Само што видов на Мој термин пуштени се неколку термини за испитување на спермограм на Хистологија. Доколку на некоја и треба, да искористи можност после 6 месеци да испита на товар на фонд
Девојки дали нечив сопруг пиел само Кондесил и Профертил за олигоастенозооспермија? Гледам повеќето пиеле Трибестан, а на м.м. не му препиша урологот Трибестан. Дали да ги земеме на своја рака или да ги пие само овие 2те?
Секој е со различен организам и начин на живот исхрана и физичка активност...од мн фактори зависи каква терапија ќе прима на пример мм ги откажа цигарите и пиеше серматроп и имаше подобрување уште по првиот месец но секако терапијата ја примаше 3 4 месеци...
Девојки здраво. Во вторник маж ми има закажано во систина за спермограм, па сакам да прашам дали би имало некаков проблем доколку апстиненцијата е 7 или 8 дена. Дали тоа би влијаело на лош резултат?
Ова е спермограм од њу борн. Јас мислам дека е подобро да презакажете за во петок пример, а утре бидете си активни.
Ова е нашиот резултат. Лош спермограм и ешерихија коли. Дали со терапија и со витамини би можело да се среди спермограмот ?
Астенотератозооспермија значи дека партнерот има намалена подвижност на сперматозоидите и зголемен број на абнормални сперматозоиди. По критериуми на СЗО, вкупниот процент на брзи, бавни и во место подвижни сперматозоиди во нормален спермограм треба да е повеќе од 50%. На овој спермограм е точно 50%, значи тој дел од дијагнозата (астеноспермија) е со гранична вредност. Меѓутоа по референтните вредности на лабараторијата каде што е правен спермограмот за астеноспермија се смета доколку процентот на брзо подвижни сперматозоиди е под 25%, а овде е 17%. Не е идеално, ама не е ни којзнае колку страшно. Во однос на вториот дел од дијагнозата, тератозооспермија значи намален број на нормални сперматозоиди. Според СЗО, за нормален спермограм се смета доколку процентот на сперматозоиди без аномалии е над 30%. На овој спермограм е само 8%. Зголемениот број на абнормални сперматозоиди може да биде причина за спонтани абортуси, бидејќи станува збор за сперматозоиди со аномалија. За ова и за бактеријата во ејакулатот треба да си направите консултација со уролог. Мора да ви даде терапија за бактеријата и за подобрување на сперматогенезата. Од искуство на мојот сопруг, подобрување на спермограмот имавме со почитување на препораките за откажување на алкохол и цигари, избегнување на затворени зачадени простории, мобилниот да не се носи в џеб, лап топ да не се држи во скут, бањање со млака вода, носење боксерици или воопшто не носење на долна облека (барем за по дома), физичка активност барем 30тина мин дневно, избегнување на конзервирана, јаглехидратна и масна храна, јадење секој ден по околу 100тина гр семки од тиква и суво грозје, ако можи и плус сушено овошје, заради високиот процент на фруктоза. Дополнително во тегла со мед, дома јас му направив сомелени бадеми, лешници, индиски, фстаци, ореви, сусам, семки од тиква и сончоглед, суво грозје, сушен ананас, сушена кајсија, сушени урми и смокви. Сето измешано по 1 лажица на гладно, по можност и во текот на денот уште на 2 пати по 1 лажица. Освен тоа, земаше Трибестан и силна антиоксидативна терапија. За 3 месеци имаше спермограм--нормозооспермија. Се надевам дека ти помогнав. Ви посакувам среќа.
Лелеее, фала ти многу, искрено ме утеши и ми даде малку надеж. Инаку тој воопшто не пие и не пуши, само што храната воопшто не му е јака страна. Или ништо не јаде или ако јаде тоа е брза храна. Течности слабо внесува. Ќе морам јас со ова да се позанимавам. Имаме закажано на уролог следната недела, ќе видиме што ќе ни каже. Сепак фала ти многу , колку толку се расположив малку. Дај Боже да се среди.
Сѐ ќе се среди. Силна волја и позитивна мисла само! И секако, придржување на тоа што ќе го кажи урологот. Од срце ви посакувам во најскоро со супер спермограм и бебе во рацете да сте!
I nie imavme dijagnoza astenozoospermija I mm piese qoenzimq10 l karnitin omega 3,6,9 od krilovo maslo so astaksantin ili bioastin go ima vo zegin vitamini od a do z na centrum vitamin e I jadese jatki nepeceni I piese maticen mlec so med cist domasen med ne od market I propolis I polen I acerola I od 20 posto progresivno podvizni spermatozoidi za sest meseci stignavme do 60 posto progresivo podvizni spermatozoidi i normalen spermogram inace pricina za losiot spermogram bese hipotireozata i hasimotoviot sindrom kaj mm no toa go otkrivme koga veke bev bremena so ivf a ivfpravevme oti I jas imam neproodni tubi
Баш ми е драго што сте успеале да се средите. Дај Боже и кај нас да се среди. Ние дури сега почнуваме, криво ми е само што толку време чекавме, можеби да почневме порано немаше да имаме ваков резултат. Ама тоа е што е, нема предавање. Денес нарачав мед со матичен млеч, исто природен од луѓе што дома чуваат пчели, а за витамините и терапијата ќе почекам следната недела кога ќе отидеме на уролог, да видиме што ќе ни каже. Ми давате вака надеж
