Препишување

Јас исто како тебе Rainbow, немам срце да препишувам. Еве втора година на факултет сум, никако досега не сум се осудила да препишувам. Поарно ќе трескам глупости ќе пишувам или ќе прашам некој, ако мислам дека може да ми помогне, ама да препишувам нема шанси. За оние кои препишуваат не ги осудувам, само некогаш искрено можеби ќе изгледа себично од моја страна, но ми паѓа криво, бидејќи некој од препишување ќе го положи испитот со иста оценка како мене, а јас сум се утепала од учење . Знам дека никогаш во животот и нема да се осудам на овој чекор, ама тоа е, барем нешто знаење ќе стекнам ако не друго .

 

Никогаш не се откажувам на испит, ми се случило и да препишам и да поткажам
А дефинитивно сум мајстор за препишување, тоа го правам без грам трема и паника (алал да ми е) хаха
Ете и задутре имам колоквиум, па 4 колешки си го поделивме матерјалот и ќе препишуваме меѓусебно (секоја е одговорна за својот дел ) хаха
Снајди се па положи работава

 

Немав навика за препишување, а не ни сакав да ја створам. Неколку пати сум напишала на ливче нешто за потсетување. Кога ќе дојдеше време да го извадам препотував, се тресев, црвенеев и пулсот ми се качуваше. И не го вадев ливчето, туку пишував она што сум го запомнила.
Мојата цимерка цел факултет го помина на препис, покул личност не сум сретнала . Правеше ливчиња за сите лекции два дена пред испит. Минијатури пишувани рачно, ги ставаше во дебели проѕирни пенкала и од нив препишуваше. Се опремуваше со панталони со големи џебови, плус јакна и во секој џеб ставаше по 5 пенкала. Нумерирани за да знае кој дел од материјалот во кој џеб е. Неверојатна тактика .
Секогаш се смеев и и’ велев побрзо ќе научиш ако седнеш и прочиташ, а ти време губиш на спремање ливчиња. Ама алал да и на ладнокрвноста пак ќе речам - некои можат.
Инаку, секако дека имам повисоко мислење за суденти кои не препишуваат. Такво снаоѓање е малку лицемерно... еден професор велеше дека е еднакво на крадење .

 

Не знам да препишувам,ниту некогаш сум препишала,а најчесто и се имам научено,па нема потреба.
Во секој случај...некаде еднаш прочитав,глупавите не ги извршуваат своите обврски,просечните го прават по пропис,а паметните го наоѓаат најкусото и најефикасното решение,што се надоврзува на некое си таму истражување,дека поинтелигентните деца наоѓаат споредни патишта за да успеат,како на пример препис,а остатокот од времето го користат за нешта кои вистински ги интересираат...У правод,глупи сме ние што учиме,што и не е далеку од вистината.
Јас имам пример од страшно интелигентно човече,на страшно тежок факултет,сите истпити на препис,оп дипломчето,ама затоа сега е еден од подбрите на своето поле и навистина се разбира.Коа ќе видиш,при препишување поднаучил нешто,тро талет,тро широко образование...

 

Не сум препишувала.
Мислам дека немаше да бидам толку лош препишувач, ама ме мрзеше да правам ливчиња и да смислувам секакви стратегии.
За тоа време можев комотно да научам повеќе од пола материјал.
Башка, мојот ракопис е крупен и сакам прегледност, минијатурни ливчиња за препишување ми се аут.
Да е потрагедија, не сум препишувала ниту за некои најидиотски предмети кои знаев дека нема да ми бидат потребни никогаш во животот, а имаше реални шанси да се препише.
Ко на пример - старословенски.
Седнав и научив за 6ка.
Немав живци за препишување.
За тие кои препишуваат секоја чест, мене лично ми е срамота да поминеш цел факултет со ливчиња бутнати во градник и по џебови.
Инаку, на препишувачите секогаш им прераскажувам една приказна како моја братучетка ја фатија на економски со слушалки за мобилен и и' бапнаа забрана за полагање цели 6 сесии.
А на времето имаа само по 2 сесии годишно за полагање.
You do the math

 

Aаа Трендафилке,сега усовршени се.
Материјалот го скенираат,го намалуваат тоооолку многу,колку да прочитаат и го принтаат,ете ти мини скрипта!Или ги прекуцуваат најважните работи и постапката од горе.
А сега е ин и бубица која е толку мала,колку една малце поголема трошка,што се вади само со магнет од уво и слушаш кристално јасно,а и најмал шум од микрофонот кој може да ти биде на папок залепен се слуша на другата страна.

