Разлика меѓу преродив и препородив? Секогаш сум го користела препородив, во последно време го среќавам преродив. Како е правилно? Кога се користи едното, кога другото?
Препородив не е стандарден збор. Некој го утнал еднаш преродив во комбинација со породив и така си останал. Исто како што "отисне" е нестандарден збор најверојатно добиен од зборовите отпечаток и втисне. Исто оружен/вооружен. Неухранетост/неисхранетост.
Не е точно двата збора си постојат во речникот и се точни. Разликата е помеѓу свршен и несвршен глагол. Роди е несвршен глагол во прероди, а породи е свршен глагол во препороди. Во вториот случај се работи за два префикси пред роди исто како изнаучи. Исто има разлика во оружен и вооружен. Оружен значи тоа што е извршено со оружје, а вооружен лице што има оружје. @Miss666 можеш слободно двете форми да ги користиш.
Не влегувај толку длабоко во објаснувања, нема потреба. Значењето на сите горенаведени зборови е исто, само разговорно се употребуваат двата, при што ете некој пробува да додаде значења па да ги раздели. Не реков дека ги нема во речник, туку дека се нестандардизирани зборови, или ете ако сакаш наречи ги разговорни варијанти - а со исто значење. Бај д веј, оружен грабеж е неправилна форма иако се употребува во медиуми кои немаат лектори, додека вооружен грабеж/напад и слично е исправна форма.
Ај некој нека ме просветли, ве молам! Дали витаминот: '' К2 МК-7 '' на македонски е менахинон 7, или е менакинон 7 ?
Од каде излезе зборов - прекупотребно? Се почесто слушам и читам како се употребува, а не паметам претходно да сум го сретнала или учела каде било.
Не постои таков збор во македонскиот јазик, преземен е од српскиот. И мислам дека таму се пишува одвоено, преко потребно.
Да, српски збор е и споено се пишува, прекопотребно, затоа што е еден збор. На македонски мислам дека правилно би било неопходно.
Можеби. На Интернет ги користат двете форми. https://www.nin.rs/arhiva/vesti/16119/nepopularno-ali-preko-potrebno Сега го прашав ChatGPT, ми одговори дека се пишува одвоено, preko potrebno, ама тој може да греши. На македонски преведуваме "(и) повеќе од потребно".
Може и така, да. Секојдневно ги користам и двата јазика, па веќе заборавам што и како е правилно, блокада имам во мозоков.
Добро, зошто ме иритираат основни работи кога не знаете да ги пишувате правилно? Незнам, братми, женаму, несакам, сваќам, братучетками, абе одвоено значи со празно место измеѓу, аман еј! Основни работи да не се знаело.
