Имам прочитано се од него, поради него се вљубив во литература, потоа преминав во покомплексни четива, но сепак ми стои тој носталгичен печат од него. Омилени ми се: Гневот на ангелите, Крвна Врска, Странец во огледалото, Звездите светат од небото, Раскажи ми ги соништата, Другата страна на полноќта и неговата автобиографија Другата страна од мене, која раскажува за негивот живот, инспирација од женскиот пол, упорност, буквално срцето му е ставено таму.
Го обожавам овој писател, односно неговите дела. Првите книги што ги прочитав беа од него, и тоа на српски (иако првпат читав српски тогаш) пред 15тина години. Мајка ми имаше комплет и поради белата корица мислев дека се некои книги за Тито , но кога ја прочитав првата книга бев воодушевена. Ги имам прочитано Странец во огледало, Голо лице, Крвна врска, Ако има утре, Другата страна на полноќта, Полноќни спомени, Господар на играта (двата дела), Раскажи ми ги соништата... (тие ми текнуваат сега). Просто те оставаат без збор, возбудливи, интересни и непредвидливи... И иако ги знам напамет, би сакала да ги прочитам пак, ама за жал мајка ми ми ги фрли затоа што секое лето по цел ден си ги читав одново и одново . П.С. И јас мислев дека е женско на почетокот .
Писател е. https://www.google.com/search?q=Сидни Шелдон&oq=Сидни Шелдон&aqs=chrome..69i57j69i60l2&sourceid=chrome&ie=UTF-8 Било која да ја земеш, сите му се одлични. Не сум прочитала книга од него која ме разочарала.
@jelena.rozga Гневот на Ангелите ми е прва книга од него, и една од омилените книги кои воопшто ги имам прочитано. Еве под дела во Википедија шо стои: Ѕвездите светат од небото После темнината Песокот на времето Голо лице Ако го дочекам утрото Другата страна на ноќта Утро, пладне, ноќ Небото паѓа Гневот на ангелите Полноќни спомени Господар на играта Другата страна на полноќ Пеколни планови Ништо не трае вечно Ветерница на боговите Странец во огледало Се плашиш ли од темницата? Раскажи ми ги соништата Крвна врска Обично кога немам нешто друго за читање земам рандом книга од него и знам дека нема да ме разочара зошто до сега се што имам читано е прекрасно.
Ги имам прочитано Господар на играта и Господарка на играта. Преубави дела. Сигурно ќе прочитам уште нешто од него.
Ја прочитав ''Раскажи ми ги соништата'' и кога отидов во библиотеката да земам друга книга од Шелдон сфатив дека е машко Други од него ги читав и ''Странец во огледало'' и ''Гневот на ангелите''. Добри се книгите ама некако премногу ми се заплеткани,знам дека за книгата во која главен лик е девојка со неколку идентитети едвај сфатив која е вистинската личност.
Еден од моите омилени автори. Толку добро раскажува, те тера да читаш и читаш, без да сакаш да имаш пауза. Се што сум читала до сега ме оставило без збор. Преубави дела.