Еееех ....

 

никогаш не сум препишувала, ниту во средно, ни сега на факултет, а и знам дека нема да препишувам оти ми е страв да не ме фанат а и не знам да препишувам..
ако бидам фатена да ме пишува на огласна табла, ем срам, ем забрана за полагање..


на првиот колоквиум по еден предмет решавав што решавав и на крај ми остана прашање кое не ми текнуваше како беше, а многу учев за тој колоквиум и почна паника да ме фака, да ги менувам сите бои на мене, да ме здоболува стомакот..и оти косата ми беше пуштена, на асистентот му дојде чудна сета таа нагла промена и дојде до мене, фино ме замоли да ја тргнам косата случајно да не носам слушалка, се увери дека нема, ме праша дали сум ок му кажав дека од паника, ми се извини најкултурно оти посумњал и помина... во тој момент јас се усрамив оти он посумља, а не па да ме фатеше.. ке умрев..

 

Понекогаш ми се случуваше да препишам. Не дека го немав доволно научено материјалот, туку едноставно за сигурност си проверував во ливчето .
Сепак во 3та ме фати срам да се потсетувам, па затоа фино лепо ќе си питав некој околу мене ако нешто не знаев.

 

Кога можам препишувам.Некни правев тест и препишував и 5ка ќе ми биде.
И му кажувам на другите.Ми се има случено со другарками да се договориме таа да научи половина материјал,јас половина и потоа си ги сменивме тестовите и се точно ни испадна.
Уште од 7мо одд почнав да препишувам и тоа по историја,раскажани лекциите и ископирани во минијатурен формат..абе милина да препишуваш.
Утре ќе одговарам усно со слушалки по латински.И кога ќе препишам си се гордеам.Ама секогаш пред да препишувам го читкам материјалот,бидејќи треба да знаеш и што да препишиш.А и усно да одговараш со читање мораш да бидеш поснаодлив,да биде незабележливо.
А многу ми е криво кога јас на другарка ми еднаш по германски јазик се и кажував те.и диктирав и напишаното слично ко моето и мене ми пишала професорката 4,а нејзе 5.
Е тогаш пукнувам од мака.Криво ми е кога други се испрепишале,а јас сум се мачела да научам.
Затоа најпаметно ако можам да си препишувам.

 

Средно додека бев знаев да препишам по некој предмет за кој знам дека нема да ми треба, како физика да речиме. Мада шо никогаш не отидов на ништо ненаучено: секогаш учев, а ливчињата ми доаѓаа како бонус. Сега, на факултет, не се осудувам да препишувам. Засега
И да, многу се нервирав кога ќе имав учено, а некој друг со препишување ќе добиеше иста оценка со мојата или повисока

 

колку се нервирам на препишување, ко прво не е фер некој се скапал од учење и не мрднал од дома а некој оп ќе си се изнашета ќе си препише ќе си положи и на крај ќе делиме иста диплома Јас не сум препишувала до сега, нема ни да се обидам, што научам и колку научам тоа поубаво пониска оценка ама барем да знам нешто од материјата отколку само препишувај па после појма да си немаш, само се прашувам што ќе прават на работно место пошто денес скоро сите имаат факултет, а знаењето каде е?

 

Не препишувам затоа што НЕ ЗНАМ и жива се јадам за тоа! Многу ми е криво кога гледам како препишуваат сите околу мене а јас не можам да мрднам и да извадам некое ливче.. Па затоа си учам секогаш, ако положам - добро ,ако не следна сесија

Значи - подржувам препишување и браво за тие што се способни да го прават тоа!

