Здраво, би сакала да почнам со Божиќните пости но досега не сум постела, па би ми користело секоја информација претходно за што може да се јаде и што значи пост со масло и без масло. Благодарам однапред
Кога се пости се јаде храна од растително потекло (веганска храна), мед, мекотелци (полжави, школки, октопод и сл.) и риби. Пост без масло подразбира исклучиво посна храна зготвена без растително масло, а пост со масло подразбира храна подготвена со растително масло. Риба се јаде на големи празници. Мед се јаде секогаш. Мекотели се јадат кога се јаде масло. Сега за брзо ќе излезат илјадници календари и распореди кога се јаде и што се јаде. Доколку можете следете ги, но и не мора. Воздржувате се од јадење на месо, јајца, млеко и сирење, а дали ќе јадете или нема да јадете масло не се заморувајте. Јадењето или нејадењето масло ниту нѐ прави поблиски до Бога, ниту подалечни. Освен Србите и од поскоро време ние Македонците ниеден друг Православен народ не прави теологија од маслото.
Благодарам на одговорот. Каде да ги побарам календарите и распоредите? Досега имам најдено нешто од претходните години ама некако не ми се јасни (во однос на тоа кој ден е со масло/ без масло) па би ми значело ако може да споделите линк за кој да го земам најмногу во предвид. Благодарам
Ќе излезат деновиве. Фб ќе биде преплавен. И овде ќе ги објават истите распореди... Јас нема да објавам таков распоред. Сепак Ви предлагам да не се заморувате со масло и без масло. Туку појдете во најблиската црква и со некој од поповите договорете се да се исповедате и како да се причестите. Барем за време на постите трудете се во неделите да одите на богослужби, па и дома да се молите. Тоа е многу побитно од дали ќе јадете или нема да јадете масло. Има многу пострашни работи кои не' одвојуваат од Бога од јадењето или нејадењето на масло.
“Зашто скапо сте платени. Затоа прославете Го Бога во своите тела и во своите души, кои се Божји.” 1 Коринтјаните 6:20 Претпоставувам дека се смета за погрешно,а особено за време на пост.
Разрешување и допуштање за време на пост е од духовникот значи може да му забране а може и не, јас познавам на многу им е дозволено а на некои не
ТИПИК ЗА БОЖИЌНИТЕ ПОСТИ Со благослов на Неговото Високопреосвештенство Митрополит Брегалнички господин Иларион. Според Типикот Божиќните пости се постат на слениот начин: - понеделник, вторник и четврток на масло; - среда и петок строг пост; - сабота, недела и празници е допуштено риба. За монаштвото е благословено и понеделник да е строг пост, а за мирјаните кои имаат именден или куќна слава е благословено употреба на риба. Имајте радосни и богоугодни пости.
Јас ако го прашам духовникот како да постам ќе ми прати 7 книги да ги проучувам и за постот и за мрсот. А да и 6 филма со скриена евангелска содржина.
