители браќа сестри. Не секој има можност да се затвори во посебна просторија без некој да го вознемири со саати. Друго е на факултет.

Иако освен онлајн полагање бар на дел од предметите, друга солуција не гледам. Во спротивно, месец јули ќр треба да полагаме испити па наредната сесија пак за 1 месец ќе дојде. Психички нема да издржиме

 

Денес полагавме онлајн. На УГД сум. Не беше страшно, на заокружување 20 прашања, лесно поминавме сите.

 

Препишувавте?

 

Да.

 

Јас сум за, али 50-50. Да ќе има манипулации и нереални оценки али како веќе да нема такви работи на факултетите. Според мене, тоа што УСС се согласиле, целокупно дека студентите се против онлајн настава стварно не е ок. Подобро да пуштеа задолжителна анкета за сите студенти, да ни ги слушнеа нашите ставови и мислења и после да одлучеа. Ако веќе сакаат да ја запрат онлајн наставата семестарот на сите ќе ни пропадне, а и верувам дека повеќето ќе си ги сакаат парите назад. МОН нешто многу не гледам дека се ангажира.

 

Оценките можат да бидат само нереално подобри. А нас како студенти тоа ни оди во прилог. Не правете се сега многу поштени.

 

Епа затоа не било страшно Кај нас сакаат усно да не испрашуваат (дали на видео дали во живо..)после полагањето онлајн.
А колку и да ми е знаењето, усно ми пропаѓа се..

Абе ни оди во прилог ама далеку од тоа дека ќе остане така и отпосле. Плус тој што не препишува нема ни дома да препишува, и обратно.

 

Оценките можат да бидат и нереално подобри и ако се седне да се учи и да се полага без препишување ама нели, не бива така. Јас заглавувам со некои предмети и пак не би да се нафатам онлајн да полагам каде што шансите да препишам се огромни, па потоа кога ќе дојде момент тоа знаење да го применам на работно поле да се чудам. Не секој факултет и не сите предмети можат да си дозволат полагање преку интернет.

 

Не знаеш да се исконтролираш? Ако не сакаш да препишеш - нема.

 

Точно така. Ќе се "правиме" поштени ама барем во иднина кога ќе работиме ќе знаеме што правиме. Која е поентата да завршиш факултет со препишување не ми е јасно...