Дали е во ред во текст да стои: Од таму донесе.. или Од тогаш помина.... или задолжително се користат "оттаму" и "оттогаш"? Мислење?
Согласките д, т, се пишуваат удвоено во сложените зборови со префиксите: од-, над-, под-, пред-. - оддава, оддалеку, оддалечи, оддел, одделение, оддесно, оддивне, оддипли, оддиши, оддолжи; - наддава, наддаде, наддели; - поддава, поддаде, поддржи, поддувне; - оттаму, оттогаш, оттука, оттури, оттурне; - поттекст, поттик, потточка, поттура; - наттрча;
Благодарам за одговорот, јасно ми е правилото околу удвојувањето, дилемата е дали може да се користат во текст одвоено ( како во примерот во првиот пост) или задолжително треба да се користат сложенките.
Правописните правила се дел од јазичната структура и треба соодветно да се применуваат во писмената форма (реченица, текст), освен кога има исклучок што не е случај во конкретното правило.
Може ли некој да ми каже како е правилна придавка од глаголот памети? Мозокот не ми работи, што и да пишам не звучи правилно. Ќе биде помнен? Паметен? Пометен? Плс хелп.
Имам да изработам глосар со зборови што завршуваат на инг во македонскиот јазик. Ако ви текне некое зборче, напишете ми. Ви благодарам однапред.
Маркетинг, инженеринг, паркинг, мобинг, лизинг, мултитаскинг, допинг, бодибилдинг, лифтинг, бебиситинг, мониторинг, дриблинг...
Сега забележав дека во една тема на форумот напишав сабота со голема буква, не знам што ми стана. Не сум неписмена, не ми го берете гајлето. Премногу книги на англиски.
Уф, како не сум ја открила темата порано, баш немам со кој да ги споделам grammar nazi-стичките нагони . Да сменам малку од стандардните, ме нервира „волку“ наместо „олку“, а голем знак ? ми е од каде излезе „во колку“ наместо „доколку“.
