Овогодинешното доделување на Оскари ќе се одржи на 2 март. Ни остануваат уште само неколку денови за да дознаеме кој филм ќе се закити со титулата „најдобар филм“ и чии улоги оставиле најголем впечаток во изминатиов период. Еве ја конечната листа со номинации: https://www.oscars.org/oscars/ceremonies/2025 А вие слободно споделете што сте успеале да погледнете досега и како ви се допаднале филмовите.
The Substance, Anora и Wicked ми се гледани. Планирам да го ѕирнам и Emilia Pérez, останатите не се баш my cup of tea. Best Picture: The Substance, Деми Мур - оскар за главна улога.
Гледани ми се Conclave, The Substance, Dune, Anora и Emilia Perez го почнав, ама не го догледав, повеќе дека маж ми не можеше да го догледа. Не ми е јасно зошто Anora е на листава. Conclave беше добар, The Substance интересен, ама и прилично језив. Деми Мур беше одлична. Dune што знам, треба ваљда да сакаш такви филмови и со внимание да го гледаш, да ти е тазе гледан и првиот дел. Другарка ми што бевме на кино беше воодушевена. I'm still here сакам да го гледам, да не го има некој гледано? The Brutalist некако мислам дека е предолг, колку и да е добар, сигурно ќе ми се смачи до крај. Значи за Conclave, The Substance и за Dune можам да сфатам ако добијат оскар, сите се квалитетни, ама прво сакам да изгледам уште некој од другиве. Анора дефинитивно не ми е за оскар. Океј е за забава, а не дека носи некоја не знам каква порака. Ништо што не е општо познато.
@MarijaMi90 мене не ми е јасно зошто Dune го има во категорија за best picture, кога вториов дел не може никако да се оддели од првиот. Приказната си следи тек и не е самостојна, не е заокружена целина сам по себе, му фали воведот од претходниот дел. Не би било тоа тоа ако некој го гледа само вториот дел. Не знам, никогаш не го сфатив ова со филмовите на делови и не мислам дека треба (конкретно овој) да си го земе оскарот за оваа категорија. Го гледам како победник во sound editing, можеби кинематографија (иако мислам дека сепак не може да се мери со Conclave во ова), во такви некои категории за ефекти и слично. За Анора делам мислење, не мислам дека е којзнае што. Премногу внимание доби филмов, а мене од сево ова ми се допаднаа само само актерите, топ беа. Conclave многу ми се допадна, засега баш навивам за него, сакам и тој да собере некој оскар. Но не знам дали годинава имам омилен филм за кој ептен ептен би сакала да земе оскар. Сакам да го гледам The Brutalist и да видам тој како ќе ми се допадне, но не знам дали има торент.
Според мене Dune треба да освои за најдобар филм, најдобра слика, најдобра машка улога, најдобра споредна улога и најдобра музика.
Само два имам гледано Од нив Emilia Perez ми е фаворит, јак ми беше, но не знам колкави му се шансите за најдобар филм со оглед на тоа што јавното мислење во 2025 се сведува на трансфобија, а можеби има и подобар меѓу останатите. едит: Сакам и актерката во насловна улога да добие Оскар, не видов дали е номинирана.
Хелоу дечки, ја чекав темава и и се израдував хихи Моите топ 3: Анора Бруталист Conclave @Mishela Да, од бруталист излезе торент, некни го гледав. Луѓе, 3+ саати ми поминаа без да трепнам. Такви кадри, таква глума, музика, приказна, дијалози, комплетен пакет. Толку реално го доживеав филмот што мислев дека е по вистинска приказна, а да ти била скроз фиктивна. Ремек дело. Conclave ахх, немав никакви очекувања, а просто ме воодушеви. Не знам дали нему или на Бруталист да му припадне кинематографија, кој од кој подобар. Емилиа Перез, не бев нешто импресионирана, интересна приказна, ништо слично што сум гледала, но не ме освои целосно, можеби и дека не сум некој љубител на мјузикли или пак поради плитката глума на Гомез што не ја можам во никој филм... арно Селдана ја оправи работата (заслужен ќе и биде оскарот за споредна). Wicked, претопол филм за опуштање, скоцкан тип топ со прекрасна костимографија и ефекти, но би се согласила со @Mishela за деловите, ова беше само вовед на приказната, без конкретен крај каде што гледам неколку последователни делови за да се добие целосна слика (втор дел веќе е најавен за годинава), така да не знам и јас зошто се наоѓаат вакви филмови во главната категорија. Супстанца, два збора за филмов - бизарна совршеност. Ме акна од земја, цел филм си као wtf, може ли побизарно од ова? Ох и тоа како може. Како и да е, совршено отсликано општественото наметнување на идеали за убавина, како со клик на прсти можат да те збришат кога почнуваш да не им штимаш (физички), колку може да те опседне идејата за подмладување и стравот од процесот на стареење што се губиш себеси и се претвараш во едно несреќно суштество кое не само што старее на уште полош начин, туку и дошло до сопствено самоуништување. Деми сосема си ја заслужува наградата. Анора, јас сум од оние хајпнатите со филмов. На срце ми срасна. Таква суптилна комедија, а да не речам се мочнав од смеење. Налик делува обичен филм со обична разработена приказна, а сепак опфаќа доста реален приказ и контраст на животот. Глумата совршена, немаше утнат лик. Особено Јури, кој дали сврза 5 реченици, а сепак експресиите на лицето вриштеа над зборовите. Ова е мојот шлаг на тортата годинава. Иако реално како комплетна слика би била среќна да победат Бруталист или Conclave, потајно во мене си навивам за Анора. Тоа е се што успеав да одгледам, сакав и A Complete Unknown да го ѕирнам ама најдов само кам снимка, така да можеби по Оскарите.