 

Не знам како некои не им е срам така со гордост да пишуваат како препишувале???? Па да се ставаат и оцени за успешноста за препишувањето. Еј бре луѓе срамота е, ок си е сите ќе дипломирате, па и денес факултетите се многу полесни отколку порано... Да ќе дипломираш и што понатаму? Утре ќе отидеш на интервју за работа основни работи нема да знаеш, срамота, а си дипломирала. Според мене доколку би постоеле многу построги мерки за препишувачите како на пример да им се скратат 6 сесии за полагање, па и незнам дали би биле толку храбри. А што вака само ке ги избркат од полагање и можат да дојдат на поправен или истата сесија на испит. И не се сложувам дека се способни препишувачите, ако се способни нека седнат нека научат.

 

Никогаш не сум препишувала,повеќе сакам да научам нешто и да го положам испитот,отколку да поминам со препишување, но и од причина што и да сакам да препишам,знам дека сигурно ќе ме фатат Секој различно размислува или се снаоѓа дали со препишување или само со научено да се оди на испит,пак нешто се знае,колку толку, меѓутоа знаењето подоцна ќе се види, нормално откако ќе се заврши факултетот, што незначи, но во глобала е така.Сепак, познавам и такви луѓе кои препишувале, а подоцна откако ќе ги прашаш што научиле, појма си немаат.Тоа е релативна и индивидуална работа,некој може да помине со препишување, но некои не

 

Мене ич не ме бива за такви работи Неколку пати сум пробала и ме фаќа страшна трема и страв да не ме фатат. ОК е да знаеш да се снајдеш, ама се согласувам со сите вас дека не е фер некој да учи да се труди, а некој се да си препише и да положи и тоа со јаки поени.
Имаме еден добар асистент на факултет и кај него мислевме дека сите ќе препишеме, ама еден колега си нае*а пошо препишуваше од мобилен и му стегнаа казна. И од тогаш страв ми е дури и на страна да погледнам, а камо ли да препишувам.

 

Јас пак многу често помислувам да препишувам ама не можам. За кој к*р тогаш се имам запишано на факултет? Да научам нешто или да доаѓам онака а да си поминувам година.
За средношколците Да, подржувам да препишуваат затоа што некои професори знаат да бидат ептен гад иако нивниот предмет не е толку битен, така да ученици САМО НАПРЕД!!!!!!!
А да се вратам на факултет, ненормално ме живцира кога гледам студенти со слушалки, бубици и сл.
Господ да ги благослови оние блокатори, попаметна работа здравје.
Знам многу личности (поготово од мојата група што студирам) кои доаѓаат онака ич мува не ги лази а си поминуваат со 10 и 9-ки. Јас што ќе се убијам од учење ќе поминам со скромна 6-ка и после истите ќе ми се смеат за оценка.
И кога ќе ги прашам зашто доаѓаат со бубици добивам одговор од типот "зашто да учам????"
Па од причина зашто си се запишала на факултет,глупача една (посветено)
На многу луѓе на кои навистина им се учи и сакаат струка да студираат, не добиваат можност заради глупави личности горе споменати
Препишувањето е ок, ама со мера, а не да завршиш школо и факлтет и да не знаеш ништо за својата струка

Ако забегав малку од темата извините, али неопходно беше се да се каже

 

Гордо признавам дека препишувам . Лани хемија едвај 3 имав со учење а годинава со препишување 4 Не ми одат природниве предмети ама ич .. На македонски писмени нонстоп , заборавив кога сум отишла последен пат и да пишувам буквално она што ми дојде на памет прво Само еднаш ме фатиле и можам да се пофалам дека ме бива за тоа И сега некоја професорка да ме познае фали

 

Во целава моја образовна кариеира, само два пати сум препишала,ама не дека ми смени нешто многу, туку за повеќе да има напишано не ме бива за тоа, а додуше не сум се ни потрудила, пре ќе седнам и научам отколку да пишувам ливчиња и да се влечам по копирници. Ги има многу што препишуваат, ама кога ќе размислам тие таквите еден ден ќе станат инженери(конкретно за мојот факултет зборувам), а нема да знаат да решат еден прост извод или што е челик. И што им вредело целото препишување?-Ништо. Затоа јас одбирам да си седнам врз книгата, па колку научам толку да добијам.