Годинава слабо имам некако време, викендов сакам да изгледам повеќе од листава, ама ќе видиме колку ќе стигнам. За тие што ги имам гледано да пишам збор два. Anora го изгледав по препорака на другар, ни трејлер немав гледано ни ништо така си го пуштив и тоа во дневна пред мајка ми и со почетната сцена ја шокирав Ми се допадна приказната и глумците, меѓутоа дали мислам дека е wow филм за оскар? Не. Ама ми беше highly entertaining. A complete unknown да бидам искрена го гледав ради реда пошто е номиниран, го почитувам ликот и делото на Bob Dylan, меѓутоа не е ништо посебно филмот. Ама глумата на Тимоти е одличнааа! Ептен го има убаво доловено Боб. Wicked, unpopular opinion ама ми беше преценет. Башка што уште од под кревет што не ми излегоа Ариана и Синтија. Мене Ариана како глумица не ми се допаѓа, Синтија го влече филмов. Она што ми се допадна е колку волшебно предобар направен светот. Дали и овој е за Оскар? Не. Emilia Perez го пуштив и не знам дали бев преуморна или стварно досадно почнува, па за брзо се откажав и го исклучив. The substance не можам да проценам дали луѓево драмат со тоа дека бил толку гаден што повраќале по кино салите, па не знам дали да се изложувам на филмот. Другиве сакам да ги изгледам, dune 2 секако одамна ми е на листата, па може од него да почнам.
Упс Па реално не е до толку за повраќање, јес да е бизарен, ама на бизарно забавен начин. И јас негде читнав за повраќањево, некои дури и во несвет паѓале и ми падна чудно али ваљда луѓе со екстремно слаб желудник.
Иако приказната во првиот дел беше поинтригантна и ми се допаѓа повеќе, Dune Part Two е врвно достигнување на режисерот и претставува пример како треба да биде составен и да изгледа еден добар филм. За The Substance имам критика што повеќе се базира врз shock values отколку врз самите поенти. Кај Emilia Perez единствена забелешка ми е што во неколку наврати се приметуваше американскиот акцент на Селена. Ама тоа е некоја ситница.
Ќе гледаме ли вечер? Многу ги сакам Оскарите, уште како дете помнам ги следев, без Миланка ми се незамисливи. Уште не ми се верува дека и наши прошетаа таму пред неколку години (а и Милчо секако). Многу сакам Деми Мур да земе оскар, како актерка ми е недооценета. The Substance го гледав уште кога излезе пошто сум фанатик за хорори, крајот ми беше туу мач некако, ама и јас бев у шок кога заврши, грозничко на моменти, толку грозно што ми беше wooow. Respect The Balance.
Јас мислам прв пат после долго време нема да гледам пошто треба да станам во 6 за на работа а да не спијам нема да го издржам денот Инаку ги изгледав и Conclave и The brutalist, изненадувачки и двата ми беа добри. Бруталистов мислев дека нема да го издржам 3 саати да го гледам, ама приказната држи внимание. Nickel boys го пуштив ама пошто е сниман во прво лице, од перцепција на главниот лик многу ми беше тешко да го гледам и го изгасив. Сега кога веќе горе долу имам претстава за повеќето од филмовиве некако очекувам Бруталист да земе best picture. Актер претпоставувам ќе земе Adrien Brody, актерка се надевам Demi Moore. Anora очекувам да собере некоја награда, можда и за машка споредна улога. Од цртаните изгледав неколку, inside out двојкава не е толку добар ко првиот, па се надевам дека ќе се даде шанса на другите, Flow ми беше одличен. Wicked за шминка, костими, а визуелни ефекти претпоставувам Dune. Не знам дали само јас имам таков впечаток ама годинава ми беа послаби филмовите.
Освен I'm still Here, останатите филмови за Best Picture ми се гледани. Деми Мур - absolutely my favorite, неверојатно добра изведба. Навивам за неа да собере Оскар И генерално ми е мило за жанрот хорор што успеа преку The Substance да се најде на листава, I believe it's gonna be a cult movie. A Complete Unknown не ме воодушеви баш многу многу. Conclave, пре-до-бар. Прво мислев ќе ми е досаден но целосно држи внимание. Благодарение на глумата. A и пресвртот на крај е феноменален. Anora - тажна и смешна приказна која ми предизвика најразлични емоции, но се на се ми се допадна. Воедно поентата на филмот е нормализирање на секс работниците. Wicked е музички delight, вредеше што го погледнав во кино. Dune не ми е my cup of tea но глумата е добра, се е ок склопено. Emilia Perez, The Brutalist, Nickel Boys ми се допаднаа. Филмови што си имаат своја "тежина" и свој шмек. Филм кој заслужува победа: The Substance или Conclave.
Кој би рекол, Анора апсолутен победник (5 оскари).Дури и Mikey Madison (Анора), најдобра женска главна улога. Интересно е што девојкава е доста млада (25) и не толку позната во Холивуд, ова ѝ е прва позначајна улога и оп, најпрестижната награда. Како филм ми се допадна, го гледав уште пред да излезат какви било номинации, но не учекував ,,Picture of the Year" искрено. Оскарите се секогаш непредвидливи.
А јас презадоволна, сама да ги пишував победниците, немаше толку добро да ги склопам. Брависимо Анора. Можда Деми малце ја осакатија ама не ми е нешто криво. Се на се, одличен исход.
Иако навивав за други филмови мило ми е за Anora и за Mikey. Ептен слатка девојка и одлична изведба. Ја паметам Mikey od Scream (2022) и уште тогаш ми остави позитивен впечаток. А за оскарите се знае дека не го ценат жанрот хорор. Така да и до тука што успеа The Substance - is a good thing
